YAHYA 7:16 - BALA LUK DO'

¹⁶ Idi kebala Yésus, “Bada'Ku ineh baken rat Negku, iamo' ratnan Allah luk nengecuk Negku.

YAHYA 7:16 Iomraidhean Croise

YAHYA 14:10

Naké iko manu idi Ui ini bang Taman, idi Taman pana' bang Negku? Amung-amung bala luk Ui ini mala kuan muyuh, baken Ui pebala dengan pianKu sebuleng, iamo' Taman ineh luk lutep bang Negku, Ieh luk nganau' amung-amung kekamen ineh.

YAHYA 14:24

Lemulun luk na mawa Negku, na ieh maya' balaKu. Idi bala luk muyuh ninger ineh baken balaKu, iamo' bala Taman ineh luk nengecuk Negku.

YAHYA 17:14

Ui ini nengacing balaMu kuandeh; idi uang tana' ini megateh nedeh, ngaceku ideh baken ratnan tana' ini, mepad kudeng Ui teh baken ratnan tana' ini.

YAHYA 17:8

Ui nemaré kuandeh bala luk bilaMu Negku, idi ideh pangeh nengalap ineh. Ideh nekali' dengan matu idi Ui nacing rat Namu. Idi teh ideh manu ratnan Iko luk nengecuk Negku.

YAHYA 3:11

Matu, Ui pebala namu, kai pebala ratnan luk kali' kai, idi kai mada' ratnan luk sinier kai, iamo' na muyuh pian ngalap bala kai ineh.

YAHYA 3:31

Ieh luk macing rat déi' dita', Ieh ineh luk meluun rayeh ratnan amung-amung. Lemulun luk ratnan tana' ini iniap kuan tana' ini teh idi pebala ratnan tana' ini. Ieh luk macing rat suraga, Ieh ineh pa luun amung-amung.

YAHYA 5:30

“UI na miak nganau' anun-anun maya' pianKu sebuleng. Ui ngukum lemulun maya' kudeng luk uen Allah ngeletep, idi ukumKu ineh matu; ngaceku na Ui maya' pianKu sebuleng, iamo' pianNeh luk nengecuk Negku.

YAHYA 6:44

Seburur pana' na miak macing Negku kudeng niatneh na rinuid Taman luk nengecuk Negku; idi Ui ini miak nui neneh kareb aco luk kekiped.

YAHYA 8:28

Idi kebala Yésus nedeh, “Kareb muyuh ngikit Anak-Lemulun, idi muyuh miak kali' Ui ini Ieh, idi teh muyuh miak kali' idi sebuleng pana' na Ui nganau' maya' pianKu sebuleng, iamo' mepad kudeng TamanKu nemada' Negku, kudeng ineh teh luk belénKu.

2 YAHYA 1:9

Idé-idé luk na lutep bang bada' Keristus, iamo' luk ngeluun ineh na luk idi Allah kuanneh. Iamo' lemulun luk lutep bang bada' ineh, lemulun ineh luk kuan Taman idi Anak ineh pana'.

BALA LUK LINIO 1:1

Ini bala luk linio Yésus Keristus idi luk biré Allah Neneh, pad ngegala' kuan demulun-demulunNeh, anun-anun luk miak mangun dengan mesaget. Keristus nengecuk melaikatNeh maré kali' ratnan ineh kuan demulunNeh, Yahya,