YAHYA 7:14 - BALA LUK DO'

¹⁴ Kareb uned irau ineh, idi Yésus nesemeut bang Ruma' Allah idi nemada'.

YAHYA 7:14 Iomraidhean Croise

YAHYA 7:28

Kareb Yésus nemada' bang Ruma' Allah, idi Ieh nengitang, kebalaNeh, “Matuké muyuh ngiti Negku; inanké muyuh kali' rat iapeh iratKu? Ui na macing maya' pianKu sebuleng. Ieh luk nengecuk Negku ineh matu, idi muyuh na ngiti Neneh.

LUKAS 19:47

Idi anid-anid aco Yésus nemada' bang Ruma' Allah ineh. Iamo' imam-imam rayeh idi guru-guru Ukum, dengan lun rayeh pupu ineh nenakap dalan sikal ngaté Neneh.

YAHYA 18:20

Idi kebala Yésus neneh, “Ui ini pangeh nepebala dengan megala' kuan uang tana' ini; megéi Ui mada' bang ruma' sembayang idi bang Ruma' Allah, ieh ineh su luk inan amung lun Yahudi pamung. Idi sebuleng pana' na Ui nemala dengan ngalum.

YAHYA 8:2

Pekak kenebpa idi Ieh iné' bang Ruma' Allah teh, idi lun mula' iné' Neneh, idi Ieh netudo mada' nedeh.

YAHYA 7:37

Aco luk kekiped bang irau ineh, ieh ineh aco luk meluun rayeh. Bang aco sineh Yésus netuped idi nengitang, kebalaNeh, “Kudeng idé lemulun luk meparing, do' ieh macing Negku idi ngirup.

YAHYA 7:2

Iamo' irau lun Yahudi pangeh muneng, ieh ineh Irau Lepo.

YAHYA 5:14

Muci ratnan ineh Yésus nepapu' neneh bang Ruma' Allah, idi nepebala neneh, “Nekini iko pangeh do'. Aleg nganau' sala' peh, pad iko na mekaneh luk meluun dat.”

MATIUS 26:55

Idi Yésus nepebala kuan lun mula', “Muyuh remuat ayu-ayu sikal pebunu' dengan lun manoké, dengan pelapet idi kayuh pad ngakem Negku? Anid-anid aco Ui netudo mada' ago déi' bang Ruma' Allah, idi nateh muyuh nengakem Negku.

MATIUS 21:12

Yésus nesemuet bang Ruma' Allah, idi nemasut amung lemulun luk masui idi luk melih binaweh bang Ruma' Allah ineh. Ieh nengelukeb méja-méja lemulun luk ngelibal rigit, idi kerusi-kerusi lemulun luk masui suit sukur ineh,

MALAKI 3:1

Idi Tuhan luk Melalud ngor bala muyuh, “Ui miak ngecuk nelun dukenKu nganau' temina' dalan kuanKu. Idi denak-denak Tuhan luk tekapen muyuh miak macing bang Ruma'Neh. Idi lun duken luk inan muyuh mawang niat miak macing idi mada' jani'Ku.”

IAP 29:17

“Idi kareb aco luk kedueh ineh do' maré pulu' dueh sapi' deléi, idi dueh dumba deléi, idi pulu' apat anak dumba luk ulun selak luk do',

IAP 29:20

“Idi kareb aco luk keteluh ineh do' maré pulu' aceh sapi' deléi, dueh dumba deléi, idi pulu' apat anak dumba luk ulun selak luk do',

YAHYA 8:20

Amung bala ini bilaNeh kareb Ieh mada' bang Ruma' Allah, muneng ku su luk inan nganug usin. Idi seburur pana' na nengakem Neneh, ngaceku tarekNeh nateh nacing.