YAHYA 6:51 - BALA LUK DO'

⁵¹ Ui ini Ruti luk mulun, luk temurun rat surga. Kudeng idé lemulun kuman ratnan Ruti ini, ieh miak mulun ruked-ruked. Idi Ruti luk barénKu ineh, ieh ineh bururKu. Ui maré ineh pad tana' ini ngalap ulun.”

YAHYA 6:51 Iomraidhean Croise

MATIUS 20:28

mepad kudeng Anak-Lemulun pana' na Ieh nacing pad Ieh miak uen ngasa', iamo' pad Ieh miak ngasa' idi maré ulunNeh mangun ku uli' kuan amung-amung lemulun.”

LUKAS 22:19

Idi Yésus nengalap ruti, idi nemaré ubur, idi nemuri' neneh, idi nemaré neneh kuandeh, keburi'Neh, “Ini bururKu luk biré ngaceku muyuh; nganau' kudeng ini mangun ku sebuleng terawé rat Negku.”

YAHYA 1:14

Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

YAHYA 1:29

Kenebpa Yahya nenier Yésus macing neneh, idi keburi'neh, “Siruh, Anak Dumba Allah luk mabeh sala' amung uang tana' ini.

YAHYA 11:26

idi idé-idé luk mulun idi manu Negku, na ieh miak maté ruked-ruked peh. Manuké iko ku ini?”

YAHYA 3:13

Seburur pana' nateh numak surga, baken ratnan Anak-Lemulun luk pangeh netemurun rat surga.”

YAHYA 3:14

Mepad kudeng Musa nengiding menipeh ineh déi' su luk ali-ali, kudeng ineh teh Anak-Lemulun kali' rungen uen ngikit,

YAHYA 3:16

Ngaceku Allah mawa kuan uang tana' ini, pad Ieh nemaré Anak bulengNeh, idi idé'-idé luk manu Neneh na miak maté, iamo' ieh ngalap ulun luk meruked.

YAHYA 3:36

Lemulun luk manu inan Anak ineh, ieh ngalap ulun luk meruked. Iamo' lemulun luk na maya' bala Anak ineh, ieh na miak kali' ulun, iamo' useh Allah tudo pa luunneh.

YAHYA 5:24

“Matu, Ui pebala nemuyuh, lemulun luk ninger balaKu idi manu inan Luk nengecuk Negku, ieh ineh ngalap ulun luk meruked, idi na semuet bang ukum, iamo' ieh pangeh pinuit ratnan até amé' inan ulun.

YAHYA 6:33

Ngaceku Ruti Allah, Ieh ineh luk temurun rat surga idi luk maré ulun kuan uang tana' ini.”

YAHYA 6:35

Idi kebala Yésus nedeh, “Ui ini Ruti Ulun ineh; lemulun luk macing Negku, na ieh miak melau peh, idi lemulun luk manu Negku, na ieh miak meparing teh.

YAHYA 6:41

Idi lun Yahudi ngedureng Neneh, ngaceku Ieh nepebala, “Ui ini Ruti luk netemurun rat surga.”

YAHYA 6:47

Matu, Ui pebala nemuyuh, lemulun luk manu ngalap ulun luk meruked.

YAHYA 6:48

Ui ini Ruti Ulun.

YAHYA 6:50

Idé-idé luk kuman Ruti luk temurun rat surga, na ieh maté.

YAHYA 7:38

Maya' kudeng luk inayud bang Surat Allah, ‘Idé-idé luk manu Negku, rat bang neneh ineh miak manud tuda'-tuda' bued abpa' luk mulun.’ ” (

2 KORINTUS 5:19

Allah bang Keristus ineh nemaré uang tana' ini pedo' Neneh idi na Ieh ngiap sala'deh. Ieh pangeh nemaré kuan kai bala ratnan nguit pedo' ineh.

2 KORINTUS 5:21

Keristus na mesala', iamo' Allah nenganau' Neneh mangun ku sala' ngaceku tau, pad tau ini ruen Allah matu bang Keristus ineh.

EPESUS 5:2

Idi mulun bang awa, mepad kudeng Keristus pana' pangeh mawa netau, idi pangeh nemaré bururNeh ngaceku tau, mangun kuk aceh baré luk do' buen idi aceh luk barén luk inan Allah mawang niat.

EPESUS 5:25

O deléi luk inan awan, mawa inan decur muyuh, mepad kudeng Keristus pana' pangeh mawa inan sidang, idi nemaré bururNeh ngaceku sidang ineh.

TITUS 2:14

Ieh nemaré bururNeh ngaceku tau, pad Ieh nguli' netau ratnan amung-amung kekamen luk dat, pad Ieh ngeligan kuan bururNeh, aceh pupu mangun ku binawehNeh sebuleng, luk mekél nganau' luk do'.

IBERANI 10:20

Ieh nengukab kuan tau aceh dalan luk mebaruh idi luk mulun, maya' dicing, ieh ineh bururNeh.

1 PETRUS 2:4

Do' muyuh amé' matun Tuhan, ieh ineh Batu luk Mulun, sagan pana' tila' lemulun, iamo' pa kiung Allah pinili' idi meraga.

1 YAHYA 2:2

Keristus mangun ku baré pedo' ngaceku amung-amung sala' tau, baken ngaceku sala'-sala' tau mo', iamo' ngaceku amung-amung sala' uang tana' ini teh.

1 YAHYA 4:10

Kudeng ini awa ineh: baken ngaceku tau mawa inan Allah, iamo' ngaceku Allah mawa netau, idi nengecuk AnakNeh mangun ku baré pedo' ratnan amung-amung sala' tau.

1 YAHYA 4:14

Kai pangeh nenier, idi maré kali', ratnan Taman ineh pangeh nengecuk AnakNeh mangun ku Lun Nengulun tana' ini.