YAHYA 6:11 - BALA LUK DO'

¹¹ Yésus nengalap ruti ineh, idi nemaré ubur nan Allah, idi Ieh nemabpat ineh kuan lun mula' luk tudo ineh. Kudeng ineh teh lawid ineh pana' bibpatNeh. Idi amungdeh nekuman dengan petap.

YAHYA 6:11 Iomraidhean Croise

MATIUS 15:36

Idi Ieh nengalap ruti luk tudu' balad idi lawid ineh, idi Ieh nemaré ubur kuan Allah idi nemuri'-muri' neneh, idi nemaré kuan anak-anak sekola' ineh, idi ideh nenganid kuan lun mula' ineh.

LUKAS 24:30

Idi Ieh tudo kuman pad-pad dengan didueh, idi Ieh nengalap ruti, idi nesembayang. Ieh nemuri' ruti ineh, idi Ieh nemaré kuan didueh ineh.

YAHYA 21:10

Idi kebala Yésus nedeh, “Do' muyuh nguit sesuut lawid luk ilap muyuh ina.”

YAHYA 21:13

Idi Yésus nacing idi nengalap ruti idi nemaré kuandeh, idi kudeng ineh teh lawid ineh pana'.

YAHYA 21:9

Kareb ideh numak luun tangeb, idi ideh nenier bareh apui, idi lawid rireng pa luunneh dengan ruti.

YAHYA 6:23

Kenebpa inan tuda'-tuda' alud luk nacing rat Tibirias, muneng ku su luk inandeh nekuman ruti nalem kareb Tuhan pangeh nemaré ubur.

YAHYA 6:9

“Tungé' inan aceh anak luk inan limeh balad ruti ikun idi dueh lawid; iamo' anunké ulekneh ineh kuan lun mula' ini?”

KEKAMEN RASUL-RASUL 27:35

Kareb Paulus pangeh nemala kudeng ini, idi ieh nengalap ruti idi ieh nesembayang inan Allah pa kiung amung-amungdeh. Idi ieh nemuri' ruti ineh idi ieh nengimun kuman.

SURAT LUK BIRE PAULUS KUAN LUN RUM 14:6

Lemulun luk ngerawé aco sineh, nima' neneh ngimet ineh ngaceku Tuhan, idi lemulun luk kuman ineh, nima' neneh kuman ngaceku Tuhan, ngaceku ieh maré ubur kuan Allah; idi lemulun luk na sikal kuman ineh, nima' neneh na kuman ngaceku Tuhan, idi maré ubur kuan Allah teh.

1 KORINTUS 10:31

Anun-anun luk ruen muyuh, do' kuman idi ngirup pana', do' muyuh nganau' amung ineh pad ngerayeh Allah.

1 TESALONIKA 5:18

idi maré ubur ratnan luk amung-amung, ngaceku ini pian Allah bang Keristus Yésus kuan muyuh.

SEMUIL LUK PUN-PUN 9:13

Kareb medueh semuet bang bawang ineh miak medueh papu' neneh, kareb nateh ieh umak amé' luun surud sikal kuman. Lun mula' na kuman atun, kareb nateh ieh macing. Ngaceku ieh luk ngeperuan baré ineh. Pangeh ineh idi amung lun luk tinawar kuman. Do' medueh umak nekini. Ngaceku kali' rungen medueh papu' neneh.”