YAHYA 5:6 - BALA LUK DO'

⁶ Kareb Yésus nenier nedeh telubid déi', idi nekali' ieh pangeh mét mio kudeng ineh, idi Ieh nepebala neneh, “Sikalké iko do' ratnan étmu?”

YAHYA 5:6 Iomraidhean Croise

NANI UBUR 142:3

Kareb ui pelaba laya', Iko kali' luk miak ruenku. Bunu'ku pangeh netumen abpung su dalanku.

YESAYA 65:1

Kebala Tuhan, “Ui netemina' ngua' putuh pupuKu, iamo' na ideh nesembayang. Ui netemina' papu' nedeh, iamo' na ideh nenakap Negku. Pupu ineh na nenawar Negku, sagan pana' Ui megéi' temina' ngua' idi pebala, ‘Idi Ui; Ui miak ngedengan nemuyuh.’

YEREMIA 13:27

Tuhan pangeh nenier nemuyuh nganau' luk inanNeh megateh. Luun pegkung idi luun raked muyuh nakap allah pupu baken mepad kudeng deléi luk melili ku decur lun baken idi kudeng kuda luk nakap tineh. O lun Yerusalim, muyuh pangeh inukum! Idanké muyuh uren idi mangun meligan?

LUKAS 18:41

“Anunké luk pianmu Ui nganau' kuanmu?” Kebalaneh, “O Tuhan, ui mutuh miak nier.”

YAHYA 21:17

Idi Ieh nengitun neneh luk keteluh kua', “O Simun, anak Yahya, mawaké iko Negku?” Idi Pétrus pana' mesusa', ngaceku pangeh teluh kua' Ieh nengitun neneh, “Mawaké iko Negku?” Idi keburi' Pétrus Neneh, “O Tuhan, Iko kali' amung-amung, idi Iko kali' idi ui mawa Namu.” Idi kebala Yésus neneh, “Do' iko maman dumba-dumbaKu.

YAHYA 5:5

Idi inan teh déi' seburur lemulun luk mét pangeh teluh ngepulu' ualuh lak kinioneh.

YAHYA 5:7

Idi kebala lun luk mét ineh, “O Tuan, na lemulun luk miak nguit negku semuet bang takung ini kareb abpa'neh melipu', iamo' kareb ui macing, lun baken pangeh netemurun nengili negku.”

IBERANI 4:13

Na luk idi anun-anun luk uen ngelinged kuan Allah. Iamo' amung-amung pudut megala' idi mukab pa kiungNeh. Idi tau maré or kuanNeh ratnan kekamen tau.

IBERANI 4:15

Ngaceku na luk idi Imam Rayeh kuan tau luk na méi' inan amung-amung laya' tau, iamo' luk pangeh nengalap tutun bang luk amung-amung mepad kudeng tau, idi teh Ieh na mesala'.