YAHYA 5:44 - BALA LUK DO'

⁴⁴ Kudeng apehké muyuh miak manu, laba' muyuh nakap rayeh rat arang muyuh sebuleng, iamo' na muyuh nakap rayeh ratnan Allah luk Sebuleng ineh?

YAHYA 5:44 Iomraidhean Croise

INUL LUK KEDUEH 6:8

iamo' kebala Tuhan neneh, “Petulu terawému ratnan mudut aceh ruma' kuanKu,

YEREMIA 13:23

Miakké lun Habsi ngisu' ayu kubilneh? Miakké kuir ngisu' baritneh? Kudeng pieh kudeng ineh muyuh luk megéi' nganau' luk dat miak sibada' nganau' luk matu.

MATIUS 23:5

Iamo' amung-amung kekamendeh inau'deh siren lemulun; idi su luk inandeh nganug ayat-ayat luun madudeh idi luun langendeh pelaba rayeh, idi ideh nganau' ramoi luk rayeh balad iring kuyu'deh.

LUKAS 19:17

Idi keburi' tuan ineh neneh, ‘Do' luk inau'mu, O demulun luk do'! Ngaceku iko pangeh nelutep bang luk isuut, iko miak ngimet pulu' bawang.’

YAHYA 12:43

Ideh sikal buren lemulun, iamo' na pian buren Allah.

YAHYA 17:3

Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

YAHYA 3:20

Idé-idé luk nganau' luk dat, megateh inan acang idi na macing inan acang ineh, pad kekamenneh na uen ngegala',

YAHYA 5:41

“Ui ini na ngalap dita' ratnan lemulun.

YAHYA 8:43

Ngudehké muyuh na kali' ilung balaKu? Ngaceku muyuh na miak ninger bada'Ku ini.

SURAT LUK BIRE PAULUS KUAN LUN RUM 2:10

Iamo' Allah miak maré rayeh, dita', idi awang kuan amung-amung lemulun luk nganau' luk do', pun-pun kuan lun Yahudi idi kuan lun pupu baken teh.

SURAT LUK BIRE PAULUS KUAN LUN RUM 2:29

Iamo' lun Yahudi luk matu ineh, ieh ineh lun Yahudi bang niatneh. Idi sunat luk matu ineh, ieh ineh sunat bang niat, ieh ineh luk ratnan Roh, idi baken maya' urup mo'. Idi ubur lemulun ineh baken ratnan lemulun iamo' ratnan Allah.

SURAT LUK BIRE PAULUS KUAN LUN RUM 2:7

Allah miak maré ulun luk meruked kuan lemulun luk megéi' nganau' luk do' idi luk nakap rayeh dengan ubur idi ulun luk na miak melu.

1 KORINTUS 4:5

Ngaceku ineh aleg muyuh ngukum idé-idé pana' kareb nateh karebneh, ieh ineh kareb nateh Tuhan macing. Ieh miak ngegala' anun-anun luk inapung bang dacem, idi Ieh ngelio amung-amung pinian niat lemulun. Anid-anid burur miak ngalap ubur ratnan Allah.

2 KORINTUS 10:18

Ngaceku baken lemulun luk ngubur bururneh sebuleng ineh luk buren Allah, iamo' lemulun luk inubur Tuhan.

PILIPI 2:3

Aleg nganau' anun-anun dengan sikal pa luun idi dengan medita' niat, iamo' dengan mebeneh niat anid-anid burur muyuh ngerawé nelun baken meluun do' ratnan burur muyuh sebuleng.

1 TESALONIKA 2:6

Na kai nenakap rayeh ratnan lemulun, do' rat nemuyuh idi rat nelun baken pana',

1 TIMOTIUS 1:17

Idi amung-amung dita' idi rayeh kuan Raca' luk meruked, luk na miak maté, idi luk na miak siren, ieh ineh Allaah luk Sebuleng, ruked-ruked peh! Amin.

IBERANI 3:12

O kinanak-kinanakku, matar do'-do' pad seburur pana' rat arang muyuh na ngalap niat luk dat dengan na manu pad ieh lumi ratnan Allah luk mulun ineh!

YAKUB 2:1

O kinanak-kinanakku luk manu inan Tuhan tau Yésus Keristus luk rayeh ineh, aleg muyuh mili' lemulun maya' ayudeh.

1 PETRUS 1:7

pad anu muyuh luk matu uen ngegala'. Amas pana' luk miak melu ineh uen nutun ku apui, idi anu muyuh luk meluun raga ratnan amas, na miak na uen nutun, pad ieh meraben. Kareb ineh muyuh miak ngalap ubur, rayeh, idi dita', kareb Aco Yésus Keristus uen ngegala'.

YAHUDA 1:25

ieh ineh kuan Allah Lun Nengulun netau luk Sebuleng: rayeh, dita', tueh, idi lalud, ratnan Tuhan tau Yésus Keristus luk idi rat pun-pun idi nekini pana', idi macing ruked-ruked peh! Amin.

SEMUIL LUK PUN-PUN 15:30

Idi kebala Saul, “Ui pangeh mesala'. Iamo' ngedita' negku pa kiung amung lun rayeh lun pupuku idi pa kiung amung lun Israil. Do' lemubed maya' negku, pelé ui tekeradung sembayang inan Tuhan Allahmu.”

SEMUIL LUK PUN-PUN 2:30

Ui ini Tuhan Allah lun Israil pangeh nepejani', pad lun bang tetek ruma'mu idi inulmu pana' miak mangun ku imam kuanKu macing ruked-ruked. Iamo' nekini Ui ini Tuhan pebala, “Na Ui nganau' kudeng ineh! Iamo' idé-idé luk ngubur Negku miak buren. Idi idé-idé luk ngesala' Negku, ieh ineh miak uen ngedereh.