YAHYA 5:41 - BALA LUK DO'

⁴¹ “Ui ini na ngalap dita' ratnan lemulun.

YAHYA 5:41 Iomraidhean Croise

YAHYA 12:43

Ideh sikal buren lemulun, iamo' na pian buren Allah.

YAHYA 5:34

Iamo' Ui ini na ngalap luk nekali' ratnan lemulun, iamo' Ui mala ratnan ini, pad muyuh ini miak uen ngulun.

YAHYA 5:40

Iamo' na muyuh sikal macing Negku pad muyuh miak mulun.

YAHYA 5:42

Iamo' Ui kali' nemuyuh na luk idi awa Allah bang niat muyuh.

YAHYA 5:44

Kudeng apehké muyuh miak manu, laba' muyuh nakap rayeh rat arang muyuh sebuleng, iamo' na muyuh nakap rayeh ratnan Allah luk Sebuleng ineh?

YAHYA 6:15

Yésus nekali' nedeh macing sikal nganau' Neneh mangun ku raca' idi Ieh sebuleng iné' luun aceh pegkung teh.

YAHYA 7:18

Lemulun luk pebala dengan pianneh sebuleng, ieh nakap rayehneh sebuleng, iamo' lemulun luk nakap rayehneh luk nengecuk neneh, ieh ineh luk matu, idi na luk idi sala' bang neneh.

YAHYA 8:50

Ui na nakap rayeh kuan bururKu sebuleng. Inan Sebuleng luk ngerayeh Negku idi luk ngamo Negku matu.

YAHYA 8:54

Kebala Yésus, “Kudeng Ui ngerayeh bururKu sebuleng, kali' rungen rayehKu na ulek. Iamo' luk ngerayeh Negku, ieh ineh TamanKu luk belén muyuh Allah muyuh.

1 TESALONIKA 2:6

Na kai nenakap rayeh ratnan lemulun, do' rat nemuyuh idi rat nelun baken pana',

1 PETRUS 2:21

Ngaceku muyuh pangeh tinawar kuan luk kudeng ini, ngaceku Keristus pangeh nemabeh dereh teh ngaceku muyuh, idi Ieh nenecan dalan kuan muyuh pad muyuh miak maya lawéNeh.

2 PETRUS 1:17

Kai idi kareb Ieh nengalap dita' idi rayeh ratnan Allah Taman kareb Ieh neninger aceh tang rat bang langit ratnan Luk Meluun Rayeh, luk nepebala, “Ini AnakKu luk inanKu mawa, idi Ui mawang niat Neneh.”