YAHYA 5:4 - BALA LUK DO'

⁴ ngaceku nganét kareb aceh melaikat Tuhan temurun bang takung neh idi ngelipu' abpa', idi lun mét luk temurun atun bang takung ineh, kareb abpa'neh melipu', idi ieh do'ratnan anun-anun luk métneh.)

YAHYA 5:4 Iomraidhean Croise

RACA'-RACA' LUK KEDUEH 5:10

Idi Elisa nengecuk lun dukenneh amé' ngecuk ni Naaman unub tudu' kua' bang Abpa' Yarden, pad bururneh miak petuneb kudeng luk pun-pun, idi ieh miak meligan.

NANI UBUR 119:60

Dengan na nganét, ui petacu maya' ukumMu.

BALE' 6:4

Aleg iko rudap, idi aleg ucu' pad ngato erurmu.

BALE' 8:17

Ui mawa inan lemulun luk mawa negku; idé-idé luk nakap negku miak ngalap negku.

LUN LUK MADA' 9:10

Do' mekél nganau' amung kekamenmu, ngaceku su luk inan até — su luk ulekmu ineh, na luk idi kekamen, terawé, ileh, idi do' kali'.

YEHISKIEL 47:8

Kebalaneh negku, “Abpa' ini manud lemaba tana' luk pa busat aco macing nan Raked Yarden idi Abpa' luk Mepaci'. Kareb ieh semuet bang Abpa' luk Mepaci' ieh nganau' abpa' ineh meligan.

HOSIA 13:13

Israil miak ngalap ulun sen, iamo' na ieh pian. Ieh mebacé mepad kudeng anak luk malé mebpeh rat bang nakan tinanneh, iamo' na ieh remuat!

SEKARIA 13:1

Kebala Tuhan luk Melalud, “Kareb ineh aceh turuk miak kabin kuan inul Daud, idi lun Yerusalim, pad ideh miak baruin ratnan amung sala'deh, idi ratnan sembayang inan akang.

SEKARIA 14:8

Bang aco sineh, abpa' ulun miak manud rat Yerusalim, idi sebuang miak macing nan Abpa' luk Mepaci' idi sebuang nan Abpa' Rayeh. Idi abpa' ineh miak manud ruked lak.

MATIUS 11:12

Idi rat kareb Yahya mada' macing nekini, Imet surga inaro lemulun, idi lemulun luk metueh nutun ngalap neneh.

MATIUS 6:33

Iamo' do' atun nakap ImetNeh dengan amung luk pianNeh; idi amung ineh miak barén Allah nemuyuh.

LUKAS 13:24

“Do' ngekél burur muyuh semuet maya' tanga' luk meperi', ngaceku mula' lemulun luk sikal semuet iamo' na miak.

LUKAS 16:16

“Ukum Musa ineh idi surat nabi-nabi lutep pad macing kareb Yahya; idi rat kareb ineh pana' Imet Allah bida' peh, idi anid-anid lemulun singaro semuet bang ineh.

YAHYA 5:3

Mula' lun mét telubid luun tadur ineh, ieh ineh lun mebuser, lun meliai, idi lun mét naté urat. (Ideh nganét abpa' takung ineh melipu',

YAHYA 5:5

Idi inan teh déi' seburur lemulun luk mét pangeh teluh ngepulu' ualuh lak kinioneh.

YAHYA 5:7

Idi kebala lun luk mét ineh, “O Tuan, na lemulun luk miak nguit negku semuet bang takung ini kareb abpa'neh melipu', iamo' kareb ui macing, lun baken pangeh netemurun nengili negku.”

1 KORINTUS 6:11

Kudeng ineh teh ulun sebuang muyuh atun, iamo' muyuh pangeh biru' ratnan sala', muyuh pangeh linigan kuan Allah, muyuh pangeh inau' matu pa kiung Allah bang ngadan Tuhan Yésus Keristus idi bang Roh Allah tau.

1 YAHYA 1:7

Iamo' kudeng tau mulun bang acang, mepad kudeng Ieh pana' bang acang, idi tau perurum seburur dengan seburur, idi dara' Yésus, AnakNeh ineh, maru' netau ratnan amung-amung sala'.