YAHYA 5:23 - BALA LUK DO'

²³ pad amung-amung lemulun miak gedita' Anak ineh mepad kudeng ideh ngedita' Taman ineh mepad kudeng ideh ngedita' Taman ineh teh. Lemulun luk na ngedita' Anak ineh, idi ieh pana' na ngedita' Taman luk nengecuk Neneh.

YAHYA 5:23 Iomraidhean Croise

NANI UBUR 2:12

Ngebeneh burur muyuh pa kiungNeh; kudeng na, kali' rungen Ieh museh, idi muyuh maté, ngaceku Ieh malé useh. Samal kuan amung lemulun luk amé' sigapung Neneh.

YESAYA 42:8

“Ui ini mo' Tuhan Allah muyuh. RayehKu na barén kuan allah baken; idi uburKu na miak barén kuan akang.

YESAYA 44:6

Kudeng ini bala Tuhan luk ngimet idi matar Israil, ieh ineh Tuhan luk Melalud. “Ui ini luk pun-pun, idi Ui ini luk kekiped. Ui sebuleng mo' luk Allah.

YESAYA 45:15

Allah Israil luk ngulun pupuNeh, Ieh ineh Allah luk ngelinged bururNeh sebuleng.

YESAYA 45:21

Do' ngukab besara' idi mada' terawé muyuh; do' muyuh pegayam arang muyuh sebuleng. Idéké luk nemada' mon ratnan luk mangun muci? Ui ini Tuhan Allah luk ngulun pupuNeh. Na Allah baken rat Negku.

SEKARIA 9:9

O lun Sion, do' muyuh mawang niat! O lun Yerusalim, do' ngitang mawang niat! Siruh, raca' muyuh amé' nemuyuh! Ieh luk meluun tueh, iamo' mebeneh niat, idi nalan maya' anak keladai.

MATIUS 10:37

“Lemulun luk mawa inan taman idi tinanneh meluun ratnan Ui, na ieh mayu kuanKu; idi lemulun luk mawa inan anakneh luk deléi idi anakneh luk decur meluun ratnan Ui, na ieh mayu kuanKu.

MATIUS 11:27

“TamanKu pangeh nemaré Negku luk amung-amung idi seburur pana' na miti Anak, iamo' Taman mo', idi seburur pana' na miti Taman, iamo' Anak mo', idi teh lemulun luk pinili' Anak, ieh luk miak badénNeh ratnan Allah.

MATIUS 12:21

idi amung pupu miak merapet Neneh.”

MATIUS 15:8

‘Pupu ini ngedita' Negku ku bibir tangdeh, Iamo' niatdeh mado rat Negku.

MATIUS 28:19

Ngaceku ineh, amé' muyuh idi nganau' amung-amung pupu mangun ku anak-anak sekola'Ku, idi ngerereb nedeh bang ngadan Taman, Anak, idi Roh Meligan.

LUKAS 10:16

Idi Yésus nepebala kuan anak-anak sekola'Neh, “Lemulun luk neninger nemuyuh, ieh ineh ninger Negku, idi lemulun luk nala' nemuyuh, ieh ineh nala' Negku, idi lemulun luk nala' Negku, ieh ineh nala' Neneh luk nengecuk Negku.”

YAHYA 14:1

Kebala Yésus nedeh, “Aleg muyuh megagau niat; do' manu inan Allah, idi manu inan Negku teh.

YAHYA 16:14

Idi Ieh sikal ngerayeh Negku, ngaceku Ieh sikal ngalap luk rat Negku, idi mada' kuan muyuh.

YAHYA 17:10

Amung-amung luk kuanKu, ineh teh kuanMu, idi luk kuanMu, ineh teh kuanKu, idi rayehKu ginala' bang nedeh.

SURAT LUK BIRE PAULUS KUAN LUN RUM 1:7

Ngaceku ineh ui ngayud kuan amung muyuh lun Rum, luk inan Allah mawa, idi luk tinawar mangun ku lun manu: Do' katu idi awang temurun kuan muyuh ratnan Allah Taman tau idi Tuhan tau Yésus Keristus.

SURAT LUK BIRE PAULUS KUAN LUN RUM 15:12

Idi kebala Yesaya teh, “Idi inul Isai ineh miak macing teh, idi Ieh miak uen ngikit pad ngimet lun pupu baken, idi ideh miak merapet Neneh.”

SURAT LUK BIRE PAULUS KUAN LUN RUM 6:22

Iamo' nekini, ngaceku muyuh pangeh nepuit ratnan sala', idi mangun ku demulun kuan Allah, idi muyuh miak ngalap bua'-bua' luk macing inan luk meligan, idi kekipedneh ulun luk meruked.

SURAT LUK BIRE PAULUS KUAN LUN RUM 8:9

Iamo' muyuh ini na maya' pinian burur, iamo' maya' pian Roh, ieh ineh kudeng Roh Allah tudo bang burur muyuh. Kudeng idé-idé luk na inan Roh Keristus bang niatneh, baken ieh pupu Keristus.

1 KORINTUS 1:3

Do' katu idi awang ratnan Allah Taman tau idi Tuhan Yésus Keristus temurun kuan muyuh.

1 KORINTUS 10:31

Anun-anun luk ruen muyuh, do' kuman idi ngirup pana', do' muyuh nganau' amung ineh pad ngerayeh Allah.

1 KORINTUS 16:22

Kudeng idé lemulun luk na mawa inan Tuhan ineh, nima' neneh uen ngediman. Maranata! (ilungneh, O Tuhan, amé' dengan mesaget!)

1 KORINTUS 6:19

Naké muyuh kali' idi burur muyuh ineh ruma' Roh Meligan luk tudo bang nemuyuh, luk muyuh pangeh nengalap ratnan Allah? Burur muyuh ineh baken muyuh kuan.

2 KORINTUS 1:9

Kai sebuleng pangeh nekali' bang burur kai ukum maté, pad kai na merapet inan burur kai sebuleng, iamo' inan Allah luk nui nelan naté.

2 KORINTUS 5:14

Ngaceku awa Keristus ineh ngegio niat kai, ngaceku ini luk tirawé kai, idi seburur pangeh naté ngaceku amung-amung lemulun, ini punneh amung-amungdeh pangeh naté.

2 KORINTUS 5:19

Allah bang Keristus ineh nemaré uang tana' ini pedo' Neneh idi na Ieh ngiap sala'deh. Ieh pangeh nemaré kuan kai bala ratnan nguit pedo' ineh.

EPESUS 6:24

Idi do' katu Allah ngedengan amung-amung lemulun luk mawa inan Tuhan tau Yésus Keristus dengan awa luk na miak maté.

2 TIMOTIUS 1:12

Ineh punneh ui ngalap medereh bang amung ini. Iamo' na ui migu', ngaceku ui kali' idé luk inanku merapet ineh, idi ui kali' Ieh melalud miak ngasa' baréku pad macing Aco ineh.

IBERANI 1:6

Idi teh kareb Anak buleng ineh inuitNeh iné' bang tana', idi Ieh nepebala, “Do' melaikat-melaikat Allah tekeradung sembayang Neneh.”

2 PETRUS 1:1

Rat ni Simun Pétrus, demulun idi rasul Yésus Keristus— Kuan lemulun luk pangeh nengalap anu, luk mepad letep dengan anu kai, ngaceku siri Allah, Tuhan tau, idi Yésus Keristus Lun Nengulun:

2 PETRUS 3:18

Iamo' do' muyuh temubu' bang katu idi ileh ratnan Tuhan tau Yésus Keristus, Lun Nengulun. Idi rayeh kuanNeh, do' nekini idi ruked-ruked pana'. Amin.

1 YAHYA 2:23

Idé-idé luk ngarung Anak, kali' rungen na luk idi Taman bang neneh. Idi lemulun luk ngamo Anak ineh, kali' rungen Taman ineh pana' idi bang neneh.

2 YAHYA 1:9

Idé-idé luk na lutep bang bada' Keristus, iamo' luk ngeluun ineh na luk idi Allah kuanneh. Iamo' lemulun luk lutep bang bada' ineh, lemulun ineh luk kuan Taman idi Anak ineh pana'.