YAHYA 5:21 - BALA LUK DO'

²¹ Mepad kudeng Taman nui amung-amung lun naté idi ngulun nedeh, kudeng ineh teh Anak ineh ngulun idé-idé luk pianNeh.

YAHYA 5:21 Iomraidhean Croise

RACA'-RACA' LUK PUN-PUN 17:21

Idi Elia netekulub luun anak ineh teluh kua'. Idi ieh nesembayang mutuh Tuhan, kesembayangneh, “O Tuhan Allahku, maré niat anak ini lemubed amé' neneh.”

RACA'-RACA' LUK KEDUEH 5:7

Kareb raca' lun Israil nemaca' surat ineh, idi ieh nenarak ayungneh kebalaneh, “Allah, ui iniké, miak ui ngaté idi ngulun nelun? Anun pun raca' nengecuk nelun amé' ruenku ngedo' ratnan ét susudneh? Megala' idi lun ineh nakap luk inan pekedaluh negku.”

YAHYA 11:25

Idi kebala Yésus ni Marta, “Ui ini Tui ratnan até idi Ulun. Idé-idé luk manu Negku, sagan pana' pangeh naté, ieh miak mulun teh;

YAHYA 17:2

Iko pangeh nemaré lalud kuanNeh pa luun amung-amung lemulun, pad Ieh miak maré ulun luk meruked kuan anid-anid burur luk biréMu Neneh.

YAHYA 6:63

Roh, Ieh ineh luk ngulun, idi burur, sebuleng pana' na ulekneh. Idi bala luk Ui mala kuan muyuh ngacing Roh Allah luk maré ulun.

KEKAMEN RASUL-RASUL 26:8

Ngudehké lun Yahudi na manu idi Allah nui lun naté?

SURAT LUK BIRE PAULUS KUAN LUN RUM 8:11

Iamo' kudeng RohNeh luk nenui Yésus rat arang lun naté ineh tudo bang burur muyuh, idi Ieh ineh luk nenui Keristus Yésus rat arang lun naté ineh miak ngulun burur muyuh luk maté ineh pana', dengan RohNeh luk tudo bang burur muyuh.

1 KORINTUS 15:45

Ngaceku pangeh inayud, “Idi lemulun luk pun-pun, ieh ineh Adam, mangun ku seburur luk mulun.” Idi Adam luk kekiped ineh mangun ku Roh luk ngulun.

BADA' RATNAN UKUM 32:39

“ ‘Ui ini sebuleng mo' luk Allah, idi na luk idi allah baken rat Negku. Ui ini luk ngaté idi luk ngulun, ngurat idi ngedo'. Seburur pana' nateh luk metueh rat Negku.