YAHYA 5:18 - BALA LUK DO'

¹⁸ Ngaceku ineh lun Yahudi meluun tueh nakap dalan sikal ngaté Neneh, baken ngaceku ngelaba ukum Aco luk inan Mudeng mo', iamo' ngaceku Ieh nemala Allah ineh TamanNeh, idi maad bururNeh dengan Allah.

YAHYA 5:18 Iomraidhean Croise

YAHYA 10:33

Idi lun Yahudi nengor balaNeh, keburi'deh, “Baken ngaceku kekamen luk do' kai mitung Namu, iamo' ngaceku Iko nguyo Allah. Iko lemulun mo' iamo' Iko maad bururMu dengan Allah.”

YAHYA 10:30

Ui idi Taman ineh Sebuleng.”

YAHYA 19:7

Idi lun Yahudi nengor balaneh, keburi'deh, “Maya' Ukum kai do' Ieh mate, ngaceku Ieh nemala bururNeh Anak Allah.”

YAHYA 8:58

Idi kebala Yésus, “Matu, Ui pebala nemuyuh, kareb nateh Ibrahim tinganak, Ui ini pangeh idi.”

YAHYA 14:23

Idi kebala Yésus, “Kudeng idé-idé luk mawa Negku, kali' rungen ieh maya' balaKu, idi TamanKu ineh mawa neneh, idi Kai sikal macing neneh idi tudo denganneh.

YAHYA 5:23

pad amung-amung lemulun miak gedita' Anak ineh mepad kudeng ideh ngedita' Taman ineh mepad kudeng ideh ngedita' Taman ineh teh. Lemulun luk na ngedita' Anak ineh, idi ieh pana' na ngedita' Taman luk nengecuk Neneh.

PILIPI 2:6

Sagan pana' Ieh dengan ayu Allah, na Ieh mesaad pian ngimet mepad kudeng Allah ineh.

BALA LUK LINIO 22:3

Idi na luk idi anun-anun luk kidiman Allah bang bawang ineh. Kerusi Allah idi Anak Dumba ineh idi bang bawang ineh. Idi demulun-demulunNeh miak sembayang Neneh.

BALA LUK LINIO 22:1

Melaikat ineh nemada' sirenku aceh bued abpa' luk panu' ku abpa' luk mulun, mesor mepad kudeng gelas luk pelaba' do', luk manud remuat ratnan kerusi Allah idi Anak Dumba ineh.

YAHYA 8:54

Kebala Yésus, “Kudeng Ui ngerayeh bururKu sebuleng, kali' rungen rayehKu na ulek. Iamo' luk ngerayeh Negku, ieh ineh TamanKu luk belén muyuh Allah muyuh.

YAHYA 7:19

Naké Musa nemaré Ukum kuan muyuh? Idi na luk idi seburur pana' rat arang muyuh luk maya' Ukum ineh. Anunké punneh muyuh nakap dalan sikal ngaté Negku?”

YAHYA 7:1

Muci ratnan ineh Yésus nenalan déi' tana' Galilia. Ieh na sikal lemaba bawang Yudia, ngaceku lun Yahudi nakap dalan sikal ngaté Neneh.

YAHYA 5:16

Ngaceku ineh lun Yahudi nengimun ngedereh Yésus, ngaceku Ieh nenganau' luk kudeng ineh kareb Aco luk inan Mudeng.

SEKARIA 13:7

Kebala Tuhan luk Melalud, “Tumui, O pelapet, idi ngaté nelun luk matar dumbaKu! Ngaté neneh, idi dumba-dumba ineh miak uen matad. Ui miak munu' pupuKu,

YAHYA 14:9

Idi kebala Yésus neneh, “O Pilipus, tuda'-tuda' io Ui tudo dengan muyuh, idi nateh iko miti Negku? Lemulun luk pangeh nenier Negku, ieh pangeh nenier Taman teh. Kudeng apehké balamu, ‘Mada' Taman ineh siren kai’?

MATIUS 12:5

Naké muyuh nemaca' bang Ukum Musa, kudeng apeh lun imam-imam, kareb Aco' luk inan Mudeng, semuet bang Ruma' Allah idi ngelaba ukum ratnan Aco luk inan Mudeng, idi na ideh mesala'?

YAHYA 1:19

Lun rayeh-rayeh lun Yahudi déi' Yerusalim nengecuk imam-imam idi lun Liwi amé' ngitun Yahya, kebaladeh, “Idéké iko ini?”

YAHYA 5:15

Idi lemulun ineh iné' mada' nelun Yahudi ratnan Yésus luk nengedo' neneh ineh.

YAHYA 5:17

Iamo' kebala Yésus nedeh, “TamanKu ngakem kidi-kidi, idi Ui pana' ngakem teh.”