16 Ngaceku ineh lun Yahudi nengimun ngedereh Yésus, ngaceku Ieh nenganau' luk kudeng ineh kareb Aco luk inan Mudeng.
Idi kebala Yésus kuan lemulun ineh, “Natang ticu'mu.” Idi ieh nenatang ticu'neh, idi ticu'neh do' peh, mepad kudeng ticu'neh selipa.
Idi lun Parisi neremuat rat bang ruma' sembayang, idi petacu ideh nepegayam nelun Herodiani ratnan kudeng apeh ideh miak ngaté Yésus.
Idi amungdeh ineh pelaba gateh. Idi ideh nepegayam arangdeh sebuleng, ratnan anun luk miak ruendeh kuan Yésus.
Lun rayeh-rayeh lun Yahudi déi' Yerusalim nengecuk imam-imam idi lun Liwi amé' ngitun Yahya, kebaladeh, “Idéké iko ini?”
Idi sekua' teh ideh nenakap dalan sikal ngakem Neneh, iamo' Yésus mepuit rat bang paladdeh.
Do' muyuh ngerawé bala luk bilaKu nemuyuh, ‘Seburur demulun na meluun rayeh ratnan tuanneh.’ Kudeng ideh nengedereh Negku, kali' rungen ideh ngedereh nemuyuh teh. Kudeng ideh nemaya' balaKu, idi bala muyuh pana' miak béndeh.
Ngaceku ineh lun Yahudi nepebala kuan lemulun luk dino' ineh, “Aco sini Aco luk inan Mudeng, bibpeng kuanmu na miak nguit ugammu ineh.”
Iamo' lemulun luk dino' ineh na kali' Neneh idé, ngaceku pelaba ula' lemulun su ineh, idi Yésus pangeh nenalan.
Idi lemulun ineh iné' mada' nelun Yahudi ratnan Yésus luk nengedo' neneh ineh.
Iamo' kebala Yésus nedeh, “TamanKu ngakem kidi-kidi, idi Ui pana' ngakem teh.”
Ngaceku ineh lun Yahudi meluun tueh nakap dalan sikal ngaté Neneh, baken ngaceku ngelaba ukum Aco luk inan Mudeng mo', iamo' ngaceku Ieh nemala Allah ineh TamanNeh, idi maad bururNeh dengan Allah.
Kebala Yésus nedeh, “Ui nenganau' aceh kekamen luk melalud, idi amung muyuh mawa ku ineh.
Inan tuda'-tuda' lemulun rat Yerusalim luk nepebala, “Bakenké Ieh ini luk tekapen lun Yahudi, pad Ieh pitayendeh?