YAHYA 5:10 - BALA LUK DO'

¹⁰ Ngaceku ineh lun Yahudi nepebala kuan lemulun luk dino' ineh, “Aco sini Aco luk inan Mudeng, bibpeng kuanmu na miak nguit ugammu ineh.”

YAHYA 5:10 Iomraidhean Croise

YESAYA 58:13

Kebala Tuhan, “Kudeng muyuh ngeligan Aco luk inan Mudeng idi na maya' pian muyuh sebuleng bang aco sineh; kudeng muyuh mawang niat ku acoKu luk meligan idi ngerayeh neneh dengan na nalan, ngakem, idi pebala mo'-mo',

YEREMIA 17:21

Do' mada' nedeh, kudeng ideh ngerawé ulundeh, aleg ideh mabeh kareb Aco luk inan Mudeng. Aleg ideh mabeh anun-anun maya' tanga' Yerusalim.

YEREMIA 17:27

Iamo' do' ideh maya' balaKu. Do' ideh ngerawé Aco luk inan Mudeng mepad kudeng aco luk meligan idi na mabeh anun-anun maya' tanga' Yerusalim bang aco ineh. Kudeng ideh ngelaba ukum Aco luk inan Mudeng, Ui miak ngeseb amung tanga' Yerusalim. Idi amung-amung ruma' raca' déi' Yerusalim miak sabpen ku apui ineh, idi seburur pana' nateh miak ngaté apui ineh.”

MATIUS 12:10

Idi Ieh nenier aceh lemulun luk pangeh naté selipa ticu'neh; idi ideh nengitun Neneh, keburi'deh, “Naké bibpeng na ngedo' lemulun bang Aco luk inan Mudeng?” pelé ideh miak ngadu' Neneh.

MARKUS 2:24

Idi lun Parisi nepebala kuan Yésus, “Siruh anak-anak sekola'Mu nganau' luk bibpeng kareb Aco luk inan Mudeng?”

MARKUS 3:4

Idi Ieh nengitun nelun mula', kebalaNeh, “Miakké bang Aco luk inan Mudeng nganau' luk do', kian luk dat? Ngulun burur, kian ngaté?” Idi ideh pirud.

LUKAS 13:14

Idi lun rayeh ruma' sembayang ineh museh ngaceku Yésus nengedo' lemulun kareb Aco luk inan Mudeng, idi kebalaneh nelun mula',“Inan anem aco luk inan lemulun miak ngakem; ngaceku ineh do' lemulun macing bang aco ineh pad ideh miak uen ngedo', iamo' aleg kareb Aco luk inan Mudeng.”

LUKAS 23:56

Idi ideh nuli' idi nenganau' temina' amung-amung luk do' buen idi umau luk do' buen teh. Kareb Aco luk inan Mudeng, idi ideh nucu' maya' ukum Allah

LUKAS 6:2

Iamo' kebala tuda'-tuda' burur lun Parisi, “Ngudehké muyuh nganau' luk bibpeng kareb Aco luk inan Mudeng?”

YAHYA 1:19

Lun rayeh-rayeh lun Yahudi déi' Yerusalim nengecuk imam-imam idi lun Liwi amé' ngitun Yahya, kebaladeh, “Idéké iko ini?”

YAHYA 5:11

Iamo' kebalaneh, “Kebala lemulun luk nengedo' negku ini, ‘Nguit ugammu idi nalan.’ ”

YAHYA 5:15

Idi lemulun ineh iné' mada' nelun Yahudi ratnan Yésus luk nengedo' neneh ineh.

YAHYA 5:16

Ngaceku ineh lun Yahudi nengimun ngedereh Yésus, ngaceku Ieh nenganau' luk kudeng ineh kareb Aco luk inan Mudeng.

YAHYA 7:23

Kudeng selemulun sinunat kareb Aco luk inan Mudeng, pad Ukum Musa na uen ngelaba ngudehké muyuh museh Negku ngaceku Ui nengedo' selemulun kareb Aco luk inan Mudeng?

YAHYA 9:16

Idi sebuang lun Parisi ineh nepebala, “Lemulun ini baken ratnan Allah, ngaceku Ieh na maya' ukum Aco luk inan Mudeng.” Idi inan teh lemulun luk pebala, “Kudeng apehké seburur lun mesala' miak nganau' tanu'-tanu' luk kudeng ineh?” Idi ideh pekedaluh arangdeh sebuleng.