YAHYA 4:42 - BALA LUK DO'

⁴² Idi kebaladeh nan decur ineh, “Nekini kai manu, baken ngaceku luk bilamu mo', iamo' kai sebuleng pangeh neninger balaNeh idi kai nekali', idi Ieh ineh Lun Nengulun tana' ini.”

YAHYA 4:42 Iomraidhean Croise

YESAYA 45:22

“O Amung pupu luk aput-aput tana', do' lumi amé' Negku idi ngalap ulun! Ui ini mo' luk Allah.

YESAYA 52:10

Tuhan nengulun pupuNeh ku laludNeh luk meligan, pad kali' aput tana'.

MATIUS 1:21

Idi Mariam miak nenganak aceh anak deléi; idi do' iko nganau' ngadanNeh Yésus, ngaceku Ieh luk miak ngulun pupuNeh ratnan sala'deh.”

LUKAS 2:32

Ieh ineh aceh acang luk ngelio dalanMu kuan lun pupu baken, idi ngacing rayeh kuan pupuMu Israil.”

YAHYA 1:29

Kenebpa Yahya nenier Yésus macing neneh, idi keburi'neh, “Siruh, Anak Dumba Allah luk mabeh sala' amung uang tana' ini.

YAHYA 11:17

Kareb Yésus nacing, idi Ieh nekali' Lasarus ineh pangeh tinanem apat aco.

YAHYA 17:8

Ui nemaré kuandeh bala luk bilaMu Negku, idi ideh pangeh nengalap ineh. Ideh nekali' dengan matu idi Ui nacing rat Namu. Idi teh ideh manu ratnan Iko luk nengecuk Negku.

YAHYA 4:29

“Amé' muyuh nier lemulun luk mada' negku ratnan amung-amung luk inau'ku. Bakenké Ieh ini Keristus?”

YAHYA 4:41

Idi meluun ula' lemulun manu teh, ngaceku bala Yésus.

KEKAMEN RASUL-RASUL 13:23

Idi ratnan inul Daud ini, Allah pangeh nemaré kuan lun pupu Israil seburur Lun Nengulun, ieh ineh Yésus, maya' jani'Neh.

KEKAMEN RASUL-RASUL 4:12

Idi na luk idi ulun luk meruked bang selemulun luk baken, ngaceku na luk idi ngadan luk baken aput tana' luk pangeh biré Allah kuan lemulun, luk inan tau miak ngalap ulun luk meruked.”

KEKAMEN RASUL-RASUL 5:31

Ieh kinikit Allah tudo pa tinuehNeh mangun ku Raca' idi Lun Nengulun, pad nguit nelun pupu Israil uren idi ngalap do' ratnan sala'.

2 KORINTUS 5:19

Allah bang Keristus ineh nemaré uang tana' ini pedo' Neneh idi na Ieh ngiap sala'deh. Ieh pangeh nemaré kuan kai bala ratnan nguit pedo' ineh.

1 TIMOTIUS 4:10

Ini punneh tau merur idi metueh ngakem ngaceku tau merapet tu-tu inan Allah luk mulun, luk mangun ku Lun Nengulun amung-amung lemulun, meluun teh amung-amung lemulun luk manu.

1 YAHYA 2:2

Keristus mangun ku baré pedo' ngaceku amung-amung sala' tau, baken ngaceku sala'-sala' tau mo', iamo' ngaceku amung-amung sala' uang tana' ini teh.

1 YAHYA 4:14

Kai pangeh nenier, idi maré kali', ratnan Taman ineh pangeh nengecuk AnakNeh mangun ku Lun Nengulun tana' ini.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.