YAHYA 4:23 - BALA LUK DO'

²³ Iamo' karebneh miak macing, idi nekini pana' pangeh nacing idi amung-amung lemulun luk sembayang luk matu ineh miak sembayang inan Taman dengan lalud Roh Allah idi luk matu; ngaceku Taman ineh petulu dengan lemulun luk kudeng ineh sembayang Neneh.

YAHYA 4:23 Iomraidhean Croise

INUL LUK PUN-PUN 29:17

Ngaceku ui kali', O Allahku, Iko teh nutun niat lemulun, idi Iko teh pian ku niat luk matu. Idi dengan niat luk mawang idi matu ui pangeh nemaré amung binaweh ini. Idi nekini ui pangeh nenier pupuMu luk idi ieni nguit barédeh kuanMu dengan niat luk mawang idi meran.

NANI UBUR 147:11

iamo' Ieh mawang niat nelun luk ngerayeh Neneh, idi luk merapet nan awaNeh luk lutep.

NANI UBUR 17:1

O Tuhan, ninger putuhku luk matu; ngaceku ui ngitang mutuh pedengan! Ninger putuhku, ngaceku na ui naluk.

NANI UBUR 32:2

Samal kuan lemulun luk na sinala' Tuhan, idi luk mepuit ratnan amung saluk.

NANI UBUR 51:6

Niat luk lutep luk pianMu; manu' terawéku ku ilehMu.

BALE' 15:8

Tuhan mawang niat kareb lemulun luk do' sembayang, iamo' Ieh megateh niat ku baré luk iten lemulun luk dat.

NANI SELIMUN 2:14

Iko sigapung mepad kudeng sukur bang lubang batu. Nima' negku nier kiungmu luk metaga, idi ninger uni tangmu.

YESAYA 10:20

Bang aco sineh lun Israil luk neketecan na miak merapet inan aceh pupu luk lélé ngusag nedeh. Ideh miak merapet tu-tu inan Tuhan, Allah Israil luk meligan.

YESAYA 29:13

Kebala Tuhan, “Lemulun ini siayu sembayang Negku, iamo' na ilung baladeh, idi niatdeh mado rat Negku. Sembayangdeh ineh mangun ku ukum idi adat lemulun mo', luk pangeh ipaldeh.

YESAYA 43:21

Ideh ineh pupu luk inau'Ku kuan bururKu sebuleng, luk miak menani ngubur Negku!”

YESAYA 58:2

Ideh sembayang Negku anid-anid aco, idi ideh pian maya' ukumKu idi nganau' luk matu. Ideh mutuh Negku ngeperuan nedeh idi maré ukum luk mesiri nedeh.”

YEREMIA 3:10

Pangeh ineh Yahuda, kinanak Israil luk na lutep, nesiayu lemubed amé' Negku. Iamo' na ieh nelemubed dengan niatneh luk matu. Ui ini Tuhan luk pebala namu.”

YEREMIA 4:2

idi muyuh miak pebulung ku ngadanKu dengan niat luk mesiri idi luk matu. Amung pupu miak ngubur Negku idi mutuh Negku ngeperuan nedeh.”

YEHISKIEL 22:30

Ui nenakap lemulun luk miak mudut aceh libung, idi luk miak tuped su luk inusag, pad matar bawang kareb ieh uen ngusag ku usehKu, iamo' nateh luk nekali'Ku.

YAHYA 1:17

Allah nemaré Ukum dengan tang Musa, iamo' katu idi luk matu pangeh nacing ratnan Yésus Keristus.

YAHYA 12:23

Idi kebala Yésus nedeh, “Tarekneh pangeh nacing kareb Anak-Lemulun miak uen ngerayeh.

YAHYA 16:2

Idi muyuh miak uen lun masut rat bang ruma' sembayang. Matu, karebneh miak macing, idi idé-idé luk ngaté nemuyuh miak ngerawé ieh nganau' luk do' kuan Allah.

YAHYA 16:32

Siruh, karebneh miak macing, idi pangeh nacing teh, idi muyuh miak mepatad anid-anid burur amé' ruma'neh sebuleng, pad Ui sebuleng ketecan; iamo' na Ui sebuleng, ngaceku Taman ineh idi denganKu.

YAHYA 4:21

Keburi' Yésus neneh, O decur, do' iko manu Negku, karebneh miak macing idi lemulun na miak sembayang inan Taman ineh luun surud ini idi déi' Yerusalim pana'.

YAHYA 5:25

Matu, Ui pebala nemuyuh, idi karebneh miak macing idi nekini pana' pangeh nacing, idi amung-amung lun naté miak ninger uni tang Anak Allah, idi lemulun luk ninger ineh miak mulun.

YAHYA 5:28

Aleg muyuh mawa ratnan ineh, ngaceku karebneh miak macing idi amung-amung lemulun luk bang tanem miak ninger uni tangNeh,

SURAT LUK BIRE PAULUS KUAN LUN RUM 1:9

Ui ngakem kuan Allah dengan amung niatku dengan mada' Bala luk Do' ratnan AnakNeh. Idi Allah ineh miak ngegala' ratnan anun-anun luk bilaku matu. Allah kali' ratnan ui megéi' ngerawé nemuyuh

SURAT LUK BIRE PAULUS KUAN LUN RUM 8:15

Ngaceku baken muyuh ngalap roh mangun ku demulun tot teh, iamo' muyuh pangeh nengalap Roh Allah mangun ku anak Allah, idi bang Roh ineh tau ngitang, “O Ama'! O Ama'!”

SURAT LUK BIRE PAULUS KUAN LUN RUM 8:26

Kudeng ineh teh Roh pana' ngedengan laya' tau. Ngaceku na tau kali' luk petulu pituen tau; iamo' Roh ineh sebuleng mutuh ratnan Allah kuan tau dengan arod luk na miak belén peh.

GALATIA 4:6

Ngaceku muyuh mangunku anak-anak, idi Allah pangeh nengecuk Roh AnakNeh semuet bang niat tau luk nawar, “Ama', O Ama'!”

EPESUS 6:18

Nganau' amung ineh dengan sembayang idi putuh. Megéi' sembayang dengan Roh. Ngaceku ineh, do' lutep idi aleg metalang niat. Megéi' sembayang kuan lun manu.

PILIPI 3:3

Ngaceku tau ini sunat luk matu, idi tau luk sembayang inan Allah dengan Roh, idi mawang niat dengan ulun tau bang Keristus Yésus, idi na merapet ku anun-anun luk ratnan burur.

YUSAK 24:14

Idi teh kebala Yusak, “Idi ngaceku ineh do' muyuh sembayang inan Tuhan idi nganau' kekamen kuanNeh dengan niat luk lutep idi matu. Idi necan amung allah luk inubur tepun-tepun muyuh luk dipar Abpa' Pirat idi déi' Masir pana'. Iamo' do' muyuh mepicet maya' Tuhan.

1 PETRUS 2:9

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.

SEMUIL LUK PUN-PUN 12:24

Do' muyuh matot inan Tuhan idi sembayang Neneh dengan amung niat muyuh. Do' muyuh ngerawé kudeng apeh rayeh kekamen luk pangeh inau'Neh kuan muyuh.