YAHYA 4:22 - BALA LUK DO'

²² Muyuh lun Samaria na kali' idé luk inan muyuh sembayang; kai lun Yahudi kali' luk inan kai sembayang, ngaceku ulun macing rat nelun Yahudi.

YAHYA 4:22 Iomraidhean Croise

PUDUT 49:10

Idi lalud ngimet na miak buro rat ni Yahuda. Idi rukud imet raca' na buro rat neneh, pad Ieh luk kuan rukud ineh miak macing. Idi amung-amung pupu miak maya' Neneh.

ESRA 4:2

Idi ideh iné' ni Serubabel idi amung lun rayeh inul, kebaladeh nedeh, “Do' kai ngakem pad-pad dengan muyuh ngaceku kai pana' sembayang inan Tuhan Allah muyuh. Idi teh kai pangeh nemaré baré kuanNeh rat kareb imet Esarhadon raca' Asur luk nemura' nekai amé' tungé'.”

NANI UBUR 147:19

Ieh maré balaNeh kuan Yakub, idi bada' idi ukumNeh kuan lun Israil.

NANI UBUR 68:20

Allah tau ineh Allah luk ngulun; Ieh ineh Tuhan, luk Tuhan tau, luk muit netau ratnan até.

YESAYA 12:2

Allah ineh Lun Nengulun negku, ui merapet Neneh idi na matot. Tuhan maré lalud idi tueh negku; Ieh ineh ulunku.

YESAYA 12:6

Do' lemulun luk tudo déi' Sion ngitang idi menani! Allah Israil ineh meligan idi rayeh, idi Ieh tudo arang pupuNeh.”

YESAYA 2:3

kebaladeh, “Do' tau mudik pegkung Tuhan, idi amé' Ruma' Allah lun Israil. Tau miak sibada' luk pianNeh kuan tau; idi tau maya' dalan luk pinili'Neh kuan tau.” Bada' Tuhan macing rat Yerusalim; rat Sion Ieh pebala kuan pupuNeh.

YESAYA 46:13

Na mio teh Ui ngacing aco tuehKu. TuehKu na miak uen ngiuk. Ui miak ngulun Yerusalim idi teh ngerayeh Israil su ineh.”

SEKARIA 9:9

O lun Sion, do' muyuh mawang niat! O lun Yerusalim, do' ngitang mawang niat! Siruh, raca' muyuh amé' nemuyuh! Ieh luk meluun tueh, iamo' mebeneh niat, idi nalan maya' anak keladai.

LUKAS 24:47

idi bang ngadanNeh miak badén dalan uren idi do' ratnan sala' kuan amung-amung pupu, ngimun rat Yerusalim.

KEKAMEN RASUL-RASUL 17:23

Ngaceku kareb ui nenalan idi nenier amung luk inan muyuh sembayang, ui nekali' aceh bubpun luk inan ayud luunneh kudeng ini, ‘Kuan Allah luk na kai nekali'.’ Ngaceku ineh luk inan muyuh sembayang dengan na nekali' miak badénku nemuyuh.

KEKAMEN RASUL-RASUL 17:30

Idi Allah nepirud ratnan kareb luk mebacé ineh, iamo' nekini amung-amung lemulun iapeh-iapeh pana' icukNeh uren.

KEKAMEN RASUL-RASUL 3:26

Idi Allah pangeh nengikit DemulunNeh, idi Ieh nengecuk Neneh amé' nemuyuh atun, pad ngeperuan nemuyuh idi nguit anid-anid burur muyuh uren ratnan kekamen muyuh luk dat.”

SURAT LUK BIRE PAULUS KUAN LUN RUM 11:18

Aleg iko medita' niat ratnan angat-angat ineh. Iamo' kudeng iko ngedita' bururmu pana', ngerawé do'-do', baken iko luk ngimet uat ineh, iamo' uat ineh luk ngimet namu.

IBERANI 7:14

Ngaceku pangeh megala' ratnan Ieh tinganak ratnan pupu Yahuda, idi Musa na nepebala ratnan pupu ineh kareb ieh nemada' ratnan imam.