YAHYA 4:21 - BALA LUK DO'

²¹ Keburi' Yésus neneh, O decur, do' iko manu Negku, karebneh miak macing idi lemulun na miak sembayang inan Taman ineh luun surud ini idi déi' Yerusalim pana'.

YAHYA 4:21 Iomraidhean Croise

YESAYA 66:1

Kebala Tuhan, “Langit ineh kerusiKu, idi tana' ineh tapin kukudKu. Kudeng apehké ayu ruma' luk miak piduten muyuh kuanKu, idi su luk inanKu tudo?

YEHISKIEL 14:3

“O lemulun, lun ini ucet ngerawé akangdeh, pad ideh nganau' sala'. Petuluké Ui tunindeh?

YEHISKIEL 20:3

“O lemulun, mada' luk belén Tuhan Allah nan lemulun ini, ‘Muyuh macing Negku pad ngitun pianKuké?’ Ui ini Tuhan luk mulun. Idi muyuh na miak ngitun Negku anun-anun. Ui ini Tuhan Allah pangeh nepebala.

MALAKI 1:11

Aput-aput tana' lemulun ngerayeh Negku. Idi iapeh-iapeh pana' ideh ngeseb umau luk do' buen idi maré baré luk petulu kuanKu. Amung-amungdeh ngerayeh Negku!

MATIUS 18:20

Ngaceku iapeh-iapeh inan dueh kian teluh burur luk tebubpun bang ngadanKu, su ineh teh Ui idi arangdeh.”

MATIUS 28:19

Ngaceku ineh, amé' muyuh idi nganau' amung-amung pupu mangun ku anak-anak sekola'Ku, idi ngerereb nedeh bang ngadan Taman, Anak, idi Roh Meligan.

LUKAS 21:24

Sebuang lemulun miak pitayen ku pelapet, idi lun baken miak tebanen amé' bang amung bawang luk baken; idi Yerusalim miak riduen-riduen lun luk na manu, pad macing kareb imetdeh mabud.

YAHYA 14:6

Keburi' Yésus neneh, “Ui ini dalan idi Luk Matu idi Ulun. Seburur pana' na macing inan Taman, kudeng na ratnan Negku.

YAHYA 16:2

Idi muyuh miak uen lun masut rat bang ruma' sembayang. Matu, karebneh miak macing, idi idé-idé luk ngaté nemuyuh miak ngerawé ieh nganau' luk do' kuan Allah.

YAHYA 16:32

Siruh, karebneh miak macing, idi pangeh nacing teh, idi muyuh miak mepatad anid-anid burur amé' ruma'neh sebuleng, pad Ui sebuleng ketecan; iamo' na Ui sebuleng, ngaceku Taman ineh idi denganKu.

YAHYA 4:23

Iamo' karebneh miak macing, idi nekini pana' pangeh nacing idi amung-amung lemulun luk sembayang luk matu ineh miak sembayang inan Taman dengan lalud Roh Allah idi luk matu; ngaceku Taman ineh petulu dengan lemulun luk kudeng ineh sembayang Neneh.

YAHYA 5:25

Matu, Ui pebala nemuyuh, idi karebneh miak macing idi nekini pana' pangeh nacing, idi amung-amung lun naté miak ninger uni tang Anak Allah, idi lemulun luk ninger ineh miak mulun.

YAHYA 5:28

Aleg muyuh mawa ratnan ineh, ngaceku karebneh miak macing idi amung-amung lemulun luk bang tanem miak ninger uni tangNeh,

KEKAMEN RASUL-RASUL 6:14

Kai neninger neneh pebala, idi Yésus lun Nasarét ineh sikal ngusag Ruma' Allah idi ngisu' adat luk biré Musa netau.”

EPESUS 2:18

Ngaceku ratnan Keristus teh tau luk dueh babpat ini miak amé' matun Taman bang Roh luk sebuleng ineh.

EPESUS 3:14

Idi ini punneh ui tekeradung pa kiung Taman ineh.

1 TIMOTIUS 2:8

Pianku amung-amung deléi sembayang bang anid-anid luk inan, idi ngiding ticu' luk meligan dengan na museh idi pekedaluh.

1 PETRUS 1:17

Kudeng muyuh neten Neneh Taman, luk ngukum lemulun dengan na mili' lemulun iamo' maya' mepad kudeng luk kikem anid-anid burur, idi do' muyuh matot seruked muyuh tudo bang tana' ini.

BALA LUK LINIO 21:22

Idi ui nenier na luk idi ruma' Allah bang bawang ineh, ngaceku Tuhan Allah luk Melalud, idi Anak Dumba ineh, mangun ku ruma'neh.