YAHYA 4:14 - BALA LUK DO'

¹⁴ iamo' idé-idé luk ngirup abpa' luk barénKu neneh, na ieh miak meparing ruked-ruked, ngaceku abpa' luk barénKu ineh, miak mangun bang bururneh ku aceh bued abpa' luk manud macing inan ulun luk meruked.”

YAHYA 4:14 Iomraidhean Croise

YESAYA 49:10

na ideh melau idi meparing. Na ideh medereh ku ét idang idi bui luk melau', ngaceku ideh kiuten Lun luk mawa nedeh. Ieh nguyut nedeh macing inan bued abpa'.

YESAYA 55:1

Kebala Tuhan, “O muyuh luk meparing, amé' inan abpa! O muyuh luk na usin, melih bera idi kuman! Melih abpa' anggur idi rata sapi' dengan na raga!

YESAYA 58:11

Idi Ui nguyut nemuyuh ruked-ruked, idi maré petap kuan muyuh. Ui maré tueh burur idi do' ulun nemuyuh, pelé muyuh mepad kudeng kabun luk petap abpa', idi mepad kudeng bued abpa' luk na mekeket.

YEREMIA 2:13

PupuKu pangeh nenganau' dueh sala': ideh nenecan Negku, ieh ineh aceh bued abpa' luk do'; idi ideh nengukat tuda'-tuda' subuk, luk na inan abpa' mudeng.

YEREMIA 31:25

Ui miak ngato erur lemulun luk merur idi ngebor lemulun luk melaya' ngaceku melau.

YEHISKIEL 47:9

Su apeh inan abpa' ini manud inan raput-raput pung idi lawid. Arur ini miak nganau' Abpa' luk Mepaci' meligan. Su apeh inanneh manud ieh ngacing ulun.

UKUM 11:36

Iamo' bued abpa' idi subuk ineh meligan. Iamo' anun-anun luk nepisit ku butung ineh, kali' rungen ieh melutak.

MATIUS 25:46

Lemulun ini semuet bang ukum ruked-ruked peh, iamo' lemulun luk matu semuet bang ulun luk meruked.”

MATIUS 5:6

“Samal kuan lemulun luk melau idi meparingku luk matu, ngaceku ideh miak uen ngebor.

YAHYA 10:10

Idi lun mano ineh macing sikal mano idi ngaté idi ngusag mo'. Ui ini nacing pad dumba ineh miak ngalap ulun idi ngalap ulun ineh dengan mela.

YAHYA 11:26

idi idé-idé luk mulun idi manu Negku, na ieh miak maté ruked-ruked peh. Manuké iko ku ini?”

YAHYA 4:10

Idi kebala Yésus, ‘Kudeng iko kali' katu Allah idi idé Lemulun luk mutuh namu maré luk rupen, na miak na iko mutuh rat Neneh, pad Ieh maré abpa' luk mulun kuanmu.”

YAHYA 4:11

Idi keburi' decur ineh, “O Tuan, Iko na luk ku ngook abpa', idi subuk ini medalem. Rat iapehké Iko ngalap abpa' luk mulun ineh?

YAHYA 4:13

Kebala Yésus, “Idé-idé luk ngirup abpa' ini, ieh miak meparing teh:

YAHYA 4:36

Idi lemulun luk ngeranih ineh ngalap tabpar, idi ngamung bua' luk kuan ulun luk meruked, pad lemulun luk nibu idi lemulun luk ngeranih, pad-pad mawang niat.

YAHYA 6:27

Aleg muyuh ngakem ngaceku akan luk melu, iamo' ngaceku akan luk meraben macing inan ulun luk meruked. Akan ineh miak barén Anak-Lemulun nemuyuh ngaceku Allah Taman pangeh nenganau' etuNeh luunNeh pad ngamo Neneh matu.”

YAHYA 6:35

Idi kebala Yésus nedeh, “Ui ini Ruti Ulun ineh; lemulun luk macing Negku, na ieh miak melau peh, idi lemulun luk manu Negku, na ieh miak meparing teh.

YAHYA 6:58

Ini Ruti luk temurun rat surga. Na ieh mepad kudeng ruti luk kinan tepun muyuh, luk ngacing até. Idé-idé luk kuman Ruti ini, ieh miak mulun ruked-ruked.”

YAHYA 7:37

Aco luk kekiped bang irau ineh, ieh ineh aco luk meluun rayeh. Bang aco sineh Yésus netuped idi nengitang, kebalaNeh, “Kudeng idé lemulun luk meparing, do' ieh macing Negku idi ngirup.

SURAT LUK BIRE PAULUS KUAN LUN RUM 5:21

Mepad kudeng sala' mangun ku raca' bang até, kudeng ineh teh katu Allah miak mangun ku raca' ratnan luk matu macing inan ulun luk meruked, ngaceku Yésus Keristus Tuhan tau.

SURAT LUK BIRE PAULUS KUAN LUN RUM 6:23

Ngaceku tabpar sala' ineh maté, iamo' katu Allah ineh ulun luk meruked dengan Keristus Yésus Tuhan tau.

2 KORINTUS 1:22

Ieh teh pangeh nemaré tanu' kuan tau dengan maré etu Roh semuet bang niat tau.

EPESUS 4:30

Idi aleg muyuh ngesusa' Roh Allah luk meligan luk inan muyuh pangeh itu pad macing aco ulu'.

1 PETRUS 1:22

Ngaceku muruh pangeh nemaru' niat muyuh idi lutep maya' luk matu, pad muyuh mawa dengan amung-amung kinanak dengan na siayu, idi do' muyuh mawa seburur dengan seburur, dengan niat luk matu.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.

BALA LUK LINIO 7:16

Na ideh miak melau idi meparing teh, idi na ideh ketukan lau' mateh aco idi anun-anun luk melau' pana'.

BALA LUK LINIO 7:17

Ngaceku Anak Dumba luk luun uned kerusi ineh miak mangun ku Lun Matar nedeh, idi nguit nedeh amé' inan bued abpa' luk mulun. Idi Allah pana' miak miid amung-amung abpa' mateh ratnan matehdeh ineh.”