YAHYA 4:11 - BALA LUK DO'

¹¹ Idi keburi' decur ineh, “O Tuan, Iko na luk ku ngook abpa', idi subuk ini medalem. Rat iapehké Iko ngalap abpa' luk mulun ineh?

YAHYA 4:11 Iomraidhean Croise

YEREMIA 2:13

PupuKu pangeh nenganau' dueh sala': ideh nenecan Negku, ieh ineh aceh bued abpa' luk do'; idi ideh nengukat tuda'-tuda' subuk, luk na inan abpa' mudeng.

YAHYA 3:4

Idi kebala Nikodimus, “Kudeng apehké seburur lemulun miak ruen nenganak kareb ieh pangeh rayeh? Miakké ieh semuet baruh bang nakan tinanneh, idi ruen nenganak teh?”

YAHYA 4:14

iamo' idé-idé luk ngirup abpa' luk barénKu neneh, na ieh miak meparing ruked-ruked, ngaceku abpa' luk barénKu ineh, miak mangun bang bururneh ku aceh bued abpa' luk manud macing inan ulun luk meruked.”

YAHYA 7:37

Aco luk kekiped bang irau ineh, ieh ineh aco luk meluun rayeh. Bang aco sineh Yésus netuped idi nengitang, kebalaNeh, “Kudeng idé lemulun luk meparing, do' ieh macing Negku idi ngirup.

KEKAMEN RASUL-RASUL 10:14

Iamo' Pétrus nepebala, “Ara' ui Tuhan, ngaceku ui nateh nekuman anun-anun luk dat idi melutak.”

1 KORINTUS 2:14

Iamo' lemulun luk na inan Roh Allah na miak ngalap baré-baré luk ratnan Roh Allah ineh, ngaceku amung ineh mangun ku bacé kuanneh, idi na ieh miak ngiti ineh, kudeng na Roh Allah ngelio ineh.

BALA LUK LINIO 21:6

Idi teh kebalaNeh, “Pangeh neriput! Ui ini Urup luk Pun-pun idi Urup luk Kekiped, ieh ineh Luk Pun-pun idi Luk Kekiped. Kuan lemulun luk meparing Ui miak amré neneh ngirup ratnan bued abpa' luk mulun ineh dengan mo'-mo'.

BALA LUK LINIO 22:1

Melaikat ineh nemada' sirenku aceh bued abpa' luk panu' ku abpa' luk mulun, mesor mepad kudeng gelas luk pelaba' do', luk manud remuat ratnan kerusi Allah idi Anak Dumba ineh.

BALA LUK LINIO 22:17

Idi Roh dengan Decur luk ngaweh pebala, “Amé' tungé!” Idi lemulun luk ninger ineh pana' do' ieh pebala, “Amé' tungé!” Idi lemulun luk meparing do' ieh macing, idi idé-idé luk sikal, do' ieh ngalap abpa' mulun ineh dengan mo'-mo'.

BALA LUK LINIO 7:17

Ngaceku Anak Dumba luk luun uned kerusi ineh miak mangun ku Lun Matar nedeh, idi nguit nedeh amé' inan bued abpa' luk mulun. Idi Allah pana' miak miid amung-amung abpa' mateh ratnan matehdeh ineh.”