YAHYA 4:10 - BALA LUK DO'

¹⁰ Idi kebala Yésus, ‘Kudeng iko kali' katu Allah idi idé Lemulun luk mutuh namu maré luk rupen, na miak na iko mutuh rat Neneh, pad Ieh maré abpa' luk mulun kuanmu.”

YAHYA 4:10 Iomraidhean Croise

NANI UBUR 10:17

O Tuhan, Iko ninger sembayang lemulun luk mebeneh niat; Iko maré kuu' nedeh.

NANI UBUR 46:4

Inan aceh abpa' luk ngacing awang kuan bawang Allah, kuan ruma' Allah luk Meluun Medita'.

PURA' 17:6

Idi Ui tuped déi' pa luun pegkung batu luk déi' Sinai. Do' iko necat pegkung batu ineh, idi rat bang ineh abpa' remuat pad pupu ineh miak ngirup.” Kudeng ineh luk inau' Musa pa kiung lun rayeh Israil.

NANI SELIMUN 4:15

Bued idi arur luk uput rat Pegkung Lebanon, mubpur kabun ineh.

YESAYA 12:3

Dengan mawang niat pupu Tuhan ngook abpa' ratnan bued ulun.”

YESAYA 35:6

Lun luk meliai miak sikau' idi ngalai, idi lun mebegkeh ngitang ku awang niatdeh. Abpa' arur miak manud déi' su lu luk ali-ali;

YESAYA 42:6

“Ui ini Tuhan, nenawar Namu idi nemaré lalud Namu, pelé ngacing luk mesiri luun tana' ini. Ui maré Namu kudeng aceh pejani' kuan amung lemulun, pad mangun ku acang kuan amung pupu.

YESAYA 43:20

Pung luk meliput pana' miak ngubur Negku dengan bungalé idi suit luk necan terurdeh, kareb Ui nganau' abpa' manud déi' su luk ali-ali, pad maré abpa' rupen pupu luk pinili'Ku.

YESAYA 44:3

“Ui maré abpa' kuan tana' luk tekering, idi nganau' arur manud déi' su luk ali-ali. Ui ngutang laludKu kuan anak-anakmu, idi ngeperuan amung inulmu.

YESAYA 49:10

na ideh melau idi meparing. Na ideh medereh ku ét idang idi bui luk melau', ngaceku ideh kiuten Lun luk mawa nedeh. Ieh nguyut nedeh macing inan bued abpa'.

YESAYA 9:6

Anak ineh tinganak kuan tau, Anak deléi pangeh biré kuan tau! Idi amung-amung lalud uen ngerareng luun tudungNeh. Ieh miak tetanen “Luk Nan Mawa,” “Lun luk ngimet,” “Allah luk Melalud,” “Taman luk Meruked,” idi “Raca' Awang.”

YEREMIA 2:13

PupuKu pangeh nenganau' dueh sala': ideh nenecan Negku, ieh ineh aceh bued abpa' luk do'; idi ideh nengukat tuda'-tuda' subuk, luk na inan abpa' mudeng.

YEHISKIEL 16:35

O decur luk mesawa', ninger bala Tuhan.

SEKARIA 13:1

Kebala Tuhan luk Melalud, “Kareb ineh aceh turuk miak kabin kuan inul Daud, idi lun Yerusalim, pad ideh miak baruin ratnan amung sala'deh, idi ratnan sembayang inan akang.

SEKARIA 14:8

Bang aco sineh, abpa' ulun miak manud rat Yerusalim, idi sebuang miak macing nan Abpa' luk Mepaci' idi sebuang nan Abpa' Rayeh. Idi abpa' ineh miak manud ruked lak.

LUKAS 11:13

Kudeng muyuh luk dat kali' teh maré luk do' kuan anak-anak muyuh, meluun teh Taman muyuh luk bang surga sikal maré Roh Meligan kuan lemulun luk mutuh rat Neneh!”

YAHYA 16:3

Amung-amung ini miak ruendeh, ngaceku na ideh miti Taman idi Ui teh.

YAHYA 17:3

Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

YAHYA 3:16

Ngaceku Allah mawa kuan uang tana' ini, pad Ieh nemaré Anak bulengNeh, idi idé'-idé luk manu Neneh na miak maté, iamo' ieh ngalap ulun luk meruked.

YAHYA 4:14

iamo' idé-idé luk ngirup abpa' luk barénKu neneh, na ieh miak meparing ruked-ruked, ngaceku abpa' luk barénKu ineh, miak mangun bang bururneh ku aceh bued abpa' luk manud macing inan ulun luk meruked.”

YAHYA 6:35

Idi kebala Yésus nedeh, “Ui ini Ruti Ulun ineh; lemulun luk macing Negku, na ieh miak melau peh, idi lemulun luk manu Negku, na ieh miak meparing teh.

YAHYA 6:51

Ui ini Ruti luk mulun, luk temurun rat surga. Kudeng idé lemulun kuman ratnan Ruti ini, ieh miak mulun ruked-ruked. Idi Ruti luk barénKu ineh, ieh ineh bururKu. Ui maré ineh pad tana' ini ngalap ulun.”

KEKAMEN RASUL-RASUL 9:11

Idi kebala Tuhan neneh, “Nalan iko idi amé' inan aceh dalan ngadanneh Mesiri, idi ngitun déi' ruma' Yudas ratnan seburur lemulun ngadanneh Saul, lun Tarsus, ngaceku nekini ieh sembayang.

SURAT LUK BIRE PAULUS KUAN LUN RUM 8:32

Ngaceku Allah na nengimet AnakNeh sebuleng, iamo' nemaré Neneh ku peruan tau amung-amung, kali' rungen dengan baré ineh Ieh sikal maré anun-anun pana' luk miak barénNeh kuan tau.

1 KORINTUS 1:30

Iamo' dengan peruan ratnan Allah, muyuh ini perurum dengan Keristus Yésus, luk pangeh mangun ku ileh kuan tau ratnan Allah. Ieh nganau' netau matu, idi ngeligan idi nguli' netau.

1 KORINTUS 10:4

idi nengirup luk rupen ratnan Roh luk mepad mo'. Ngaceku ideh pangeh nengirup ratnan batu luk ratnan Roh luk nemaya' nedeh ineh, idi batu ineh Keristus.

2 KORINTUS 9:15

Ngubur Allah ngaceku katuNeh luk pelaba do'.

EPESUS 2:8

Ngaceku dengan katu Allah muyuh inulun ngaceku ratnan anu, idi ini baken kekamen muyuh, iamo' baré Allah,

IBERANI 6:4

Ngaceku kudeng apeh lemulun luk pangeh nelemubed miak kiuten pad uren teh? Atun ideh bang acang Allah. Ideh pangeh kali' baré luk rat surga ineh, idi pangeh nengalap babpat ratnan Roh Meligan.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.

BALA LUK LINIO 21:6

Idi teh kebalaNeh, “Pangeh neriput! Ui ini Urup luk Pun-pun idi Urup luk Kekiped, ieh ineh Luk Pun-pun idi Luk Kekiped. Kuan lemulun luk meparing Ui miak amré neneh ngirup ratnan bued abpa' luk mulun ineh dengan mo'-mo'.

BALA LUK LINIO 22:17

Idi Roh dengan Decur luk ngaweh pebala, “Amé' tungé!” Idi lemulun luk ninger ineh pana' do' ieh pebala, “Amé' tungé!” Idi lemulun luk meparing do' ieh macing, idi idé-idé luk sikal, do' ieh ngalap abpa' mulun ineh dengan mo'-mo'.

BALA LUK LINIO 7:17

Ngaceku Anak Dumba luk luun uned kerusi ineh miak mangun ku Lun Matar nedeh, idi nguit nedeh amé' inan bued abpa' luk mulun. Idi Allah pana' miak miid amung-amung abpa' mateh ratnan matehdeh ineh.”