YAHYA 3:8 - BALA LUK DO'

⁸ Bui macing iapeh-iapeh luk pianneh. Iko ninger unineh, iamo' iko na kali' rat iapeh ieh macing idi iapeh luk ulekneh. Kudeng ineh teh anid-anid lemulun luk tinganak ratnan Roh.”

YAHYA 3:8 Iomraidhean Croise

NANI UBUR 107:25

Ieh nepebala, idi inan bui luk metueh, luk nenganau' ribut luk rayeh.

NANI UBUR 107:29

Ieh nengagka' bui ineh, pad ribut ineh pana' inugka'.

NANI UBUR 135:7

Ieh nguit laput rat iring tana'; idi nganau' kilep ku barui, idi nguit bui rat bang lubangneh.

LUN LUK MADA' 1:6

Ulek bui, ieh ineh pa kabing busat aco idi pa tinueh busat aco, lemibung-lemibung idi lemubed amé' su inanneh teh.

YEHISKIEL 37:9

Kebala Allah negku, “O lemulun, mada' bala luk barénKu kuan bui. Kudeng ini bala Tuhan Allah: Amé' rat anid lidung tana' idi nginiat kuan butung-butung ini, pad ideh mulun.”

YAHYA 1:13

Na ideh mangun ku anak Allah maya' lawé lemulun uen nenganak, iamo' Allah sebuleng mangun ku Tamandeh.

YAHYA 3:7

Aleg iko mawa, ngaceku Ui pebala namu, muyuh na miak na uen nenganak baruh.

YAHYA 3:9

Idi kebala Nikodimus, “Kudeng apehké amung ineh miak mangun?”

KEKAMEN RASUL-RASUL 2:2

Idi denak-denak inan uni rat bang langit, ayuneh kudeng uni bui luk rayeh luk manu' amung ruma' luk inandeh tudo ineh.

KEKAMEN RASUL-RASUL 4:31

Kareb ideh pangeh nesembayang, idi luk inandeh tebubpun ineh neruyuh; idi amung-amungdeh mepanu' ku Roh Meligan idi nemada' bala Allah dengan mekuu'.

1 KORINTUS 12:11

Iamo' amung-amung ineh kekamen Roh luk sebuleng ineh teh. Ieh maré kuan anid-anid burur, maya' pianNeh sebuleng.

1 KORINTUS 2:11

Idéké luk kali' niat lemulun? Roh luk bang niat lemulun ineh mo' luk kali'. Kudeng ineh teh na luk idi seburur pana' luk kali' niat Allah, iamo' Roh Allah mo'.

1 YAHYA 2:29

Muyuh kali' Keristus ineh matu. Ngaceku ineh, petulu muyuh kali' idi anid-anid burur lemulun luk nganau' luk matu, ieh ineh anak Allah.