YAHYA 3:5 - BALA LUK DO'

⁵ Idi kebala Yésus, “Matu, Ui pebala namu, kudeng selemulun na tinganak ratnan abpa' idi Roh, na ieh miak semuet bang Imet Allah.

YAHYA 3:5 Iomraidhean Croise

MATIUS 18:3

Kebala Yésus, “Ngerawé do'-do'! Kudeng muyuh na misu' niat, idi mangun mepad kudeng anak luk isuut ini, na tu muyuh miak semuet bang Imet surga.

MATIUS 19:24

Idi Ui pebala nemuyuh teh, meluun malé aceh pung unta semuet bang lubang pinu, ratnan lemulun luk mula' binaweh semuet bang Imet Allah.”

MATIUS 21:31

Sapehké rat arang dueh anak ineh luk nemaya' pian tamanneh?” Idi keburi'deh Neneh, “Seluk atun.” Idi Yésus nepebala nedeh, “Ui pebala nemuyuh, lemulun luk ngamang usin pupuk idi decur-decur luk mesawa' semuet bang Imet Allah pa atun muyuh.

MATIUS 28:19

Ngaceku ineh, amé' muyuh idi nganau' amung-amung pupu mangun ku anak-anak sekola'Ku, idi ngerereb nedeh bang ngadan Taman, Anak, idi Roh Meligan.

MATIUS 3:11

Ui ngerereb nemuyuh bang abpa', mangun ku tanu' muyuh pangeh nuren, iamo' Ieh luk macing muci rat negku ngerereb nemuyuh ku Roh Meligan idi apui. Ieh meluun lalud ratnan ui, idi ngiding kasutNeh pana' ui na mayu.

MATIUS 5:20

Ngaceku ineh Ui pebala nemuyuh, kudeng niat muyuh na mesiri meluun ratnan siri niat guru-guru Ukum idi lun Parisi teh, na tu-tu muyuh miak semuet bang Imet surga.

MARKUS 10:14

Kareb Yésus nekali' ratnan ineh, idi Ieh museh, kebalaNeh, “Nima' anak-anak luk isuut amé' Negku, idi aleg mebpeng nedeh, ngaceku lemulun luk kudeng ini luk kuan Imet Allah.

MARKUS 16:16

Idé-idé luk manu idi rerebpen miak uen ngulun, iamo' idé-idé luk na manu, ieh luk miak kumin.

MARKUS 9:47

Idi teh, kudeng matehmu ngesabeng namu, do' nakul neneh, ngaceku meluun do' iko semuet bang Imet Allah dengan mateh luk sebuleng ratnan iko talan bang takung apui dengan mateh luk dueh.

LUKAS 13:24

“Do' ngekél burur muyuh semuet maya' tanga' luk meperi', ngaceku mula' lemulun luk sikal semuet iamo' na miak.

LUKAS 13:3

Ui pebala nemuyuh, ‘Baken kudeng ini! Iamo' kudeng muyuh na uren kali' rungen amung muyuh pana' miak maté kudeng ineh teh.’

LUKAS 13:5

Ui pebala nemuyuh, ‘Baken kudeng ineh! Iamo' kudeng na muyuh uren, kali' rungen amung muyuh pana' miak maté kudeng ineh teh.’ ”

YAHYA 1:13

Na ideh mangun ku anak Allah maya' lawé lemulun uen nenganak, iamo' Allah sebuleng mangun ku Tamandeh.

YAHYA 3:3

Idi kebala Yésus, “Matu, Ui pebala namu, kudeng selemulun na tinganak baruh, na ieh miak nier Imet Allah.”

YAHYA 3:4

Idi kebala Nikodimus, “Kudeng apehké seburur lemulun miak ruen nenganak kareb ieh pangeh rayeh? Miakké ieh semuet baruh bang nakan tinanneh, idi ruen nenganak teh?”

KEKAMEN RASUL-RASUL 2:38

Idi keburi' Pétrus nedeh, “Do' amung-amung muyuh uren, idi rerebpen bang ngadan Yésus Keristus, pelé muyuh ngalap do' ratnan sala' muyuh; idi muyuh miak ngalap baré Allah, ieh ineh Roh Meligan.

KEKAMEN RASUL-RASUL 3:19

Ngaceku ineh do' muyuh uren idi lumi inan Allah pad Ieh ngiu' sala' muyuh,

SURAT LUK BIRE PAULUS KUAN LUN RUM 14:17

Ngaceku Imet Allah ineh baken ratnan kuman idi ngirup, iamo' luk matu idi awang idi mawang niat luk biré Roh Meligan.

SURAT LUK BIRE PAULUS KUAN LUN RUM 8:2

Ngaceku ukum Roh luk maré ulun bang Keristus Yésus pangeh nemuit negku ratnan ukum sala' idi até ineh teh.

1 KORINTUS 15:50

Ini ilung balaku, O kinanak-kinanakku: uang idi dara' na miak ngalap babpat bang Imet Allah. Idi luk pinudut luk miak merapuk na miak ngalap babpat bang luk pinudut luk na miak merapuk.

1 KORINTUS 2:12

Na tau nengalap roh tana' ini. Tau pangeh nengalap Roh Allah, pad tau miak kali' amung-amung luk barén Allah kuan tau

1 KORINTUS 6:11

Kudeng ineh teh ulun sebuang muyuh atun, iamo' muyuh pangeh biru' ratnan sala', muyuh pangeh linigan kuan Allah, muyuh pangeh inau' matu pa kiung Allah bang ngadan Tuhan Yésus Keristus idi bang Roh Allah tau.

GALATIA 6:15

Ngaceku sunat idi na sinunat ineh pana' nateh ulekneh, iamo' luk inan ulek, ieh ineh aceh pudut luk mebaruh.

EPESUS 5:26

Ieh nenganau' ineh pelé Ieh miak ngeligan sidang ineh, kareb Ieh pangeh nemaru' neneh ku baru' abpa' ratnan bala Allah,

1 PETRUS 1:2

Muyuh pangeh pinili' maya' pian Allah Taman, idi muyuh pangeh linigan RohNeh mangun ku pupuNeh luk meligan, pad muyuh maya' bala Yésus Keristus idi baruin ku dara'Neh. Idi do' katu idi awang amé'-amé' mula' kuan muyuh.

1 PETRUS 3:21

Idi abpa' ineh pinginud rereb luk nekini ngulun nemuyuh, idi ilungneh baken nala' luk melutak ratnan burur, iamo' mutuh teruayen niat luk do' pa kiung Allah, ngaceku ratnan tui Yésus Keristus,

1 YAHYA 2:29

Muyuh kali' Keristus ineh matu. Ngaceku ineh, petulu muyuh kali' idi anid-anid burur lemulun luk nganau' luk matu, ieh ineh anak Allah.

1 YAHYA 5:1

Idé-idé luk manu idi Yésus ineh Keristus, idi lemulun ineh tinganak ratnan Allah, idi idé-idé luk mawa inan Taman, ieh pana' mawa inan anakNeh teh.