Biblia Todo Logo
Bìoball air-loidhne

- Sanasan -




YAHYA 3:34 - BALA LUK DO'

34 Ieh luk icuk Allah mada' bala Allah, ngaceku Allah maré TohNeh dengan na uen nguad.

Faic an caibideil Dèan lethbhreac




YAHYA 3:34
29 Iomraidhean Croise  

Kareb didueh nepegeta, idi kebala Elia ni Elisa, “Mutuh iko anun luk miak ruenku kuanmu atun kareb nateh ui lapen Tuhan rat iringmu.” Idi kebala Elisa, “Do' iko maré dueh babpat laludmu negku.”


iko mawa inan lukmatu, idi megateh inan luk dat. Ini punneh Allahmu pangeh nemili' namu, idi nemaré awang luk mula' namu, meluun rat nelun baken.


Idi Ui pejani' nemuyuh: RohKu luk tudo luun muyuh idi balaKu luk inau'Ku luun bibir muyuh, na miak buro ratnan tang muyuh macing inan inul-inul muyuh, rat nekini macing ruked-ruked. Tuhan pangeh nepebala.”


Idi ieh ineh babpat kuan Arun idi anak-anakneh ratnan amung luk barén sabpen kuan Tuhan, kareb aco luk inandeh inumau mangun ku imam.


Idi Tuhan netemurun bang laput ineh idi nepebala neneh. Idi Tuhan nengalap ratnan Roh luk ni Musa, idi ieh nemaré ineh kuan tudu' ngepulu' lun rayeh ineh. Kareb Roh ineh pana' iné' nedeh, idi ideh nengimun mada' luk biré Roh. Iamo' ideh nenganau' kudeng ineh sekua' mo'.


“Ini demulun luk pangeh pinili'Ku, Ieh luk inanKu mawa, idi Ui mawang niat Neneh. Ui sikal maré RohKu tudo luunNeh, idi Ieh sikal mada' ukum kuan amung-amung lun pupu baken.


“Roh Tuhan idi pa luunKu, ngaceku Ieh pangeh nengumau Negku, pad Ui mada' Bala luk Do' kuan lun masi'. Ieh nengecuk Negku mada' puit kuan lun luk tiban, idi ngedo' mateh lun luk nebuser, idi muit lemulun luk neritep,


Ngaceku ratnan katuNeh luk pelaba rayeh Allah pangeh nengeperuan netau, idi peruan ineh iuk-iuk mula'.


“Iamo' Lun Ngedengan ineh miak macing, ieh ineh Roh luk matu luk macing ratnan Taman. Ui ngecuk Neneh amé' nemuyuh ratnan Taman ineh, idi Ieh miak maré kali' ratnan Ui.


Iamo' Ui mala luk matu kuan muyuh, do' kuan muyuh kudeng Ui ini amé', ngaceku kudeng Ui na amé', Lun Ngedenan ineh na miak macing nemuyuh; iamo' kudeng Ui amé'. Ui miak ngecuk Neneh amé' nemuyuh.


Ngaceku Allah nan nengecuk AnakNeh amé' bang tana' ini pad ngukum tana' ini, iamo' pad tana' ini miak uen ngulun ngaceku Ieh.


Mepad kudeng Taman ineh lawa ulun, kudeng ineh teh Ieh nemaré kuan AnakNeh mangun ku lawa ulun teh.


Idi kebala Yésus, “Bada'Ku ineh baken rat Negku, iamo' ratnan Allah luk nengecuk Negku.


Luk pangeh inau'Ku, ieh ineh ngegala' kuan muyuh anun-anun luk matu luk ilapKu ratnan Allah. Iamo' muyuh pian ngaté Negku. Ibrahim na nenganau' kudeng ineh!


Lemulun luk ratnan Allah, ieh teh luk ninger bala Allah. Ini punneh muyuh na ninger bala ineh, ngaceku muyuh baken ratnan Allah.”


pad macing aco Ieh kinikit iné' surga. Kareb nateh Ieh kinikit, dengan lalud Roh Meligan Ieh nemada' rasul-rasul luk pangeh pinili'Neh.


Muyuh pangeh neninger ratnan Yésus lun Nasarét ineh, kudeng apeh Allah pangeh nengumau Neneh ku Roh Meligan idi lalud. Ieh nenalan iné' iapeh-iapeh idi nenganau' kekamen luk do', idi nengedo' amung-amung lemulun luk inimet Iblis; ngaceku Allah nengedengan Neneh.


Ngaceku ukum Roh luk maré ulun bang Keristus Yésus pangeh nemuit negku ratnan ukum sala' idi até ineh teh.


Idi kuanku ini luk pelaba dat rat arang amung-amung lun manu, katu ineh pangeh biré pad ui miak mada' Bala luk Do' kuan lun pupu baken ratnan do' Keristus luk na kekipedneh,


Ngaceku pangeh nepetulu dengan pian Allah, ratnan amung-amung luk meligan ineh inau' pamung bang Anak ineh.


Ngaceku bang Keristus amung-amung riput luk meligan ratnan Allah pamung dengan ayu burur.


Idi teh kebalaNeh, “Pangeh neriput! Ui ini Urup luk Pun-pun idi Urup luk Kekiped, ieh ineh Luk Pun-pun idi Luk Kekiped. Kuan lemulun luk meparing Ui miak amré neneh ngirup ratnan bued abpa' luk mulun ineh dengan mo'-mo'.


Melaikat ineh nemada' sirenku aceh bued abpa' luk panu' ku abpa' luk mulun, mesor mepad kudeng gelas luk pelaba' do', luk manud remuat ratnan kerusi Allah idi Anak Dumba ineh.


Lean sinn:

Sanasan


Sanasan