YAHYA 3:3 - BALA LUK DO'

³ Idi kebala Yésus, “Matu, Ui pebala namu, kudeng selemulun na tinganak baruh, na ieh miak nier Imet Allah.”

YAHYA 3:3 Iomraidhean Croise

YEREMIA 5:21

Ngerawé do'-do', O muyuh lun mebacé, luk inan mateh idi na miak nier, idi luk inan lalid idi na miak ninger.

YEHISKIEL 36:26

Ui maré kuan muyuh niat luk mebaruh, idi teh roh luk mebaruh ruenKu bang nemuyuh. Ui miak nala' niat muyuh luk ratnan batu, idi maré niat lemulun kuan muyuh.

MATIUS 16:17

Idi kebala Yésus, “Samal kuanmu, O Simun, anak Yunus! Ngaceku baken lemulun luk ngelio ini kuanmu, iamo' TamanKu luk bang surga.

MATIUS 19:24

Idi Ui pebala nemuyuh teh, meluun malé aceh pung unta semuet bang lubang pinu, ratnan lemulun luk mula' binaweh semuet bang Imet Allah.”

MATIUS 21:31

Sapehké rat arang dueh anak ineh luk nemaya' pian tamanneh?” Idi keburi'deh Neneh, “Seluk atun.” Idi Yésus nepebala nedeh, “Ui pebala nemuyuh, lemulun luk ngamang usin pupuk idi decur-decur luk mesawa' semuet bang Imet Allah pa atun muyuh.

MATIUS 5:18

Ngerawé do'-do'! Seruked langit idi tana' pana' idi, sebuleng titik idi sebuleng bila' bala luk isuut pana' luk rat bang Ukum na miak metutu', pad macing amung-amung ineh mangun.

MARKUS 10:14

Kareb Yésus nekali' ratnan ineh, idi Ieh museh, kebalaNeh, “Nima' anak-anak luk isuut amé' Negku, idi aleg mebpeng nedeh, ngaceku lemulun luk kudeng ini luk kuan Imet Allah.

MARKUS 9:47

Idi teh, kudeng matehmu ngesabeng namu, do' nakul neneh, ngaceku meluun do' iko semuet bang Imet Allah dengan mateh luk sebuleng ratnan iko talan bang takung apui dengan mateh luk dueh.

YAHYA 1:13

Na ideh mangun ku anak Allah maya' lawé lemulun uen nenganak, iamo' Allah sebuleng mangun ku Tamandeh.

YAHYA 1:5

Acang ineh merasat bang dacem, idi dacem ineh na miak ngilep neneh.

YAHYA 1:51

Idi kebalaNeh nedeh teh, “Matu Ui pebala nemuyuh, idi muyuh miak nier langit mukab, idi amung-amung melaikat Allah umak idi temurun luun Anak-Lemulun.”

YAHYA 12:40

“Allah nengebuser matehdeh idi nengetueh terawédeh, pad ideh na nier dengan matehdeh, idi na kali' dengan terawédeh, pelé ideh na lumi Negku, uenKu ngedo'.”

YAHYA 3:4

Idi kebala Nikodimus, “Kudeng apehké seburur lemulun miak ruen nenganak kareb ieh pangeh rayeh? Miakké ieh semuet baruh bang nakan tinanneh, idi ruen nenganak teh?”

2 KORINTUS 4:4

Idi raca' tana' ini pangeh nengebuser mateh niat lemulun luk na manu ineh, pad ideh na miak macang ku acang Bala luk Do' ratnan rasat Keristus, ieh ineh ayun Allah.

2 KORINTUS 5:17

Kareb selemulun mulun bang Keristus, idi ieh ineh aceh pudut luk mebaruh, idi amung-amung luk mon ineh pangeh tila', idi amung-amung luk mebaruh pangeh nacing.

GALATIA 6:15

Ngaceku sunat idi na sinunat ineh pana' nateh ulekneh, iamo' luk inan ulek, ieh ineh aceh pudut luk mebaruh.

EPESUS 2:1

Atun muyuh pangeh naté ngaceku amung-amung dat idi sala' muyuh.

BADA' RATNAN UKUM 29:4

Iamo' macing nekini pana' Tuhan nateh nemaré ileh nemuyuh pad muyuh miak kali', idi mateh muyuh miak nier, idi lalid muyuh miak ninger.

TITUS 3:5

Ieh nengulun netau. Baken ngaceku ratnan kekamen luk do' luk inau' tau, iamo' ngaceku éi'Neh. Ieh nengulun netau ku baru' Roh Meligan luk nguit netau tinganak mebaruh, pad ngalap ulun luk mebaruh.

YAKUB 3:17

Iamo' ileh luk rat surga pun-pun meligan, pangeh ineh sikal pedo', do' buri', idi do' baya' ukum, idi panu' dengan éi' idi bua'-bua' luk do' dengan na metebaceng, idi dengan na naluk.

1 PETRUS 1:3

Do' tau ngubur Allah Taman Tuhan tau Yésus Keristus! Ngaceku éi'Neh luk pelaba rayeh, Ieh nemaré ulun luk mebaruh kuan tau, dengan nui Yésus Keristus ratnan até. Ngaceku ineh tau mepanu' ku rapet luk mulun.

1 YAHYA 2:29

Muyuh kali' Keristus ineh matu. Ngaceku ineh, petulu muyuh kali' idi anid-anid burur lemulun luk nganau' luk matu, ieh ineh anak Allah.

1 YAHYA 3:9

Idé-idé luk tinganak ratnan Allah, na ieh megéi' nganau' sala', ngaceku ulun Allah idi bang neneh, idi na ieh megéi' nganau' sala', ngaceku ieh tinganak ratnan Allah.

1 YAHYA 5:1

Idé-idé luk manu idi Yésus ineh Keristus, idi lemulun ineh tinganak ratnan Allah, idi idé-idé luk mawa inan Taman, ieh pana' mawa inan anakNeh teh.

1 YAHYA 5:18

Tau kali' idi idé lemulun luk tinganak ratnan Allah na megéi' nganau' sala'; iamo' lemulun luk tinganak ratnan Allah ineh nginita bururneh, idi Luk Dat ineh na miak ngakem neneh.

1 YAHYA 5:4

Ngaceku idé-idé pana' luk tinganak ratnan Allah miak ngelaya' tana' ini. Idi ini tueh tau luk ngelaya' tana' ini, ieh ineh anu tau.

BALA LUK LINIO 3:14

“Kuan melaikat sidang luk déi' Laudikia, do' ngayud kudeng ini: “Ini bala rat Neneh luk ngadanNeh Amin, ieh ineh Lun Nekali' luk lutep maya' jani' idi luk matu, idi Luk Pun-pun ratnan amung-amung pudut Allah.