YAHYA 3:21 - BALA LUK DO'

²¹ iamo' lemulun luk nganau' luk matu macing inan acang, pad megala' kekamenneh ineh maya' pian Allah.

YAHYA 3:21 Iomraidhean Croise

NANI UBUR 119:105

BalaMu ineh lapung, ku acang dalanku.

NANI UBUR 119:80

Nima' negku maya' ukumMu dengan niat luk mesiri, pad ui na miak uen ngigu'.

YESAYA 26:12

O Tuhan, Iko sikal ngeperuan nekai. Amung-amung luk ruen kai mangun ngaceku pedenganMu.

YESAYA 8:20

Iamo' do' iko ngor baladeh, kebalamu, “Do' ninger luk badén Tuhan nemuyuh! Aleg ninger bala lun luk mangun –– luk beléndeh na ngacing luk do' kuan muyuh.”

HOSIA 14:8

Lun Israil na sikal sembayang inan akang teh, Ui ngua' sembayangdeh idi ngasa' nedeh. Ui ngelungung nedeh mepad kudeng aceh kayuh. Ui ini lawa amung-amung peruandeh.

YAHYA 1:47

Kareb Yésus nenier Nataniel macing Neneh, idi Ieh nepebala ratnan ieh, “Siruh, seburur lun Israil luk matu, idi luk na naluk teh!”

YAHYA 3:20

Idé-idé luk nganau' luk dat, megateh inan acang idi na macing inan acang ineh, pad kekamenneh na uen ngegala',

YAHYA 5:39

Muyuh ngelio Surat Allah, ngaceku bang terawé muyuh bang ineh muyuh miak ngalap ulun luk meruked. Idi Surat ineh teh maré kali' ratnan Ui.

YAHYA 7:17

Kudeng idé lemulun luk sikal nganau' pian Allah, ieh miak kali' ratnan bada' ini, kudeng ratnan Allah punneh, kian, Ui pebala dengan pianKu sebuleng lek.

1 KORINTUS 15:10

Iamo' ngaceku ratnan katu Allah ui pangeh misu', pad ulunku mepad kudeng luk bang kareb ini, idi katu luk biréNeh negku na mo'-mo'. Iamo' ui luk meluun géi' ratnan amung-amungdeh, iamo' baken ui, iamo' katu Allah luk ngedengan negku.

2 KORINTUS 1:12

Kai mawang niat ngaceku teruayen niat kai ngelio kuan kai ratnan ulun kai bang tana' ini, meluun teh ratnan rurum kai dengan muyuh luk pangeh isa' dengan kuu' idi siri niat ngaceku lalud katu Allah, idi baken ngaceku ileh lemulun.

GALATIA 6:8

Kudeng ieh nibu maya' pinian bururneh, ratnan pinian bururneh ineh ieh miak ngeranih até; iamo' kudeng ieh nibu maya' kuyut Roh ineh, ratnan Roh ineh ieh miak ngeranih ulun luk meruked.

EPESUS 5:9

Ngaceku bua'-bua' luk remuat rat bang acang, ieh ineh luk do', luk matu, idi luk mesiri.

PILIPI 1:11

Ulun muyuh miak uen manu' ku bua'-bua' luk matu ratnan Yésus Keristus, pad ngacing rayeh idi ubur kuan Allah.

PILIPI 2:13

Ngaceku Allah, Ieh ineh luk ngakem bang nemuyuh pad muyuh geregan idi ngakem teh sikal ngacing pianNeh luk do' ineh.

KOLOSE 1:29

Idi ini punneh ui merur teh, idi mekél dengan matu, maya' tueh Keristus luk ngakem bang negku.

IBERANI 13:21

Do' Allah luk lawa awang ineh nganau' nemuyuh temina' maya' pianNeh, pad muyuh miak nganau' tuda'-tuda' kekamen luk do'. Idi do' Ieh ngisu' amung tau, pad tau maya' luk petulu pa kiungNeh bang Yésus Keristus. Idi rayeh kuanNeh macing ruked-ruked. Amin.

1 PETRUS 1:22

Ngaceku muruh pangeh nemaru' niat muyuh idi lutep maya' luk matu, pad muyuh mawa dengan amung-amung kinanak dengan na siayu, idi do' muyuh mawa seburur dengan seburur, dengan niat luk matu.

1 YAHYA 1:6

Kudeng tau pebala tau perurum Neneh, iamo' nalan bang dacem, tau mebalih idi na nganau' luk matu.

3 YAHYA 1:11

O luk inanku mawa aleg iko nginud luk dat, iamo' nginud luk do'. Lemulun luk nganau' luk do', ieh ineh ratnan Allah; idi lemulun luk nganau' luk dat ineh nateh nenier Allah.

BALA LUK LINIO 3:15

Ui kali' kekamenmu, iko ineh meteneb pana' na, melau' pana' na. Ui sikal kudeng iko meteneb kian melau' lek.