YAHYA 3:2 - BALA LUK DO'

² Ieh iné' papu' Yésus kareb malem, idi nepebala Neneh, “O Guru, kai kali' Iko ini Guru luk nacing ratnan Allah. Ngaceku na luk idi seburur pana' miak nganau' amung tanu', mepad kudeng luk ianu'Mu, kudeng na Allah idi denganneh.”

YAHYA 3:2 Iomraidhean Croise

RACA'-RACA' LUK PUN-PUN 17:24

Idi kebala decur ineh, “Idi nekini ui kali' namu nabi Allah. Idi bala Tuhan luk bilamu ineh matu peh.”

YESAYA 51:7

“O muyuh luk kali' luk matu idi luk ngerawé bada'Ku, do' ninger balaKu. Aleg matot kareb lemulun ngedat idi situnga nemuyuh.

YEREMIA 38:16

Idi Raca' Sedekia nepejani' ni Yeremia dengan lulem. Kebalaneh, “Ui pebulung dengan ngadan Tuhan luk mulun, idi luk ngulun netau, na ui ngaté namu, idi teh na ui maré namu bang palad lemulun luk sikal ngaté namu.”

MATIUS 22:16

Idi ideh nengecuk anak-anak sekola'deh dengan lun Herodiani teh amé' matun Neneh. Idi kebaladeh Neneh, “Guru, kai kali' Iko seburur lemulun luk matu, idi Iko mada' dalan Allah dengan luk matu, idi na Iko mili' ayu lemulun; ngaceku na Iko ngerawé taga burur lemulun.

MATIUS 23:7

Idi ideh pian buren lemulun déi' kadai, idi ideh sikal ku lemulun neten nedeh, ‘Guru.’

MATIUS 23:8

Aleg muyuh tetanendeh ‘Guru’, ngaceku sebuleng mo' luk Guru muyuh, idi muyuh amung-amung denganak peh.

MARKUS 12:14

Idi ideh iné' matun Yésus, kebaladeh, “O Guru, kai kali' idi Iko seburur lemulun luk matu, luk na mili' ayu lemulun, ngaceku Iko na ngerawé do' lemulun, iamo' dalan Allah badénMu dengan matu. Petuluké kai maré pupuk kuan raca' Rum, kian na lek? Do'ké kai maré, kian na lek?”

YAHYA 1:38

Yésus nelumi, idi nenier nedidueh luk maya' Neneh ineh, idi kebalaNeh nedidueh, “Anunké luk tekapen medueh?” Idi keburi' didueh Neneh, “O Rabi!” (Ilung Rabbi, ieh ineh Guru), “Iapehké inanMu tudo?”

YAHYA 10:38

Iamo' kudeng Ui nganau' ineh, sagan pana' muyuh na manu Negku, na miak na muyuh manu ku kekamenKu pad muyuh kali' do'-do' ratnan Taman ineh idi bang Negku idi Ui pana' bang Neneh.”

YAHYA 12:37

Sagan pana' mula' tanu' inau' Yésus pa kiungdeh, iamo' na ideh manu Neneh;

YAHYA 14:10

Naké iko manu idi Ui ini bang Taman, idi Taman pana' bang Negku? Amung-amung bala luk Ui ini mala kuan muyuh, baken Ui pebala dengan pianKu sebuleng, iamo' Taman ineh luk lutep bang Negku, Ieh luk nganau' amung-amung kekamen ineh.

YAHYA 15:24

Kudeng Ui na nenganau' tuda'-tuda' kekamen luk nateh inau' lun baken arangdeh, idi na ide ideh mesala' iamo' nekini ideh pangeh nenier idi megateh Negku idi inan Taman teh.

YAHYA 2:11

Yésus nenganau' tanu' luk melalud luk pun-pun ini déi' Kana luk bang bawang Galilia; idi Ieh nengegala' rayehNeh déi', pad anak-anak sekola'Neh pana' manu Neneh.

YAHYA 20:16

Kebala Yésus neneh, “Mariam!” Idi Mariam nelumi idi nepebala bang buri' lun Iberani, “Rabbuni!” (Ilungneh “Guru.”)

YAHYA 3:26

Idi ideh iné' ni Yahya idi nepebala neneh, “O Guru iko ngerawé lemulun ineh luk denganmu dipar Abpa' Yarden, luk pangeh bilamu? Ieh ngerereb lemulun nekini idi amung-amung lemulun amé' Neneh.”

YAHYA 4:31

Kareb ineh teh kebala anak-anak sekola' ineh nan Yésus, “O Guru, kuman Iko.”

YAHYA 5:36

Iamo' Ui inan aceh luk nemaré kali' luk meluun rayeh ratnan luk nekali' Yahya ineh. Kekamen luk inau'Ku, luk icuk TamanKu ruenKu, maré kali' ratnan Ui, idi ngegala' ratnan Ui icuk TamanKu.

YAHYA 6:2

Mula lemulun nemaya' Neneh, ngaceku nenier tanu'-tanu' kareb Ieh nengedo' lun mét.

YAHYA 7:31

Iamo' mula' lemulun rat arang lun mula' ineh manu Neneh, idi nepebala, “Kareb Keristus macing, miakké Ieh nganau' tanu' meluun ula' ratnan luk inau' lemulun ini?”

YAHYA 9:16

Idi sebuang lun Parisi ineh nepebala, “Lemulun ini baken ratnan Allah, ngaceku Ieh na maya' ukum Aco luk inan Mudeng.” Idi inan teh lemulun luk pebala, “Kudeng apehké seburur lun mesala' miak nganau' tanu'-tanu' luk kudeng ineh?” Idi ideh pekedaluh arangdeh sebuleng.

KEKAMEN RASUL-RASUL 10:38

Muyuh pangeh neninger ratnan Yésus lun Nasarét ineh, kudeng apeh Allah pangeh nengumau Neneh ku Roh Meligan idi lalud. Ieh nenalan iné' iapeh-iapeh idi nenganau' kekamen luk do', idi nengedo' amung-amung lemulun luk inimet Iblis; ngaceku Allah nengedengan Neneh.

KEKAMEN RASUL-RASUL 2:22

“O lun Israil, ninge muyuh bala ini: Yésus lun Nasarét ineh pangeh imo Allah. Amung ini ginala'Neh kuan muyuh dengan kekamen luk melalud, kekamen luk nan mawa, idi tanu'-tanu' pana' luk inau' Allah dengan ticu' Yésus arang muyuh. Muyuh sebuleng kali' amung ineh.

PILIPI 1:14

Idi mula' kinanak-kinanak teh meluun rapet inan Tuhan ngaceku ratnan ui pangeh kiling, idi amé'-amé' mekuu' mada' bala Allah dengan na matot.

LUN LUK NGUYUT 6:27

Gidion nenguit pulu' burur lun dukenneh. Idi ieh nenganau' luk bila Tuhan kuanneh. Iamo' ngaceku ieh matot nelun bang tetek ruma' tamanneh, idi lun bang bawang ineh, na ieh nenganau' amung ineh kareb macang aco, iamo' kareb medacem.