YAHYA 3:16 - BALA LUK DO'

¹⁶ Ngaceku Allah mawa kuan uang tana' ini, pad Ieh nemaré Anak bulengNeh, idi idé'-idé luk manu Neneh na miak maté, iamo' ieh ngalap ulun luk meruked.

YAHYA 3:16 Iomraidhean Croise

PUDUT 22:12

Idi kebala Melaikat ineh, “Aleg iko ngaté anak ineh, idi aleg nganau' anun-anun kuanneh. Nekini Ui kali' iko matot inan Allah. Ngaceku sagan pana' ieh anak bulengmu, na iko ngibpeng neneh kuanKu.”

PUDUT 22:2

Idi kebala Allah, “Ngalap anak bulengmu, Isak luk inanmu mawa, idi amé' déi' tana' Moria. Idi maré neneh sabpen ku aceh baré kuanKu luun aceh surud luk badénKu namu.”

YESAYA 9:6

Anak ineh tinganak kuan tau, Anak deléi pangeh biré kuan tau! Idi amung-amung lalud uen ngerareng luun tudungNeh. Ieh miak tetanen “Luk Nan Mawa,” “Lun luk ngimet,” “Allah luk Melalud,” “Taman luk Meruked,” idi “Raca' Awang.”

MATIUS 9:13

Iamo' do' muyuh amé' ngelio ilung bala ini, ‘Idi luk pianKu ineh éi', baken pung luk kereten.’ Ngaceku baken Ui macing nawar lemulun luk matu, iamo' lemulun luk mesala'.”

MARKUS 12:6

Idi inan teh seburur, ieh ineh anakneh luk deléi luk inanneh mawa, idi bang luk kekiped ieh nengecuk neneh amé' nelun luk ngacam kabun ineh, ngaceku keburi'neh, ‘Kali' rungen ideh miak ngedita' anakku.’

LUKAS 2:14

“Amung rayeh kuan Allah bang langit luk meluun dita', idi awang luun tana' rat arang lemulun luk inanNeh mawa!”

YAHYA 1:14

Bala ineh pangeh mangun ku lemulun idi netudo arang tau. Tau pangeh nenier rayehNeh luk mepanu' ku katu idi luk matu. Ieh ineh rayeh luk ilapNeh ngaceku Ieh Anak sebuleng Allah Taman.

YAHYA 1:18

Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.

YAHYA 1:29

Kenebpa Yahya nenier Yésus macing neneh, idi keburi'neh, “Siruh, Anak Dumba Allah luk mabeh sala' amung uang tana' ini.

YAHYA 10:28

Ui maré kuandeh ulun luk meruked, idi na tu dumba-dumba ineh miak maté ruked-ruked peh, idi seburur pana' na miak ngaro nedeh rat bang paladKu.

YAHYA 3:15

pad idé-idé luk manu Neneh miak ngalap ulun luk meruked.

YAHYA 3:18

Lemulun luk manu Neneh na miak kumin, iamo' lemulun luk na manu ineh kali' rungen pangeh inukum, ngaceku na ieh manu inan ngadan Anak buleng Allah ineh.

YAHYA 3:36

Lemulun luk manu inan Anak ineh, ieh ngalap ulun luk meruked. Iamo' lemulun luk na maya' bala Anak ineh, ieh na miak kali' ulun, iamo' useh Allah tudo pa luunneh.

YAHYA 6:40

Ngaceku ini pian TamanKu, pad amung-amung luk nier Anak ineh idi manu Neneh miak ngalap ulun luk meruked, idi Ui ini miak nui nedeh kareb aco luk kekiped.”

SURAT LUK BIRE PAULUS KUAN LUN RUM 5:10

Atun tau mangun ku bunu' Allah, idi tau nengalap pedo' denganNeh ngaceku até AnakNeh. Ngaceku tau mangun ku rurum Allah, na miak na tau uen ngulun ngaceku ulun Keristus.

SURAT LUK BIRE PAULUS KUAN LUN RUM 5:8

Iamo' Allah pangeh nengegala' awaNeh kuan tau, ngaceku Keristus naté kuan tau, kareb tau pa liang ukum sala'.

SURAT LUK BIRE PAULUS KUAN LUN RUM 8:32

Ngaceku Allah na nengimet AnakNeh sebuleng, iamo' nemaré Neneh ku peruan tau amung-amung, kali' rungen dengan baré ineh Ieh sikal maré anun-anun pana' luk miak barénNeh kuan tau.

EPESUS 2:4

Iamo' éi' Allah pelaba rayeh, idi awaNeh kuan tau pana' rayeh,

2 TESALONIKA 2:16

Do' Tuhan tau Yésus Keristus sebuleng, idi Allah Taman tau, luk pangeh mawa netau idi nemaré ubuk luk meruked idi rapet luk do' ngaceku ratnan katuNeh,

TITUS 3:4

Iamo' kareb éi' idi awa Allah Lun Nengulun netau pangeh ginala',

IBERANI 2:9

Iamo' tau nier Yésus luk segageh inau' sesuut beneh ratnan melaikat ineh, pad dengan katu Allah Ieh miak maté kuan amung lemulun. Tau nier Neneh nekini dengan pata rayeh idi dita' ngaceku até luk pangeh binabehNeh.

1 YAHYA 3:1

Siruh, kudeng apeh kirayehneh awa Taman luk pangeh biré kuan tau pad amung-amung tau miak tetanen ku anak-anak Allah: idi kali' rungen tau ini anakNeh. Idi ini punneh tana' ini na ngiti netau, ngaceku tana' ini na ngiti Allah.

1 YAHYA 4:19

Tau mawa ngaceku Allah pun-pun mawa netau.

BALA LUK LINIO 1:5

idi ratnan Yésus Keristus, Lun Nekali' luk lutep maya' jani' ineh, ieh ineh Anak luk atun luk tinui rat arang lun naté, idi luk mangun ku raca' pa luun amung-amung raca' bang tana' ini. Ieh mawa netau, idi dengan dara'Neh Ieh nemuit netau ratnan amung-amung sala'tau.