YAHYA 3:15 - BALA LUK DO'

¹⁵ pad idé-idé luk manu Neneh miak ngalap ulun luk meruked.

YAHYA 3:15 Iomraidhean Croise

YESAYA 11:10

Kareb ineh raca' luk mebaruh ratnan inul Daud ineh mangun ku tanu' kuan amung pupu. Ideh miak mepamung bang bawang raca' idi maré ubur Neneh.

YESAYA 45:22

“O Amung pupu luk aput-aput tana', do' lumi amé' Negku idi ngalap ulun! Ui ini mo' luk Allah.

IAP 21:9

Idi Musa nemudut aceh seruang ratnan tekaling idi ieh nenganau' ineh luun paped kayuh luk mekadang. Idi idé luk tinicuk seruang, idi nenier seruang tekaling ineh, idi ieh mulun.

MATIUS 18:10

“Matar do'-do' idi aleg muyuh ngedat sebuleng rat arang anak-anak luk isuut ini; ngaceku Ui pebala nemuyuh, déi' bang surga melaikat-melaikatdeh nier kidi-kidi kiung TamanKu luk bang surga.

MATIUS 25:46

Lemulun ini semuet bang ukum ruked-ruked peh, iamo' lemulun luk matu semuet bang ulun luk meruked.”

MARKUS 16:16

Idé-idé luk manu idi rerebpen miak uen ngulun, iamo' idé-idé luk na manu, ieh luk miak kumin.

LUKAS 19:10

Ngaceku Anak-Lemulun nacing nakap idi ngulun luk neraruh.

YAHYA 1:12

Iamo' kuan lemulun luk nengalap idi manu Neneh, Ieh nemaré lalud pad ideh mangun ku anak-anak Allah.

YAHYA 16:33

Ui nemala amung ini kuan muyuh, pad muyuh mawang niat bang Negku. Bang tana' ini muyuh medereh; iamo' do' muyuh mekuu'. Ui pangeh metueh ratnan tana' ini.”

YAHYA 20:31

Amung-amung ini pangeh inayud, pad muyuh miak manu, idi Yésus ineh Keristus, Anak Allah, pad muyuh luk manu ineh miak ngalap ulun bang ngadanNeh.

YAHYA 3:16

Ngaceku Allah mawa kuan uang tana' ini, pad Ieh nemaré Anak bulengNeh, idi idé'-idé luk manu Neneh na miak maté, iamo' ieh ngalap ulun luk meruked.

YAHYA 3:36

Lemulun luk manu inan Anak ineh, ieh ngalap ulun luk meruked. Iamo' lemulun luk na maya' bala Anak ineh, ieh na miak kali' ulun, iamo' useh Allah tudo pa luunneh.

YAHYA 5:24

“Matu, Ui pebala nemuyuh, lemulun luk ninger balaKu idi manu inan Luk nengecuk Negku, ieh ineh ngalap ulun luk meruked, idi na semuet bang ukum, iamo' ieh pangeh pinuit ratnan até amé' inan ulun.

YAHYA 6:27

Aleg muyuh ngakem ngaceku akan luk melu, iamo' ngaceku akan luk meraben macing inan ulun luk meruked. Akan ineh miak barén Anak-Lemulun nemuyuh ngaceku Allah Taman pangeh nenganau' etuNeh luunNeh pad ngamo Neneh matu.”

YAHYA 6:40

Ngaceku ini pian TamanKu, pad amung-amung luk nier Anak ineh idi manu Neneh miak ngalap ulun luk meruked, idi Ui ini miak nui nedeh kareb aco luk kekiped.”

YAHYA 6:47

Matu, Ui pebala nemuyuh, lemulun luk manu ngalap ulun luk meruked.

KEKAMEN RASUL-RASUL 13:41

‘Siruh, muyuh luk situnga! Do' muyuh mawa idi maté! Ngaceku kekamen luk ruenKu bang kareb muyuh ini, luk na muyuh sikal manu, sagan pana' uen ngelio kuan muyuh.’ ”

KEKAMEN RASUL-RASUL 8:36

Kareb didueh uned maya' dalan ineh, idi didueh nacing inan aceh abpa'. Idi lemulun luk pinani' ineh nepebala, “Ieni inan abpa', anunké luk mebpeng negku na rerebpen?” [

SURAT LUK BIRE PAULUS KUAN LUN RUM 5:21

Mepad kudeng sala' mangun ku raca' bang até, kudeng ineh teh katu Allah miak mangun ku raca' ratnan luk matu macing inan ulun luk meruked, ngaceku Yésus Keristus Tuhan tau.

1 KORINTUS 1:18

Ngaceku bada' ratnan salib ineh mangun ku bacé kuan lemulun luk bang dalan até; iamo' kuan tau luk bang dalan ulun meruked, bada' ineh mangun ku lalud Allah.

2 KORINTUS 4:3

Iamo' kudeng Bala kai luk Do' ineh lininged, idi ieh melinged kuan lemulun luk metutu'.

GALATIA 2:16

Iamo' kai kali' idi lemulun ruen matu ngaceku manu inan Yésus Keristus, baken ngaceku maya' Ukum. Kai pana' pangeh manu inan Keristus Yésus, pad kai ruen matu ngaceku anu kai nan Keristus, baken ngaceku maya' Ukum. Ngaceku seburur pana' nateh luk ruen matu ngaceku maya' Ukum.

GALATIA 2:20

Ui pangeh sinalib dengan Keristus. Idi ulunku ini baken ui teh, iamo' Keristus luk mulun bang negku. Ulunku luk nekini, ieh ineh ulun ratnan anu inan Anak Allah luk pangeh mawa negku idi luk nemaré bururNeh ngaceku ui.

IBERANI 10:39

Iamo' tau ini baken lemulun luk lemubed, pad ngalap ukum até, iamo' lemulun luk manu pad ngalap ulun.

IBERANI 7:25

Idi Ieh melalud ngulun idi ngeligan amung-amung lemulun luk amé' matun Allah lemaba Neneh, ngaceku Ieh megéi' mulun idi mutuh ngaceku ideh.

1 YAHYA 2:25

Idi luk pijani' Keristus kuan tau, ieh ineh ulun luk meruked.

1 YAHYA 5:1

Idé-idé luk manu idi Yésus ineh Keristus, idi lemulun ineh tinganak ratnan Allah, idi idé-idé luk mawa inan Taman, ieh pana' mawa inan anakNeh teh.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.