YAHYA 3:11 - BALA LUK DO'

¹¹ Matu, Ui pebala namu, kai pebala ratnan luk kali' kai, idi kai mada' ratnan luk sinier kai, iamo' na muyuh pian ngalap bala kai ineh.

YAHYA 3:11 Iomraidhean Croise

YESAYA 50:2

“Ngudehké pupuKu na nengor balaKu, kareb Ui iné' ngulun nedeh idi nenawar nedeh? Matuké Ui melaya' pad na miak ngulun nedeh? Dengan sebuleng ecuk Ui miak ngekeket abpa' rayeh, idi ngisu' abpa' mangun ku su luk ali-ali; pad lawid maté ngaceku na abpa';

YESAYA 53:1

Kebala lun mula', “Pawa' lemulun luk miak manu ku luk badén kai? Iamo' kuan lun manu lalud Tuhan megala' bang amung ineh.

YESAYA 55:4

Ui nganau' Neneh ku Lun Nguyut idi ku Lun Ngimet amung pupu pelé Ui ngegala' rayehKu.

YESAYA 65:2

Rat mon Ui megéi' temina' ngikak pupu ini luk nganau' sala' idi maya' piandeh sebuleng dengan metueh niat.

MATIUS 11:27

“TamanKu pangeh nemaré Negku luk amung-amung idi seburur pana' na miti Anak, iamo' Taman mo', idi seburur pana' na miti Taman, iamo' Anak mo', idi teh lemulun luk pinili' Anak, ieh luk miak badénNeh ratnan Allah.

MATIUS 23:37

“O Yerusalim, Yerusalim! Iko ngaté nabi-nabi, idi mitung lemulun luk icuk amé' namu ku batu-batu. Tuda' kua' Ui sikal ngamung anak-anakmu mepad kudeng aceh tineh lal luk ngerukub anak-anakneh liang iladneh, iamo' na muyuh sikal!

LUKAS 10:22

“Luk amung-amung pangeh biré Taman kuanKu, idi seburur pana' na miti Anak ineh, iamo' Taman mo', idi seburur pana' na miti Taman ineh, iamo' Anak mo', idi teh lemulun luk pinili' Anak, ieh luk miak badénNeh ratnan Allah.”

YAHYA 1:11

Ieh nacing inan pupuNeh sebuleng, iamo' pupuNeh ineh na pian ngalap Neneh.

YAHYA 1:18

Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.

YAHYA 12:49

Ngaceku Ui na nepebala maya' pianKu sebuleng, iamo' Taman luk negecuk Negku ineh luk mada' Negku ratnan bala luk belénKu.

YAHYA 14:24

Lemulun luk na mawa Negku, na ieh maya' balaKu. Idi bala luk muyuh ninger ineh baken balaKu, iamo' bala Taman ineh luk nengecuk Negku.

YAHYA 3:12

Muyuh na manu Negku kareb Ui mada' nemuyuh ratnan luk mangun bang tana' ini, kudeng apehké muyuh miak manu kudeng Ui mada' nemuyuh ratnan surga?

YAHYA 3:13

Seburur pana' nateh numak surga, baken ratnan Anak-Lemulun luk pangeh netemurun rat surga.”

YAHYA 3:3

Idi kebala Yésus, “Matu, Ui pebala namu, kudeng selemulun na tinganak baruh, na ieh miak nier Imet Allah.”

YAHYA 3:5

Idi kebala Yésus, “Matu, Ui pebala namu, kudeng selemulun na tinganak ratnan abpa' idi Roh, na ieh miak semuet bang Imet Allah.

YAHYA 5:43

Ui ini macing dengan ngadan TamanKu, iamo' muyuh na ngalap Negku; kudeng selemulun baken macing dengan ngadanneh sebuleng, kali' rungen muyuh ngalap neneh.

YAHYA 7:16

Idi kebala Yésus, “Bada'Ku ineh baken rat Negku, iamo' ratnan Allah luk nengecuk Negku.

YAHYA 8:14

Idi kebala Yésus, “Sagan pana' Ui maré kali' ratnan bururKu sebuleng, matu teh luk nekali'Ku ineh, ngaceku Ui kali' rat iapeh Ui nacing idi iapeh ulekKu, iamo' muyuh ini ka kali' rat iapeh Ui nacing idi iapeh ulekKu.

YAHYA 8:26

Inan mula' luk belénKu idi luk ruenKu mutut ratnan muyuh, iamo' Ieh luk nengecuk Negku matu peh, idi anun luk pindengerKu rat Neneh, ineh teh luk belénKu kuan uang tana' ini.”

YAHYA 8:38

Ui pebala ratnan luk bida' TamanKu Negku, iamo' muyuh pana' nganau' luk bida' taman muyuh nemuyuh.”

KEKAMEN RASUL-RASUL 22:18

Idi ui nekali' Tuhan ineh nepebala negku, ‘Miket remuat rat Yerusalim; ngaceku lemulun bang bawang ini na sikal ninger luk nekali'mu rat Negku'.

2 KORINTUS 4:4

Idi raca' tana' ini pangeh nengebuser mateh niat lemulun luk na manu ineh, pad ideh na miak macang ku acang Bala luk Do' ratnan rasat Keristus, ieh ineh ayun Allah.

BALA LUK LINIO 1:5

idi ratnan Yésus Keristus, Lun Nekali' luk lutep maya' jani' ineh, ieh ineh Anak luk atun luk tinui rat arang lun naté, idi luk mangun ku raca' pa luun amung-amung raca' bang tana' ini. Ieh mawa netau, idi dengan dara'Neh Ieh nemuit netau ratnan amung-amung sala'tau.

BALA LUK LINIO 3:14

“Kuan melaikat sidang luk déi' Laudikia, do' ngayud kudeng ini: “Ini bala rat Neneh luk ngadanNeh Amin, ieh ineh Lun Nekali' luk lutep maya' jani' idi luk matu, idi Luk Pun-pun ratnan amung-amung pudut Allah.