YAHYA 21:7 - BALA LUK DO'

⁷ Idi anak sekola' luk inan Yésus mawa nepebala ni Pétrus, “Ieh ineh Tuhan!” Kareb Simun Pétrus neninger idi Ieh ineh Tuhan, idi ieh nengabet kuyu'neh i awa'neh, ngaceku ieh lungu, idi ieh nubpa bang abpa'.

YAHYA 21:7 Iomraidhean Croise

NANI UBUR 118:23

Ini inau' Tuhan; idi ineh pelaba do' siren tau!

NANI SELIMUN 8:7

Abpa' na miak ngilep neneh, idi ereb na miak nganud neneh. Iamo' kudeng seburur lemulun pian melih awa ku binawehneh, ieh miak ngalap kuyo.

MARKUS 11:3

Kudeng seburur lemulun ngitun nemedueh, ‘Anunké punneh medueh nganau' kudeng ini?’ idi do' medueh mala, ‘Tuhan pian ku ieh,’ idi petacu ieh miak ngecuk nemedueh nguit neneh.”

LUKAS 12:35

“Do' awa' muyuh uen ngabet idi lapung muyuh mebudung;

LUKAS 2:11

Aco sini aceh Lun Ngulun pangeh tinganak kuan muyuh bang bawang Daud, ieh ineh Keristus Tuhan ineh.

LUKAS 7:47

Ngaceku ineh Ui pebala namu, ieh pangeh nengalap do' ratnan sala'neh luk mula' ineh, ngaceku awaneh pelaba rayeh; iamo' kuan lemulun luk pangeh nengalap do' ratnan sala'neh luk sesuut, idi awaneh pana' sesuut teh.”

YAHYA 13:23

Seburur rat arang anak-anak sekola' Yésus, ieh ineh luk inanNeh mawa, netudo iring Yésus.

YAHYA 19:26

Kareb Yésus nenier tinanNeh idi anak sekola' luk inanNeh mawa ineh tuped muneng, idi Ieh nepebala inan tinanNeh, “O Ina', siruh, anakmu!”

YAHYA 20:2

Idi ieh nupun iné' nakap Simun Pétrus, idi anak sekola' luk baken luk inan Yésus mawa, idi nepebala nedidueh, “Lemulun pangeh nengalap Tuhan rat bang tanem, idi na kai kali' iapeh inandeh nengerareng Neneh.”

YAHYA 20:20

Kareb Ieh pangeh nemala kudeng ini, Ieh nemada' ticu'Neh idi sigarangNeh sirendeh. Idi anak-anak sekola' ineh mawang niat kareb ideh nenier Tuhan ineh.

YAHYA 20:28

Idi kebala Tomas Neneh, “O Allah, O Tuhanku!”

YAHYA 21:20

Pétrus nelumi, idi nenier anak sekola' luk ina Yésus mawa maya' pa puetdeh, idi ieh ineh luk iné' muneng nan Yésus kareb irau malem idi nengitun, “Idéké luk miak masui Tuhan?”

YAHYA 21:24

Idi ieh ineh anak sekola' luk maré kali' ratnan amung-amung ini, idi luk pangeh negayud amung-amung ini; idi tau kali' idi luk nekali'neh ineh matu peh.

YAHYA 21:8

Iamo' anak-anak sekola' luk baken nacing dengan alud ineh, ngaceku ideh na mado tu rat tangeb, iamo' limeh ngepulu' depeh mo'. Idi ideh nengeruid rabat luk mepanu' ku lawid ineh.

KEKAMEN RASUL-RASUL 10:36

Muyuh kali' bala luk icing Allah kuan lun pupu Israil, ieh ineh Bala luk Do' ratnan awang luk lemaba Yésus Keristus, ieh ineh luk Tuhan amung lemulun.

KEKAMEN RASUL-RASUL 2:36

“Ngaceku ineh do' amung-amung lun Israil kali' dengan megala' ratnan Allah pangeh nenganau' Yésus luk sinalib muyuh ineh mangun ku Tuhan idi Keristus.”

1 KORINTUS 15:47

Adam luk atun ineh inau' ratnan tana', idi ieh nacing ratnan tana'; Adam luk kedueh ineh nacing rat surga.

2 KORINTUS 5:14

Ngaceku awa Keristus ineh ngegio niat kai, ngaceku ini luk tirawé kai, idi seburur pangeh naté ngaceku amung-amung lemulun, ini punneh amung-amungdeh pangeh naté.

YAKUB 2:1

O kinanak-kinanakku luk manu inan Tuhan tau Yésus Keristus luk rayeh ineh, aleg muyuh mili' lemulun maya' ayudeh.