YAHYA 20:1 - BALA LUK DO'

¹ Pekak uka-uka bang Aco Minggu, ieh ineh kareb medacem teh, idi Mariam Magdalina iné' inan tanem ineh, idi nenier batu ineh pangeh linubid rat munung lubang tanem ineh.

YAHYA 20:1 Iomraidhean Croise

MATIUS 27:56

Idi arangdeh Mariam Magdalina, Mariam luk tinan Yakub idi Yusup, idi tinan anak-anak Sabdi ineh.

MATIUS 27:60

Idi ieh nengerareng neneh bang tanemneh sebuleng luk mebaruh, luk pangeh kinuerneh ratnan batu; idi ieh negelubid aceh batu rayeh nepingakeb munung tanem ineh idi ieh neburo.

MATIUS 27:64

Ngaceku ineh do' Tuan ngecuk lemulun ngeraben tanemNeh pad macing aco luk keteluh, pad anak-anak sekola'Neh na miak amé' mano Neneh, idi pebala nelun Ieh pangeh tumui rat arang uned lun naté. Idi kekipedneh raruh lemulun meluun dat ratnan luk pun-pun.”

MATIUS 27:66

Idi ideh iné' ngeraben tanem ineh, idi nenalit batu tanem ineh idi lun matar ineh pana' nemaya' nedeh.

MATIUS 28:1

Idi pangeh Aco luk inan Mudeng, kareb lélé macing pekak Aco Minggu ineh teh, Mariam Magdalina idi Mariam luk baken teh iné' nier tanem ineh.

MATIUS 28:2

Denak-denak tana' meruyuh; idi aceh melaikat Tuhan rat bang surga iné' ngelubid kakeb tanem ineh, idi netudo luunneh.

MARKUS 15:46

Idi Yusup pana' nemelih kibung luk do' idi nenurun butung Yésus, idi nengelilib neneh ku kibung luk do' ineh. Idi ieh nengerareng neneh bang tanem luk pangeh kinuer ratnan batu. Pangeh ineh ieh nengelubid sebuleng batu nepingakeb munung tanem ineh.

MARKUS 16:9

Pangeh Yésus netumui pekak uka-uka bang aco luk pun-pun bang minggu ineh, idi pun-pun Ieh nesilagan kuan Mariam Magdalina. Ieh pangeh nenala' tudu' ada' rat neneh. Decur-decur ineh iné' matun Pétrus idi lun rurum-rurumneh, idi nengacing bala nedeh ratnan luk pangeh pindengerdeh.

YAHYA 11:38

Idi niat Yésus nesigio teh. Idi Ieh iné' inan tanem. Idi tanem ineh bang lubang batu, idi aceh batu inau' ku kakebneh.

YAHYA 11:41

Idi ideh nengelubid batu ineh. Idi Yésus netengook, kesembayangNeh, “O Ama', Ui maré ubur kuanMu ngaceku Iko neninger balaKu.

YAHYA 19:25

Idi tinan Yésus idi kinanak tinanNeh luk decur, Mariam awan Kliopas, idi Mariam Magdalina netuped iring salib Yésus.

YAHYA 20:26

Pangeh seminggu, idi anak-anak sekola' Yésus nepamung bang ruma' teh, idi Tomas pana' idi dengandeh. Kareb tanga' ruma' ineh initek, idi Yésus nacing netuped arangdeh idi nepebala, “Awang kuan muyuh!”

KEKAMEN RASUL-RASUL 20:7

Kareb aco luk pun-pun bang minggu ineh, idi kai netebubpun nemuri' ruti. Idi Paulus nemada' nelun manu macing tangal dacem, ngaceku ieh sikal nalan maya' kapal kenebpa.

1 KORINTUS 16:2

Anid-anid Aco luk inan Mudeng, do' amung-amung muyuh nganug usin bang ruma'neh sebuleng maya' kinula'neh, pad kareb ui macing na muyuh ngamung usin.

BALA LUK LINIO 1:10

Kareb aco Tuhan ui tigio Roh, idi ui neninger rat pa ketedku aceh uni tang luk rayeh kudeng uni serupit.