YAHYA 2:25 - BALA LUK DO'

²⁵ Na ulekneh seburur pana' mada' Neneh ratnan lemulun, ngaceku Ieh sebuleng kali' amung-amung luk bang niatdeh.

YAHYA 2:25 Iomraidhean Croise

RACA'-RACA' LUK PUN-PUN 8:39

do' Iko ninger sembayangdeh. Ninger putuhdeh rat déi' surga su luk inanMu tudo ineh, idi maré do' ratnan sala'deh, idi nganau' luk petulu. Iko sebuleng kali' terawé amung lemulun. Do' Iko ngua' kuan anid-anid lemulun maya' kekamendeh,

YESAYA 11:3

Ieh mawang niat maya' pian Tuhan. Ieh na mutut ukum maya' luk siren mateh, idi luk pedingeren lalid.

MATIUS 9:4

Yésus nekali' terawédeh, idi kebalaNeh, “Ngudehké muyuh ngerawé luk dat bang niat muyuh?

YAHYA 1:42

Ieh nenguit Simun amé' matun Yésus. Idi Yésus nenier neneh idi nepebala, “Iko ini Simun, anak Yahya, iko miak tetanen Képas.” (Ini mepad kudeng Pétrus, idi ilungneh “Batu.”)

YAHYA 1:47

Kareb Yésus nenier Nataniel macing Neneh, idi Ieh nepebala ratnan ieh, “Siruh, seburur lun Israil luk matu, idi luk na naluk teh!”

YAHYA 13:11

Ngaceku Yésus panegh nekali' idé luk sikal masui Neneh; ineh punneh Ieh nepebala, “Amung muyuh pana' malét, iamo' sebuleng mo' luk na.”)

YAHYA 6:61

Yésus kali' anak-anak sekola'Neh dureng-dureng ratnan bala ini, idi kebalaNeh nedeh, “Muyuh mesabeng ku bala iniké?

YAHYA 6:64

Iamo' inan teh rat arang muyuh tuda'-tuda' lemulun luk na manu.” Ngaceku rat punneh Yésus nekali' idé luk na manu ineh, idi idé luk sikal masui Neneh.

BADA' RATNAN UKUM 31:21

Idi kareb amung dereh idi susa' ineh pangeh mangun kuandeh, idi nani ini miak mangun ku aceh bada' rat Negku kuandeh, ngaceku mupundeh na miak mekelupan ratnan nani ini. Ngaceku Ui kali' luk pian niatdeh aco sini, kareb nateh Ui nenguit nedeh semuet bang bawang luk pangeh pijani'Ku nedeh.”