YAHYA 2:23 - BALA LUK DO'

²³ Kareb Yésus déi' Yerusalim kareb Irau Paska, mula' lemulun manu inan ngadanNeh, ngaceku ideh pangeh nenier amung-amung tanu' luk inau'Neh.

YAHYA 2:23 Iomraidhean Croise

LUKAS 8:13

Idi luk nebpeh luun gura' batu ineh, ieh ineh lemulun luk pangeh neninger, idi nengalap bala dengan mawang niat; iamo' lemulun ineh na uat idi ideh manu segageh mo', idi kareb luk nutun macing, petacu ideh lemubed.

YAHYA 11:45

Mula' lun Yahudi luk iné' ngikak ni Mariam idi luk nenier kekamen Yésus ineh manu neneh.

YAHYA 2:11

Yésus nenganau' tanu' luk melalud luk pun-pun ini déi' Kana luk bang bawang Galilia; idi Ieh nengegala' rayehNeh déi', pad anak-anak sekola'Neh pana' manu Neneh.

YAHYA 2:13

Kareb aco rayeh Irau Paska lun Yahudi pangeh muneng, idi Yésus iné' Yerusalim.

YAHYA 3:2

Ieh iné' papu' Yésus kareb malem, idi nepebala Neneh, “O Guru, kai kali' Iko ini Guru luk nacing ratnan Allah. Ngaceku na luk idi seburur pana' miak nganau' amung tanu', mepad kudeng luk ianu'Mu, kudeng na Allah idi denganneh.”

YAHYA 4:45

Kareb Ieh nacing déi' Galilia, idi Ieh tinawar lun Galilia, ngaceku ideh pangeh iné' ku Irau Paska déi' Yerusalim, idi ideh nenier amung-amung luk inau'Neh kareb irau ineh.

YAHYA 5:36

Iamo' Ui inan aceh luk nemaré kali' luk meluun rayeh ratnan luk nekali' Yahya ineh. Kekamen luk inau'Ku, luk icuk TamanKu ruenKu, maré kali' ratnan Ui, idi ngegala' ratnan Ui icuk TamanKu.

YAHYA 6:14

Kareb lun mula' pangeh nenier tanu' luk inau' Yésus, idi keburi'deh, “Matu Ieh ini nabi luk macing bang tana' ini.”

YAHYA 6:2

Mula lemulun nemaya' Neneh, ngaceku nenier tanu'-tanu' kareb Ieh nengedo' lun mét.

YAHYA 7:31

Iamo' mula' lemulun rat arang lun mula' ineh manu Neneh, idi nepebala, “Kareb Keristus macing, miakké Ieh nganau' tanu' meluun ula' ratnan luk inau' lemulun ini?”

GALATIA 5:6

Ngaceku bang Keristus Yésus, sunat idi na sinunat pana' nateh ulekneh, iamo' luk do', ieh ineh anu luk uen ngegala' bang awa.

1 YAHYA 3:23

Ini ukumNeh, ieh ineh, do' tau manu inan ngadan AnakNeh Yésus Keristus, idi mawa seburur dengan seburur mepad kudeng luk icuk Keristus kuan tau.