YAHYA 2:2 - BALA LUK DO'

² Yésus idi anak-anak sekola'Neh pana' tinawar amé' ku irau paweh ineh.

YAHYA 2:2 Iomraidhean Croise

MATIUS 12:19

Na Ieh sikal pesaad idi ngitang, na Ieh mada' dengan rayeh tang luun anid-anid dalan.

MATIUS 25:40

Idi Raca' ineh sikal ngor, kebalaNeh, ‘Ui pebala nemuyuh, ngaceku muyuh nenganau' kudeng ini kuan seburur kinanakKu lun dat, ieh ineh luk inau' kuanKu teh.’

MATIUS 25:45

Idi Raca' ineh sikal ngor baladeh, keburi'Neh, ‘Setuneh, Ui pebala nemuyuh, ngaceku muyuh na nenganau' kudeng ini kuan seburur kinanakKu lun dat, muyuh na nenganau' kuanKu teh.’

YAHYA 2:12

Muci ratnan ineh Yésus iné' bawang Kapernaum dengan tinanNeh, kinanak-kinanakNeh, idi anak-anak sekola'Neh. Idi ideh netudo déi' tuda'-tuda' aco kinioneh.

YAHYA 2:17

Idi anak-anak sekola'Neh nengerawé ratnan luk pangeh inayud, “Geriguen ngaceku ruma'Mu ngegio niatKu.”

YAHYA 2:22

Kareb Yésus tinui rat arang lun naté, idi anak-anak sekola'Neh nengerawé ratnan luk bilaNeh ineh. Idi ideh manu ku Surat Allah idi bala Yésus pana'.

YAHYA 2:3

Kareb abpa' anggur pangeh mabud, idi tinan Yésus nepebala Neneh, “Abpa' anggurdeh mabud.”

YAHYA 3:22

Pangeh ineh Yésus idi anak-anak sekola' iné déi' tana' Yudia. Idi Ieh netudo dengandeh déi', idi nengerereb lemulun.

YAHYA 4:2

Setuneh baken Yésus sebuleng nengerereb lemulun, iamo' anak-anak sekola'Neh luk nengerereb nedeh.)

YAHYA 4:33

Idi anak-anak sekola' nepebala seburur dengan seburur, “Inanké lemulun nenguit luk kenen kuanNeh?”

YAHYA 4:8

Ngaceku anak-anak sekola'Neh pangeh iné' melih luk kenen déi' bang bawang.)

YAHYA 6:12

Kareb amung-amungdeh mebor, idi Yésus nepebala inan anak-anak sekola'Neh, “Ngamung amung-amung tecehneh, pad sesuut pana' na talan.”

YAHYA 6:16

Kareb lélé malem aco idi anak-anak sekola'Neh iné' déi' takung,

YAHYA 6:60

Mula' Anak sekola'Neh neninger bala ineh kudeng ini, idi kebaladeh, “Mikat kali' ilung bala ini. Idéké luk miak ninger ineh?”

YAHYA 6:66

Ngaceku ineh mula' anak sekola'Neh nelemubed, idi na nemaya' Neneh teh.

YAHYA 6:67

Idi kebala Yésus nan pulu' dueh anak sekola'Neh ineh, “Inanké muyuh pian necan Negku?”

YAHYA 6:70

Idi kebala Yésus nedeh, “Bakenké Ui nemili' nemuyuh luk pulu' dueh burur ini? Iamo' inan seburur rat arang muyuh luk mangun ku sétan.”

YAHYA 6:71

Ieh nepebala ratnan Yudas, anak Simun Iskariot; ngaceku ieh luk sikal masui Yésus, idi ieh pana' seburur rat arang pulu' dueh anak sekola' ineh.

YAHYA 6:8

Idi seburur rat arang anak-anak sekola' ineh, ieh ineh Andrias, kinanak Simun Pétrus, nepebala Neneh,

YAHYA 7:3

Idi kebala kinanak-kinanakNeh Neneh, “Nalan rat ieni, idi amé' tana' Yudia, pad anak-anak sekola'Mu miak nier amung-amung kekamen luk ruenMu.

KEKAMEN RASUL-RASUL 11:26

Kareb ieh nepapu' neneh idi ieh nenguit neneh iné' déi' Antiokia. Idi ruked selak didueh ineh netebubpun dengan sidang, idi nemada' mula' lemulun. Idi déi' Antiokia anak-anak sekola' pun-pun titen lun Kristen.

KEKAMEN RASUL-RASUL 11:29

Idi anak-anak sekola' ineh pana' neperurum sikal maré luk baréndeh kuan amung-amung kinanakdeh luk déi' bawang Yudia maya' kinula' binawehdeh.

1 KORINTUS 10:31

Anun-anun luk ruen muyuh, do' kuman idi ngirup pana', do' muyuh nganau' amung ineh pad ngerayeh Allah.

1 KORINTUS 7:39

Idi decur luk inan awan inabet kuan deléineh kareb awanneh ineh mulun; iamo' kudeng awanneh maté, idi ieh mepuit pad miak paweh dengan idé-idé luk pianneh, iamo' bang Tuhan mo'.

KOLOSE 3:17

Anun-anun luk ruen muyuh idi luk belén muyuh do' amung ineh ruen dengan ngadan Tuhan Yésus, idi maré ubur kuan Allah Taman tau bang ngadan Yésus.

IBERANI 13:4

Idi ratnan paweh, do' ieh buren arang amung-amung lemulun, idi luk inan rudap na mangun melutak; ngaceku lemulun luk mesawa' idi lemulun luk pasét miak kumin Allah.

BALA LUK LINIO 3:20

Siruh, Ui tuped munung tanga' idi nateg; kudeng idé luk ninger balaKu idi ngukab tanga', idi Ui miak semuet bang neneh, idi kuman denganneh, pad ieh pana' denganKu.