YAHYA 2:19 - BALA LUK DO'

¹⁹ Idi kebala Yésus, “Ngusag Ruma' Allah ini, idi Ui sikal mudut neneh teh bang teluh aco kinioneh.”

YAHYA 2:19 Iomraidhean Croise

MATIUS 12:40

Ngaceku mepad kudeng Yunus netudo teluh aco idi teluh dacem kinioneh bang batek lawid rayeh, kudeng ineh teh Anak-Lemulun miak tudo bang lubang tana' teluh aco idi teluh dacem kinioneh.

MATIUS 16:21

Rat kareb ineh, Yésus nengimun mada' kuan anak-anak sekola'Neh, kebalaNeh, “Na miak na Ui amé' déi' Yerusalim, idi mabeh mula' dereh ratnan lun rayeh, idi ratnan imam-imam rayeh idi guru-guru Ukum, pad Ui pitayen teh, idi aco luk keteluh Ui miak tuyen teh.”

MATIUS 27:40

Keburi'deh, “Neh! Iko luk ngusag Ruma' Allah idi mudut neneh teh bang teluh aco mo' kinioneh, do' ngulun bururMu sebuleng. Kudeng matu Iko Anak Allah, temurun ratnan salib ineh.”

MATIUS 27:63

keburi'deh, “O Tuan, kai ngerawé bala lun naluk ineh kareb Ieh mulun, keburi'Neh, ‘Pangeh teluh aco idi Ui sikal tumui teh.’

MARKUS 14:58

“Kai pangeh neninger lemulun ini pebala, ‘Ui sikal ngusag Ruma' Allah ini, luk pinudut lemulun, idi bang teluh aco Ui miak mudut Ruma' Allah luk baken ruen lemulun.’ ”

MARKUS 15:29

Lemulun luk lemaba nenguyo Neneh idi uluhdeh tuka'-tuka', keburi'deh, “Neh! Iko luk ngusag Ruma' Allah idi mudut neneh bang teluh aco kinioneh!

MARKUS 8:31

Idi Yésus nengimun mada' anak-anak sekola'Neh: “Na miak na Anak-Lemulun mabeh mula' dereh, pad Ieh talan lun rayeh-rayeh, imam-imam rayeh, idi guru-guru Ukum teh. Ieh miak pitayendeh, idi pangeh teluh aco, Ieh miak tumui teh.”

YAHYA 11:25

Idi kebala Yésus ni Marta, “Ui ini Tui ratnan até idi Ulun. Idé-idé luk manu Negku, sagan pana' pangeh naté, ieh miak mulun teh;

YAHYA 5:19

Idi kebala Yésus, “Matu, Ui pebala nemuyuh, Anak ineh na miak nganau' anun-anun luk maya' pianNeh sebuleng, iamo' Ieh nier luk ruen Taman ineh. Anun-anun luk inau' Taman, ineh teh luk ruen Anak ineh.

KEKAMEN RASUL-RASUL 2:24

Idi Yésus ineh tinui Allah idi pinuitNeh ratnan dereh até, ngaceku até na miak ngimet Neneh.

KEKAMEN RASUL-RASUL 2:32

Idi Yésus ini luk tinui Allah ratnan até, idi amung tau mangun ku lun nekali' Neneh.

KEKAMEN RASUL-RASUL 3:15

Idi muyuh nengaté Lawa Ulun, iamo' Allah nenui Neneh rat arang lun naté, idi kai mangun ku lun nekali' ratnan amung ineh.

KEKAMEN RASUL-RASUL 3:26

Idi Allah pangeh nengikit DemulunNeh, idi Ieh nengecuk Neneh amé' nemuyuh atun, pad ngeperuan nemuyuh idi nguit anid-anid burur muyuh uren ratnan kekamen muyuh luk dat.”

KEKAMEN RASUL-RASUL 6:14

Kai neninger neneh pebala, idi Yésus lun Nasarét ineh sikal ngusag Ruma' Allah idi ngisu' adat luk biré Musa netau.”

SURAT LUK BIRE PAULUS KUAN LUN RUM 4:24

iamo' kuan tau pana', pad miak uen ngiap kuan tau luk manu nan Allah, luk pangeh nenui Yésus Tuhan tau, rat arang lun naté.

SURAT LUK BIRE PAULUS KUAN LUN RUM 6:4

Dengan rereb ineh tau tinanem dengan Keristus bang atéNeh, idi mepad kudeng Keristus pangeh netumui rat arang lun naté ngaceku rayeh TamanNeh, kudeng ineh teh tau ini pana' miak mulun bang ulun luk mebaruh.

SURAT LUK BIRE PAULUS KUAN LUN RUM 8:11

Iamo' kudeng RohNeh luk nenui Yésus rat arang lun naté ineh tudo bang burur muyuh, idi Ieh ineh luk nenui Keristus Yésus rat arang lun naté ineh miak ngulun burur muyuh luk maté ineh pana', dengan RohNeh luk tudo bang burur muyuh.

1 KORINTUS 15:12

Kudeng kai mada' ratnan Keristus pangeh tinui rat arang lun naté, kudeng apehké sebuang muyuh pebala na luk idi tui ratnan até?

KOLOSE 2:12

Kareb muyuh rireb, muyuh tinanem dengan Keristus, idi bang rereb ineh teh muyuh pangeh tinui teh dengan Keristus, ngaceku manu inan lalud Allah luk nenui Neneh rat arang lun naté ineh.

1 PETRUS 3:18

Ngaceku Keristus pana' pangeh nengalap dereh maté ngaceku sala' lemulun, ieh ineh Lemulun luk Matu ngaceku lemulun luk na matu, pad Ieh nguit netau amé' matun Allah; sagan pana' bururNeh pinaté, iamo' mulun bang roh;