YAHYA 2:10 - BALA LUK DO'

¹⁰ idi keburi'neh neneh, “Anid-anid lemulun pekalai maré abpa' anggur luk do' atun, idi kareb lemulun pangeh musam ngirup, idi ieh maré luk na do' tu; iamo' iko nenganug abpa' anggur luk meluun do' macing nekini!”

YAHYA 2:10 Iomraidhean Croise

PUDUT 43:34

Idi ideh nengiding babpat Yusup rat pa kiungneh amé' pa kiung kinanak-kinanakneh, iamo' babpat Beniamin ineh limeh kua' ula'neh ratnan babpatdeh luk baken. Idi ideh nengirup idi mawang niat pad-pad dengan Yusup.

NANI UBUR 104:15

idi maré abpa' anggur idi umau saitun, luk nganau' neneh mawang niat, idi nuba' luk ngetueh bururneh.

NANI SELIMUN 5:1

O awa luk awanku, ui pangeh iné' bang kabunku. Ui ngamung murku idi kayuh luk do' buen; ui kuman duru' tebikan, idi ngirup abpa' anggur idi rata sapi'. Do' medueh kuman idi ngirup pad macing medueh mabuk ku awa!

MATIUS 24:49

idi ieh ngimun mebal lun denganneh, idi ieh kuman idi ngirup dengan lun mabuk.

LUKAS 12:45

Iamo' kudeng demulun ineh pebala bang niatneh, ‘Tuanku mio macing,’ idi ieh ngimun mebal demulun deléi idi decur pana', idi kuman idi ngirup macing mabuk,

LUKAS 16:25

Iamo' kebala Ibrahim, ‘O anakku, do' ngerawé, iko pangeh nengalap luk do' kareb iko mulun, idi Lasarus ini nengalap dereh; iamo' nekini ieh inubuk peh, iamo' iko pidereh peh.

KEKAMEN RASUL-RASUL 2:15

Lemulun ini na mabuk, kudeng terawé muyuh, ngaceku nekini tangal mudik aco mo'.

1 KORINTUS 11:21

Ngaceku bang irau ineh anid-anid burur singaro kuman luk kenenneh sebuleng, pad inan luk melau idi inan luk mabuk teh.

EPESUS 5:18

Aleg muyuh mabuk ku arak luk ngusag ulun muyuh, iamo' do' muyuh mepanu' ku Roh.

1 TESALONIKA 5:7

Lemulun rudap kareb medacem, idi lemulun mabuk kareb medacem teh.

BALA LUK LINIO 17:2

Raca'-raca' bang tana' ini pangeh nepasét neneh, idi amung-amung uang tana' pana' mabuk ku abpa' anggur sawa'neh ineh.”

BALA LUK LINIO 17:6

Idi ui nenier decur ineh mabuk ku dara' amung-amung lun manu idi dara' amung-amung lun nekali' Yésus ineh. Kareb ui nenier neneh ui pelaba awa.