YAHYA 19:4 - BALA LUK DO'

⁴ Idi Pilatus neremuat idi nepebala nedeh, “Siruh, ui nguit Neneh kuan muyuh, pad muyuh kali' negku na kali' anun punneh ui ngukum Neneh.”

YAHYA 19:4 Iomraidhean Croise

MATIUS 27:19

Laba' Pilatus tudo bang ruma' besara', awanneh nengecuk mada' neneh, keburi'neh, “Aleg iko nganau' anun-anun pana' kuan lemulun luk matu ini; ngaceku aco sini pelaba susa' niatku ku nupiku Neneh.”

MATIUS 27:24

Kareb Pilatus nekali' balaneh na ulek, iamo' mangun meluun mula' ria', idi ieh nengalap abpa' idi nemaru' paladneh pa kiung lun mula' ineh, kebalaneh, “Ui meligan ratnan dara' lemulun luk matu ini! Muyuh sebuleng mabeh dara'Neh.”

MATIUS 27:4

Keburi'neh, “Ui mesala' ngaceku ui nemasui dara' aceh lemulun luk na mesala'!” Iamo' keburi'deh, “Mekudeh ieh? Baken kai, iamo' iko luk mabeh ini.”

MATIUS 27:54

Idi kareb lun rayeh lun pebunu' idi lemulun luk tudo denganneh matar Yésus nekali' tana' meruyuh, dengan amung-amung luk pangeh mangun, ideh pelaba tot, idi keburi'deh, “Matu, Ieh Anak Allah.”

LUKAS 23:4

Idi kebala Pilatus kuan imam-imam rayeh idi lun mula' ineh teh, “Ui kali' lemulun ini na sala' anun-anun pana'!”

LUKAS 23:41

Kiteh kali' rungen inukum dengan matu, ngaceku kiteh ngalap ua' luk petulu dengan kekamen kiteh; iamo' lemulun ini sebuleng pana' nateh sala'Neh.”

LUKAS 23:47

Kareb lun rayeh lun pebunu' nenier luk mangun ineh, idi ieh pana' nengerayeh Allah, keburi'neh, “Matu lemulun ini seburur lemulun luk matu.”

YAHYA 18:33

Pangeh Pilatus nesemuet bang ruma' Lun luk Ngimet Ukum ineh, idi ieh nenawar Yésus, idi ieh nengitun, “Ikoké Raca' lun Yahudi?”

YAHYA 18:38

Idi keburi' Pilatus Neneh, “Anunké luk matu ineh?” Idi Pilatus neremuat iné' nelun Yahudi, idi keburi'neh nedeh, “Ui na kali' anun punneh ui ngukum Neneh.

YAHYA 19:6

Kareb imam-imam rayeh idi lun pulis pana' nenier Neneh, idi ideh nengitang, keburi'deh, “Nalib Neneh, nalib Neneh!” Idi keburi' Pilatus nedeh, “Do' muyuh ngalap Neneh, idi nalib Neneh! Ngaceku na ui kali' anun punneh ui ngukum Neneh.”

2 KORINTUS 5:21

Keristus na mesala', iamo' Allah nenganau' Neneh mangun ku sala' ngaceku tau, pad tau ini ruen Allah matu bang Keristus ineh.

IBERANI 7:26

Yésus ineh Imam Rayeh luk miak ngedengan netau. Ieh ineh meligan, idi na mesala'; Ieh pitad ratnan lemulun luk mesala', idi inau' medita' ratnan amung-amung langit.

1 PETRUS 1:19

iamo' dengan dara' luk meligan, luk mepad kudeng dara' anak dumba luk na melutak idi na mesala', ieh ineh dara' Keristus.

1 PETRUS 2:22

Ieh na nenganau' sala'. Seburur lemulun pana' na neninger balih remuat rat bang tangNeh.

1 PETRUS 3:18

Ngaceku Keristus pana' pangeh nengalap dereh maté ngaceku sala' lemulun, ieh ineh Lemulun luk Matu ngaceku lemulun luk na matu, pad Ieh nguit netau amé' matun Allah; sagan pana' bururNeh pinaté, iamo' mulun bang roh;

1 YAHYA 3:5

Muyuh kali' Keristus ineh pangeh ginala' pad Ieh ngiu' amung-amung sala' idi bang Neneh ineh na luk idi sala'.