YAHYA 19:11 - BALA LUK DO'

¹¹ Idi kebala Yésus neneh, “Iko na melalud pa luunKu, kudeng na biré namu ratnan Allah. Ngaceku ineh lemulun luk nemaré Negku kuanmu meluun rayeh sala'.”

YAHYA 19:11 Iomraidhean Croise

INUL LUK PUN-PUN 29:11

KuanMu O Tuhan, amung rayeh, amung lalud, amung ubur, idi amung tueh, idi amung dita'. Idi amung-amung luk déi' langit idi luk luun tana' Iko mo' luk kuan, O Tuhan luk kuan amung imet, ngaceku Iko mo' luk rayeh pa luun amung-amung.

NANI UBUR 39:9

Ui miak ungeng, idi na pebala anun-anun, ngaceku ini tau'Mu negku.

NANI UBUR 62:11

Allah pangeh nepebala sekua' mo'; iamo' ui neninger bala ineh dueh kua', idi lalud ineh Alah kuan,

TIDO YEREMIA 3:37

Pian Tuhan mo' sebuleng miak mangun.

DANIEL 4:17

Ini luk pinutut melaikat-melaikat luk megéi' matar. Do' ngegala' kuan lemulun luk aput-aput tana' ratnan Allah luk Meluun Rayeh luk melalud ratnan amung-amung imet lemulun luk bang tana' ini. Ieh miak ngikit idé-idé luk pianNeh mangun ku raca' — sagan pana' ieh lemulun luk meluun isuut.’

DANIEL 4:25

Iko miak uen ngusu rat arang lemulun, idi iko miak tudo dengan pung luk meliput. Idi iko miak kuman uduh mepad kudeng sapi', idi rudap déi' liang, idi ipup miak mebpeh luunmu kinio tudu' lak. Pangeh ineh iko miak kali' Allah luk Meluun rayeh luk kuan amung imet lemulun bang tana' ini, idi Ieh miak ngikit idé-idé luk pianNeh mangun ku raca'.

DANIEL 4:32

Iko miak uen ngusu rat arang lemulun, idi iko miak tudo dengan pung luk meliput. Iko miak kuman uduh mepad kudeng sapi' kinio tudu' lak. Idi pangeh ineh iko miak kali' idi Allah luk Meluun Rayeh luk kuan amung imet lemulun luk bang tana' ini. Idi Ieh miak ngikit idé-idé luk pianNeh mangun ku raca'.”

DANIEL 4:35

Kudeng lemulun bang tana' ini uen maad dengan Allah, ideh na anun-anun. Amung melaikat luk déi' Surga idi lemulun bang tana' ini pa liang imetNeh. Seburur pana' na miak ngeluun luk pianNeh, idi ngitun Neneh ratnan luk ruenNeh.

DANIEL 5:21

Ieh inusu rat arang lemulun, idi terawéneh nisu' mepad kudeng terawé pung. Ieh tudo dengan keladai luk meliput, idi ieh nekuman uduh mepad kudeng sapi', idi ieh rudap déi' liang, idi ipup nebpeh luun bururneh. Kekipedneh ieh kali' idi Allah luk Meluun Rayeh luk kuan amung imet luk bang tana' ini, idi Ieh ngikit idé-idé luk pianNeh mangun ku raca'.

MATIUS 26:65

Idi Imam Rayeh nenarak ayungneh, keburi'neh, “Ieh pangeh nenguyo! Anunké ulekneh lun nekali' kuan tau teh? Nekini muyuh pangeh neninger kuyoNeh.

MATIUS 27:2

Idi ideh nengaling Neneh, idi nenguit Neneh idi nemaré Neneh kuan Pilatus, luk ngimet bawang ineh.

MATIUS 6:13

Aleg nima' nekai tetunin Iblis, iamo' muit nekai ratnan laludneh.’ [Iko luk kuan Imet, idi lalud idi rayeh, macing ruked-ruked peh, Amin.]

MARKUS 14:44

Idi lemulun luk nemasui Yésus ineh pangeh nemaré tanu' kuandeh, keburi'neh, “Lemulun luk ui muen, Ieh ineh Yésus. Do' muyuh ngakem Neneh idi matar Neneh do'-do'.”

LUKAS 22:53

Anid-anid aco Ui idi arang muyuh bang Ruma' Allah, idi nateh muyuh pian ngakem Negku, iamo' ini karebneh muyuh ngakem kareb lalud dacem ngimet.”

YAHYA 18:13

idi nenguit Neneh pun-pun amé' matun Annas, ieh ineh iban Kayapas, luk mangun ku Imam Rayeh bang lak ineh.

YAHYA 18:3

Ngaceku ineh Yudas nenguit sebuang bunu' dengan lun pulis ratnan imam-imam rayeh idi lun Parisi, idi nacing déi' dengan lapung, sesakan, idi pelapet.

YAHYA 19:10

Idi keburi' Pilatus Neneh, “Naké Iko sikal pebala negku? Naké Iko kali' ui melalud muit Namu, idi melalud nalib Namu?”

YAHYA 3:27

Iamo' kebala Yahya, “Seburur pana' na miak ngalap anun-anun kudeng na barén Allah neneh.

YAHYA 7:30

Di lun rayeh lun Yahudi nenakap dalan sikal ngakem Neneh, iamo' seburur pana' na mekuu' ngakem Neneh, ngaceku tarekNeh nateh nacing.

YAHYA 9:41

Idi kebala Yésus nedeh, “Kudeng muyuh mebuser, na muyuh mesala', iamo' ngaceku muyuh pebala, ‘Kai nier,’ sala' muyuh ineh idi teh.

KEKAMEN RASUL-RASUL 2:23

Allah, maya' pian idi ilehNeh sebuleng, pangeh nemutut ratnan Yésus barén bang palad muyuh. Idi muyuh nengaté Neneh kareb muyuh nenima' lemulun luk dat nalib Neneh.

KEKAMEN RASUL-RASUL 3:13

Ngaceku Tuhan Ibrahim, Isak, idi Yakub, ieh ineh Tuhan tepun tau, nengerayeh DemulunNeh Yésus luk biré bang palad lun rayeh muyuh idi luk tila' muyuh pa kiung Pilatus kareb ieh sikal muit Neneh.

KEKAMEN RASUL-RASUL 4:28

Ideh nepamung nganau' amung-amung luk Iko pangeh nengeletep maya' lalud idi pianMu.

SURAT LUK BIRE PAULUS KUAN LUN RUM 11:36

Ngaceku luk amung-amung pangeh pinudutNeh. Idi luk amung-amung mangun rat Neneh idi kuanNeh. Ngubur Neneh macing ruked-ruked! Amin.

SURAT LUK BIRE PAULUS KUAN LUN RUM 13:1

Do' anid-anid lemulun maya' ukum lun luk ngimet bawang. Ngaceku na luk idi lalud luk na biré Allah mo'. Idi amung-amung lalud ineh pangeh litep Allah.

YAKUB 1:17

Anid-anid baré luk do' idi anid-anid katu luk meriput ineh macing rat surga idi temurun ratnan Taman, lawa amung-amung acang. Idi Ieh luk na miak misu' idi lungung-lungung luk medacem pana' na.

YAKUB 4:17

Ngaceku ineh, kudeng lemulun kali' nganau' luk do', iamo' na ieh nganau' luk kudeng ineh, idi ini mangun ku sala' kuanneh.