YAHYA 18:11 - BALA LUK DO'

¹¹ Kebala Yésus ni Pétrus, “Do' ngusong pelapetmu bang binanneh. Naké Ui miak ngirup ratnan sangkir luk biré Taman kuanKu?”

YAHYA 18:11 Iomraidhean Croise

SEMUIL LUK KEDUEH 16:10

Iamo' kebala raca' ni Abisai, “Na ini kekamenmu. Nima' neneh ngediman negku. Kudeng ieh icuk Tuhan, idéké miak ngitun, ‘Ngudeh iko nganau' kudeng ineh?’ ”

NANI UBUR 75:8

Bang palad Tuhan inan sangkir luk panu' ku abpa' anggur luk megalih. Ieh nguad ineh rupen amung lemulun luk dat, pad macing mabud.

YEHISKIEL 23:31

Iko nemaya' lawé kinanakmu, ngaceku ineh Ui ngukum namu mepad kudeng Ui nengukum kinanakmu ineh.”

MATIUS 20:22

Iamo' kebala Yésus nan dueh anak Sabdi ineh, “Na medueh kali' luk pituen medueh. Miakké medueh ngirup ratnan sangkir luk rupenKu?” Idi keburi' didueh Neneh, “Miak.”

MATIUS 26:39

Idi Ieh nenalan pa atun sesuut, idi Ieh netekeradung idi sembayang, kesembayangNeh, “O Ama', kudeng miak, do' sangkir ini labén Negku; iamo' baken maya' pianKu, iamo' maya' pianMu.”

MATIUS 26:42

Idi sekua' teh Ieh iné' sembayang, kesembayangNeh, “O Ama', kudeng sangkir ini na miak buro pad Ui ngirup ineh, aganeh pianMu miak mangun.”

LUKAS 12:30

Ngaceku amung-amung ini tikap lun luk manu bang tana' ini, iamo' Taman muyuh meluun kali' ratnan amung-amung ini inan ulek kuan muyuh.

LUKAS 22:42

kesembayangNeh, “O Ama', kudeng petulu dengan pianMu, ngatad sangkir ini rat Negku, iamo' baken pianKu, iamo' pinianMu mo' miak mangun.”

YAHYA 15:10

Kudeng muyuh maya' ukum-ukumKu, kali' rungen muyuh miak lutep bang awaKu, mepad kudeng Ui pangeh nemaya' ukum-ukum TamanKu, idi nelutep bang awaNeh.

YAHYA 17:24

“O Ama', pianKu idi lemulun luk pangeh biréMu Negku ineh idi denganKu iapeh-iapeh luk inanKu, pad ideh miak nier rayehKu luk pangeh biréMu Negku, ngaceku Iko pangeh mawa Negku atun ratnan tana' ini pinudut.

YAHYA 18:36

Idi kebala Yésus, “ImetKu ineh baken ratnan tana' ini. Kudeng ImetKu ratnan tana' ini, kali' rungen demulun-demulunKu miak pebunu' pad Ui na barén kuan lun Yahudi. Iamo' ImetKu ineh baken ratnan tana' ini!”

YAHYA 20:17

Idi kebala Yésus neneh, “Aleg iko ngakem Negku, ngaceku nateh Ui numak iné' inan TamanKu, iamo' amé' iko inan amung-amung kinanakKu, idi mala kuandeh, ‘Ui umak amé' inan TamanKu idi Taman muyuh, idi inan TuhanKu idi Tuhan muyuh.’ ”

2 KORINTUS 10:4

Ngaceku ayung pebunu' kai ini baken maya' ayu tana', iamo' maya' lalud Allah pad ngusag libung-libung luk meraben.

2 KORINTUS 6:7

ratnan bada' kai luk matu, idi ratnan lalud Allah. Luk matu mangun ku repapeh kai kareb pebunu', idi ku matar burur kai.

IBERANI 12:2

Do' tau nier Yésus, luk nenganau' idi luk neriput anu tau. Ieh pana' ngaceku awang luk litep kuanNeh pangeh netuman ratnan dereh salib, dengan na ngerawé igu'Neh, idi Ieh tudo pa tinueh kerusi Allah.