YAHYA 18:1 - BALA LUK DO'

¹ Pangeh Yésus nesembayang kudeng ineh, idi Ieh nenalan dengan anak-anak sekola'Neh iné' déi' dipar Arur Kidron, su luk inan aceh kabun. Yésus iné' bang kabun ineh dengan anak-anak sekola'Neh.

YAHYA 18:1 Iomraidhean Croise

PUDUT 2:15

Idi Tuhan Allah nengalap lemulun ineh idi nenganau' neneh bang Kabun Eden ineh, pad ieh miak ngasa' idi ngimet ineh.

PUDUT 3:23

Idi Tuhan Allah nengecuk neneh remuat rat bang Kabun Eden, pelé ieh luk pinudut ratnan tana miak ngasa' tana' teh.

SEMUIL LUK KEDUEH 15:23

Idi amung lun bang bawang luk libadeh ineh nangi'. Idi Raca' Daud neguta Abpa' Kidron. Idi amungdeh ineh pana' guta idi nemaya' dalan amé' su luk ali-ali.

RACA'-RACA' LUK PUN-PUN 15:13

pad tepunneh Maka pana' tila' ratnan kekamen tinan raca', ngaceku ieh pangeh nenganau' aceh akang Asera luk ngacing igu'. Idi Asa nenabpa akang ineh, idi nengeseb neneh tangeb Abpa' Kidron.

RACA'-RACA' LUK PUN-PUN 2:37

Kudeng iko remuat rat déi' idi guta Abpa' Kidron, kali' rungen iko maté. Idi iko mabeh atému sebuleng.”

RACA'-RACA' LUK KEDUEH 23:12

Idi amung bubpun luk luun apo takep Akas, luk pinudut raca'-raca' Yahuda, idi amung bubpun luk pangeh inau' Raca' Manasé luun dueh natad Ruma' Allah ineh pana' tibpa raca', idi binila'neh areg-areg. Idi ieh nengisak abuhneh déi' bang Arur Kidron.

RACA'-RACA' LUK KEDUEH 23:4

Idi Yosia nengecuk ni Hilkia, Imam Rayeh ineh, idi amung imam baken dengan amung lun luk nginita tanga' ngeruat amung repapeh luk pangeh inau' kuan Baal, akang Asera, idi gituen pana', rat bang Ruma' Allah. Idi raca' nengeseb amung ineh bal selipa Yerusalim déi' Ruan Kidron. Idi abuhneh inuit iné' Baitel.

RACA'-RACA' LUK KEDUEH 23:6

Idi teh ieh nemubuh akang Asera rat bang Ruma' Allah amé' bal alad bawang Yersalim macing Arur Kidron, idi ieh nengeseb akang ineh. Idi ieh nemila' neneh areb-areg. Idi ieh nengisak abuhneh luun tanem lun masi'.

INUL LUK KEDUEH 15:16

Idi Maka pana' tinan Raca' Asa ineh tila'neh ratnan kekamenneh ngaceku ieh pangeh nenganau' aceh akang luk dat kuan Asera. Idi Asa nengusag akang luk dat ineh idi nengeseb neneh tangeb Abpa' Kidron.

INUL LUK KEDUEH 29:16

Idi imam-imam nesemuet bang Ruma' Allah pian ngeligan ineh. Idi ideh nenguit remuat amung luk melutak luk nekali' deh bang Ruma' Allah iné' luun natad. Idi rat ieneh lun Liwi nenguit amung ineh iné' Arur Kidron.

INUL LUK KEDUEH 30:14

Idi ideh nengusag amung bubpun su luk inan ngeseb umau luk do' buen ineh luk déi' Yerusalim. Idi amung ineh pipetdeh bang Abpa' Kidron.

NEHEMIA 2:15

Idi malem ineh teh ui nemaya' ruan idi nenier libung ineh. Pangeh ineh idi ui nelemubed maya' Tanga' Ruan ineh.

YEREMIA 31:40

Aput ruan ineh, su luk inan muyuh nganau' butung idi arap, idi amung tana' luk pa luun Arur Kidron macing Tanga' Kuda luk pa busat aco, miak mangun meligan kuanKu, ieh ineh Tuhan. Bawang ineh na tu-tu mekusag peh.”

UKUM 2:6

Do' ngareg ineh idi ngelusi ineh ku umau pad ineh mangun ku aceh baré akan.

MATIUS 26:30

Idi pangeh ideh menani aceh nani, idi ideh neremuat idi iné' déi' Pegkung Saitun.

MATIUS 26:36

Pangeh ineh Yésus nemaya' anak sekola'Neh macing su luk ngadanneh Getsémani, idi kebalaNeh nedeh, “Do' muyuh tudo ieni laba' Ui amé' sembayang pa déi'.”

MARKUS 14:26

Idi ideh menani aceh nani, idi ideh iné' déi' Pegkung Saitun.

MARKUS 14:32

Kareb ideh nacing su luk titen Getsémani, idi Yésus nepebala kuan anak-anak sekola'Neh, “Tudo muyuh ieni laba' Ui amé' sembayang.”

MARKUS 14:42

Tumui muyuh, do' tau nalan. Siruh, lemulun luk masui Negku pangeh nacing!”

YAHYA 14:31

Ui nganau' teh mepad kudeng luk icuk Taman kuanKu, pad uang tana' ini miak kali' idi Ui mawa inan Taman. “Tumui muyuh, do' tau nalan rat ieni.

YAHYA 18:26

Idi seburur rat arang demulun Imam Rayeh, luk dingkanid dengan lemulun luk tirad Pétrus lalid ineh, nepebala, “Naké ui nenier namu bang kabun denganNeh?”

KEKAMEN RASUL-RASUL 21:11

Ieh iné' matun nekai; idi ieh nengalap abet awa' Paulus, idi nengabet kukud idi ticu'neh sebuleng, keburi'neh, “Kudeng ini bala Roh Meligan, ‘Lun luk kuan abet awa' ini miak betin lun Yahudi déi' Yerusalim, idi ieh baréndeh bang palad lun pupu baken.’ ”