YAHYA 17:9 - BALA LUK DO'

⁹ “Ui ini mutuh kuandeh, Na Ui mutuh kuan uang tana' ini, iamo' kuan lemulun luk biréMu Negku, ngaceku ideh kuanMu.

YAHYA 17:9 Iomraidhean Croise

LUKAS 22:32

Iamo' Ui pangeh nesembayang kuanmu, pad anumu na metutu'; idi kareb iko pangeh nuren, do' iko ngepicet kinanak-kinanakmu.”

LUKAS 23:34

Idi kesembayang Yésus, “O Ama', maré do' kuan lemulun ineh ngaceku na ideh kali' luk inau'deh. Idi ideh nenala' udi idi nemabpat ayungNeh arangdeh.

LUKAS 8:34

Kareb lemulun luk matar barek ineh nekali' luk kudeng ineh, idi ideh neburo, idi nemada' nelun bang bawang ineh idi bang lati'-lati' teh.

YAHYA 14:16

Ui mutuh ratnan Taman, idi Ieh miak maré nemuyuh Lun Ngedengan luk baken, ieh ineh Roh luk matu pad Ieh ngedengan nemuyuh ruked-ruked peh.

YAHYA 17:2

Iko pangeh nemaré lalud kuanNeh pa luun amung-amung lemulun, pad Ieh miak maré ulun luk meruked kuan anid-anid burur luk biréMu Neneh.

YAHYA 17:20

“Ui mutuh baken kuandeh mo', iamo' kuan idé-idé pana' luk manu Negku ngaceku ratnan bada'deh.

YAHYA 17:6

“Ui pangeh nengegala' ngadanMu kuan lemulun bang tana' ini luk biréMu kuanKu. Ideh kuanMu, idi Iko nemaré nedeh kuanKu, idi ideh pangeh nemaya' balaMu.

YAHYA 6:37

Anid-anid lemulun luk barén Taman Negku miak amé' Negku, idi lemulun luk amé' Negku na tu-tu uenKu ngarung.

YAHYA 6:39

Iamo' ini pian Taman luk nengecuk Negku, pad Ui na ngetutu' idé-idé ratnan amung amungdeh luk biréNeh Negku, iamo' luk pianNeh, do' Ui nui nedeh kareb aco luk kekiped.

IBERANI 7:25

Idi Ieh melalud ngulun idi ngeligan amung-amung lemulun luk amé' matun Allah lemaba Neneh, ngaceku Ieh megéi' mulun idi mutuh ngaceku ideh.

IBERANI 9:24

Ngaceku Keristus na nesemuet bang Su luk Meligan luk inau' ticu', luk mangun ku luk pinginud mo' ratnan Su luk Meligan luk matu ineh; iamo' bang surga luk matu, pad Ieh miak amé' nekini matun Allah ngaceku tau.

1 YAHYA 5:19

Tau kali' tau ini ratnan Allah, idi amung-amung tana' ini pa liang imet Luk Dat ineh.

BALA LUK LINIO 12:9

Galau luk rayeh ineh tila', ieh ineh menipeh luk mengered, luk titen Iblis idi Sétan ineh, luk nenaluk amung uang tana' ini. Ieh pangeh tila' luun tana', idi amung-amung bawehneh pana' pangeh tila' denganneh.

BALA LUK LINIO 13:8

Amung-amung lemulun bang tana' ini miak sembayang neneh, ieh ineh luk ngadanneh na inayud rat pun-pun tana' ini pinudut, bang surat ulun Anak Dumba luk kirat ineh.

BALA LUK LINIO 20:15

Kudeng idé-idé luk na luk idi ngadanneh inayud bang surat ulun ineh, idi ieh pana' tila' bang takung apui ineh.