8 Ui nemaré kuandeh bala luk bilaMu Negku, idi ideh pangeh nengalap ineh. Ideh nekali' dengan matu idi Ui nacing rat Namu. Idi teh ideh manu ratnan Iko luk nengecuk Negku.
Naké iko manu idi Ui ini bang Taman, idi Taman pana' bang Negku? Amung-amung bala luk Ui ini mala kuan muyuh, baken Ui pebala dengan pianKu sebuleng, iamo' Taman ineh luk lutep bang Negku, Ieh luk nganau' amung-amung kekamen ineh.
Ui mutuh pelé amungdeh mangun ku sebuleng mepad kudeng Iko bang Negku, O Ama', idi Ui pana' bang Namu, idi ideh pana' mangun ku sebuleng bang Nekiteh, pad uang tana' ini miak manu ratnan Iko luk nengecuk Negku.
Ui ini bang nedeh. Idi Iko bang Negku, pelé ideh miak mangun meligan bang sebuleng rurum; pad uang tana' ini miak kali' ratnan Iko luk nengecuk Negku idi mawa nedeh mepad kudeng Iko mawa Negku.
Idi Ui sikal nguit kuandeh ineh aceh Nabi rat arang uned kinanak-kinanak luk mepad kudeng iko. Idi Ui miak maré amung balaKu bang tangNeh. Idi Ieh miak mada' kuandeh amung luk icukKu Neneh.
Idi ini punneh kai ini pana' megéi' maré ubur kuan Allah. Kareb kai nemada' bala Allah kuan muyuh, muyuh nengalap bala ineh baken mepad kudeng bala lemulun, iamo' matu mepad kudeng bala Allah. Ngaceku Allah ngakem bang nemuyuh luk manu.