YAHYA 17:6 - BALA LUK DO'

⁶ “Ui pangeh nengegala' ngadanMu kuan lemulun bang tana' ini luk biréMu kuanKu. Ideh kuanMu, idi Iko nemaré nedeh kuanKu, idi ideh pangeh nemaya' balaMu.

YAHYA 17:6 Iomraidhean Croise

NANI UBUR 119:11

Ui ngimet ukumMu bang niatku, pad ui na nganau' sala' pa kiungMu.

NANI UBUR 22:22

Ui miak mada' pupuku ratnan luk inau'Mu. Ui miak ngubur Namu bang tebubpundeh.

PURA' 9:16

Iamo' Ui nima' namu mulun, pad iko nier tuehKu, pelé ngadanKu tetanen aput tana' ini.

BALE' 2:10

Idi iko mangun mileh idi mawang niat.

BALE' 23:23

Luk matu, ileh, bada', idi do' kali' petulu belien, iamo' aleg masui ineh.

YAHYA 1:18

Seburur pana' nateh luk nenier Allah iamo' Anak buleng ineh luk idi dengan Allah, idi luk tudo iring Taman, Ieh luk pangeh nengegala' Neneh.

YAHYA 12:28

O Ama', ngerayeh ngadanMu!” Idi aceh tang rat bang langit nepebala, “Ui pangeh nengerayeh Neneh, idi Ui sikal ngerayeh Neneh teh.”

YAHYA 15:19

Kudeng muyuh ratnan tana' ini, kali' rungen tana' ini miak mawa nemuyuh mepad kudeng pupuneh sebuleng. Iamo' muyuh baken ratnan tana' ini, ngaceku Ui pangeh nemili' nemuyuh ratnan tana' ini. Ini punneh tana' ini megateh nemuyuh.

YAHYA 15:3

Muyuh ini kali' rungen malét ngaceku bala luk bilaKu nemuyuh.

YAHYA 15:7

Kudeng muyuh lutep bang Negku, idi balaKu lutep bang nemuyuh, do' mutuh anun-anun luk pian muyuh, idi ineh luk miak mangun kuan muyuh.

YAHYA 17:12

Laba' Ui tudo dengandeh, Ui ini nengimet nedeh bang ngadanMu luk biréMu Negku. Ui pangeh nematar nedeh, idi seburur pana' rat arangdeh na metutu', iamo' lemulun luk na miak na metutu', pad ngacing bala bang Surat Allah.

YAHYA 17:14

Ui ini nengacing balaMu kuandeh; idi uang tana' ini megateh nedeh, ngaceku ideh baken ratnan tana' ini, mepad kudeng Ui teh baken ratnan tana' ini.

YAHYA 17:16

Mepad kudeng Ui ini baken ratnan tana' ini, ideh pana' baken ratnan tana' ini.

YAHYA 17:2

Iko pangeh nemaré lalud kuanNeh pa luun amung-amung lemulun, pad Ieh miak maré ulun luk meruked kuan anid-anid burur luk biréMu Neneh.

YAHYA 17:24

“O Ama', pianKu idi lemulun luk pangeh biréMu Negku ineh idi denganKu iapeh-iapeh luk inanKu, pad ideh miak nier rayehKu luk pangeh biréMu Negku, ngaceku Iko pangeh mawa Negku atun ratnan tana' ini pinudut.

YAHYA 17:26

Ui nengegala' Namu kuandeh, idi Ui sikal ngegala' Namu teh, pad awa luk mepad kudeng awaMu kuanKu ineh, lutep bang nedeh, idi Ui pana' lutep bang nedeh teh.”

YAHYA 17:7

Nekini ideh kali' idi amung-amung luk biréMu kuanKu ineh macing rat Namu.

YAHYA 18:9

Ieh nemala kudeng ini pad ngacing bala luk bilaNeh ineh, “Ratnan amung-amung lemulun luk biréMu Negku ineh, seburur pana' na Ui ngetutu'.”)

YAHYA 6:37

Anid-anid lemulun luk barén Taman Negku miak amé' Negku, idi lemulun luk amé' Negku na tu-tu uenKu ngarung.

YAHYA 6:39

Iamo' ini pian Taman luk nengecuk Negku, pad Ui na ngetutu' idé-idé ratnan amung amungdeh luk biréNeh Negku, iamo' luk pianNeh, do' Ui nui nedeh kareb aco luk kekiped.

YAHYA 8:51

Matu, Ui pebala nemuyuh, kudeng idé lemulun maya' balaKu, na ieh miak maté.”

YAHYA 8:52

Idi keburi' lun Yahudi Neneh, “Nekini kai kali' idi Iko sinuet ada'. Ibrahim idi amung-amung nabi pangeh naté. Iamo' Iko ini pebala, ‘Kudeng idé lemulun maya' balaKu na ieh miak maté.’

KEKAMEN RASUL-RASUL 13:48

Kareb lun pupu baken neninger bala ini, ideh mawang niat idi nengerayeh bala Allah; idi lemulun luk pinili' ngalap ulun luk meruked ineh manu peh.

SURAT LUK BIRE PAULUS KUAN LUN RUM 11:2

Allah na nenala' pupuNeh luk pinili'Neh atun. Muyuh kali' bala Surat Allah ratnan Elia, kudeng apeh ieh nengadu' pupu Israil pa kiung Allah?

2 KORINTUS 4:6

Allah luk pangeh nepebala, “Do' acang ineh merasat rat bang dacem,” Ieh ineh teh luk merasat bang niat kai, pad ngacang netau ku ileh ratnan rayeh Allah luk merasat nan kiung Yésus Keristus.

KOLOSE 3:16

Idi do' bala Keristus ineh tudo bang nemuyuh dengan mela, dengan amung-amung ileh. Idi mada' idi periteteng arang muyuh sebuleng, dengan nani ubur idi ubur-ubur idi nani luk ratnan Roh. Idi do' menani dengan maré ubur kuan Allah bang niat muyuh.

2 TIMOTIUS 1:13

Do' ngalap luk pinginud ratnan amung-amung bala luk matu luk pangeh pindengermu rat negku, dengan anu idi awa luk bang Keristus Yésus.

IBERANI 2:12

kebalaNeh, “ui sikal mada' ngadanMu, O Allah, kuan kinanak-kinanakKu; Idi arang sidang Ui miak ngubur Namu.”

IBERANI 3:6

Iamo' Keristus ineh lutep ngaceku Ieh Anak luk ngimet ruma' Allah. Tau ini uang ruma' Allah ineh, kudeng tau lutep bang kuu' idi rapet tau, pad macing kekipedneh.

1 PETRUS 1:1

Rat ni Pétrus, rasul Yésus Keristus — Kuan amung-amung lemulun luk pinili', ieh ineh lun sakai luk nepatad déi' Pontus, Galatia, Kapadokia, Asia, idi Bitinia.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.

BALA LUK LINIO 2:13

Ui kali' su inanmu tudo', ieh ineh su inan kerusi Sétan. Iko ngimet ngadanKu idi na necan anumu Negku, sagan pana' bang kareb Antipas, lun nekali' Negku luk lutep ineh, luk pangeh pinaté pa kiung muyuh, su luk inan Sétan tudo.

BALA LUK LINIO 3:10

Ngaceku iko pangeh nenginita bada'Ku ratnan ulai niat ineh, Ui pana' miak nginita namu ratnan tutun luk macing kuan amung uang tana' ini, idi luk nutun amung lemulun bang tana' ini.

BALA LUK LINIO 3:8

Ui kali' kekamenmu. Siruh, Ui nenganau' pa kiungmu aceh tanga' luk mukab, idi seburur pana' na miak ngitek neneh; ngaceku sagan pana' laludmu sesuut, iamo' iko pangeh nemaya' balaKu dengan na ngalum ngadanKu.