YAHYA 17:3 - BALA LUK DO'

³ Ini ulun luk meruked, ieh ineh pad ideh miti Namu, Allah luk Sebuleng idi matu, idi Yésus Keristus luk Iko nengecuk ineh.

YAHYA 17:3 Iomraidhean Croise

INUL LUK PUN-PUN 28:9

“Idi iko, O anakku Selimun, do' iko ngiti Allah tamanmu, idi ngakem kuanNeh dengan niat luk mepicet, idi dengan terawé luk petulu. Ngaceku Tuhan ngelio idi kali' amung terawé niat. Kudeng iko nakap Neneh kali' rungen Ieh kali'mu. Iamo' kudeng iko necan Neneh, kali' rungen Ieh nala' namu macing ruked-ruked.

INUL LUK KEDUEH 15:3

Idi pangeh tuda'-tuda' io lun Israil na maya' Allah luk matu. Idi na ideh ineh inan imam luk mada'. Idi teh na ideh ineh inan ukum.

NANI UBUR 9:10

Lemulun luk miti Namu, Tuhan, merapet Namu; na Iko necan lemulun luk amé' Namu.

BALE' 8:35

Lemulun luk ngalap negku ngalap ulun, idi Tuhan mawang niat neneh.

YESAYA 48:16

“Do' amé' Negku idi ninger balaKu. Rat pun-pun Ui nemada' nemuyuh dengan megala', idi megéi nengacing balaKu ineh.” (Idi nekini ui ini, Yesaya, duken Tuhan Allah idi RohNeh.)

YESAYA 53:11

Pangeh derehNeh, Ieh ngalap awang teh pad Ieh kali' derehNeh ineh inan ulek. Ieh ineh DemulunKu luk matu, Ieh kumin kuan lun mula', pad ideh mangun ku pupuKu luk matu.

YESAYA 61:1

Roh Tuhan Allah idi pa luunKu, ngaceku Ieh pangeh nengumau Negku, Pad Ui mada' Bala luk Do' kuan lun masi', idi ngedo' lemulun luk nginuud idi mebeneh niat, idi mada' puit kuan lemulun luk tiban, idi teh kuan lemulun luk tinutup.

YEREMIA 10:10

Iamo' Tuhan ineh Allah luk matu, Allah luk mulun idi Raca' luk meruked. Kareb Ieh museh tana' meruyuh; idi amung pupu na tuman ku usehNeh. (

HOSIA 6:3

Do' tau nutun ngiti Tuhan. Kali' rungen Ieh amé' netau mepad kudeng aco masat. Ieh miak amé' netau mepad kudeng udan luk mubpur tibu-tibu kareb nibu.

MARKUS 9:37

“Idé-idé luk nganak seburur anak luk isuut mepad kudeng anak ini bang ngadanKu, idi ieh luk nganak Negku; idi idé-idé luk nganak Negku ini, setuneh baken ieh nganak Negku iamo' Ieh luk pangeh nengecuk Negku.”

LUKAS 9:48

kebalaNeh nedeh, “Idé-idé luk nganak anak luk isuut ini bang ngadanKu, ieh ineh nganak Negku; idi idé-idé luk nganak Negku, ieh ineh nganak Neneh luk nengecuk Negku. Ngaceku luk pelaba isuut rat arang amung-amung muyuh, ieh ineh luk meluun rayeh.”

YAHYA 10:36

Miakké muyuh ini pebala Ui nguyo Allah, ngaceku Ui ngamo Ui ini Anak Allah? Ui ini luk pinili' idi icuk Allah amé' bang tana' ini.

YAHYA 11:42

Ui kali' Iko megéi' ninger balaKu, iamo' ngaceku lun mula' ini Ui mala kudeng ineh, pad ideh manu ratnan Iko luk nengecuk Negku.”

YAHYA 14:26

Iamo' Lun Ngedengan ineh, ieh ineh Roh Meligan, luk uen Taman ngecuk bang ngadanKu, Ieh luk miak mada' luk amung-amung kuan muyuh. Idi Ieh ngedengan nemuyuh pad muyuh ngerawé amung-amung luk pangeh bilaKu nemuyuh.

YAHYA 17:18

Ui nengecuk nedeh amé' bang tana' ini, mepad kudeng Iko nengecuk Negku.

YAHYA 17:21

Ui mutuh pelé amungdeh mangun ku sebuleng mepad kudeng Iko bang Negku, O Ama', idi Ui pana' bang Namu, idi ideh pana' mangun ku sebuleng bang Nekiteh, pad uang tana' ini miak manu ratnan Iko luk nengecuk Negku.

YAHYA 17:23

Ui ini bang nedeh. Idi Iko bang Negku, pelé ideh miak mangun meligan bang sebuleng rurum; pad uang tana' ini miak kali' ratnan Iko luk nengecuk Negku idi mawa nedeh mepad kudeng Iko mawa Negku.

YAHYA 17:25

O Ama' luk matu, tana' ini na miti Namu, iamo' Ui ini miti Namu, idi ideh pana' pangeh nekali' ratnan Iko luk nengecuk Negku.

YAHYA 17:8

Ui nemaré kuandeh bala luk bilaMu Negku, idi ideh pangeh nengalap ineh. Ideh nekali' dengan matu idi Ui nacing rat Namu. Idi teh ideh manu ratnan Iko luk nengecuk Negku.

YAHYA 3:17

Ngaceku Allah nan nengecuk AnakNeh amé' bang tana' ini pad ngukum tana' ini, iamo' pad tana' ini miak uen ngulun ngaceku Ieh.

YAHYA 3:34

Ieh luk icuk Allah mada' bala Allah, ngaceku Allah maré TohNeh dengan na uen nguad.

YAHYA 5:44

Kudeng apehké muyuh miak manu, laba' muyuh nakap rayeh rat arang muyuh sebuleng, iamo' na muyuh nakap rayeh ratnan Allah luk Sebuleng ineh?

YAHYA 6:57

Mepad kudeng Taman luk mulun ineh nengecuk Negku, idi Ui pana' mulun ngaceku ratnan Taman ineh, kudeng ineh teh idé-idé luk kuman bururKu, ieh pana' miak mulun ngaceku Ui mulun.

YAHYA 7:29

Ui miti Neneh, ngaceku Ui nacing rat Neneh, idi Ieh luk nengecuk Negku.”

YAHYA 8:19

Idi keburi'deh Neneh, “Iapehké TamanMu?” Idi kebala Yésus, “Muyuh na miti Negku idi TamanKu pana' muyuh na miti. Kudeng muyuh miti Negku, kali' rungen muyuh miti TamanKu teh.”

1 KORINTUS 15:34

Do' muyuh kulat dengan matu idi aleg nganau' sala'; ngaceku inan tuda'-tuda' lemulun luk na ngiti Allah. Ui mala ini, pad muyuh kali' migu'.

1 KORINTUS 8:4

Ratnan kuman luk kenen luk biré inan akang ineh, tau kali' idi na luk idi akang luk inan ulun bang tana' ini, idi teh na luk idi Allah baken iamo' luk Sebuleng ineh mo'.

2 KORINTUS 4:6

Allah luk pangeh nepebala, “Do' acang ineh merasat rat bang dacem,” Ieh ineh teh luk merasat bang niat kai, pad ngacang netau ku ileh ratnan rayeh Allah luk merasat nan kiung Yésus Keristus.

PILIPI 3:10

Luk pianku, ieh ineh ngiti Neneh idi kali' lalud tuiNeh ineh idi rurum bang derehNeh ineh, idi mangun mepad denganNeh bang atéNeh,

PILIPI 3:8

Idi meluun teh, bang terawéku, luk amung-amung miak mangun ku rugi' kuanku ngaceku luk pelaba raga ini, ieh ineh pad ui miak miti Keristus Yésus Tuhanku. Idi ngaceku Keristus ui pangeh nenala' luk amung-amung. Idi amung-amung ineh ui mala mangun ku arap, pad Keristus mangun ku peruanku,

1 TESALONIKA 1:9

Amung lemulun ineh mala ratnan kudeng apeh muyuh nenganak nekai kareb kai nengikak nemuyuh, idi kudeng apeh muyuh neteketed ratnan akang idi nelumi inan Allah, pelé muyuh miak mepicet inan Allah luk mulun idi luk matu ineh,

2 TESALONIKA 1:8

dengan apui luk mebudung, pad ngua' kuan amung-amung lemulun luk na miti Allah, idi kuandeh luk na sikal maya' Bala luk Do' ratnan Tuhan tau Yésus.

IBERANI 3:1

O kinanak-kinanakku luk meligan, luk pad-pad ngalap babpat bang tawar luk rat surga, do' muyuh ngerawé Rasul idi Imam Rayeh luk pangeh imo tau, ieh ineh Yésus.

2 PETRUS 1:2

Do' katu idi awang amé'-amé' mula' kuan muyuh, ngaceku muyuh ngiti Allah idi Yésus Tuhan tau.

2 PETRUS 1:3

Amung-amung luk inan ulek kuan ulun luk meligan pangeh biré kuan tau ngaceku lalud Tuhan, ngaceku tau kali' Neneh lu pangeh nenawar netau dengan rayeh idi do'Neh sebuleng.

2 PETRUS 1:8

Kudeng bua' ini idi bang nemuyuh dengan mela, idi ineh luk ngedengan nemuyuh, pad muyuh mekél idi kebua' bang ileh ratnan Tuhan tau Yésus Keristus.

1 YAHYA 1:2

Kareb ulun ineh pangeh ginala', kai nenier neneh, idi maré kali' idi mada' kuan muyuh ulun luk meruked, luk idi pad-pad dengan Taman idi luk pangeh ginala' kuan kai.

1 YAHYA 1:3

Anun-anun luk pangeh sinier idi pindenger kai, kai mada' teh kuan muyuh, pad muyuh pana' miak perurum dengan kai; setuneh rurum kai ini inan pad-pad dengan Taman idi dengan Yésus Keristus, AnakNeh ineh.

1 YAHYA 2:23

Idé-idé luk ngarung Anak, kali' rungen na luk idi Taman bang neneh. Idi lemulun luk ngamo Anak ineh, kali' rungen Taman ineh pana' idi bang neneh.

1 YAHYA 4:6

Iamo' tau ini ratnan Allah, idi lemulun luk miti Allah ieh luk ninger bala tau. Idi lemulun luk baken ratnan Allah na ieh ninger bala tau. Ratnan luk kudeng ineh tau miak ngiti Roh luk matu, idi roh luk ngeraruh ineh.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.