YAHYA 17:2 - BALA LUK DO'

² Iko pangeh nemaré lalud kuanNeh pa luun amung-amung lemulun, pad Ieh miak maré ulun luk meruked kuan anid-anid burur luk biréMu Neneh.

YAHYA 17:2 Iomraidhean Croise

NANI UBUR 110:1

Kebala Tuhan kuan Raca'ku, “Tudo pa tinuehKu, pad Ui nganau' bunu'Mu pa liang kukudMu.

DANIEL 7:14

Idi Ieh nengalap lalud, ubur, idi rayeh raca', pad lemulun ratnan anid-anid bawang, pupu, idi luk ratnan manid-manid buri' miak maya' Neneh. LaludNeh meruked, idi imetNeh na kekiped.

MATIUS 11:27

“TamanKu pangeh nemaré Negku luk amung-amung idi seburur pana' na miti Anak, iamo' Taman mo', idi seburur pana' na miti Taman, iamo' Anak mo', idi teh lemulun luk pinili' Anak, ieh luk miak badénNeh ratnan Allah.

MATIUS 25:46

Lemulun ini semuet bang ukum ruked-ruked peh, iamo' lemulun luk matu semuet bang ulun luk meruked.”

MATIUS 28:18

Yésus iné' nedeh, kebalaNeh, “Amung-amung lalud bang surga idi bang tana' pana' pangeh biré Negku.

YAHYA 17:24

“O Ama', pianKu idi lemulun luk pangeh biréMu Negku ineh idi denganKu iapeh-iapeh luk inanKu, pad ideh miak nier rayehKu luk pangeh biréMu Negku, ngaceku Iko pangeh mawa Negku atun ratnan tana' ini pinudut.

YAHYA 17:6

“Ui pangeh nengegala' ngadanMu kuan lemulun bang tana' ini luk biréMu kuanKu. Ideh kuanMu, idi Iko nemaré nedeh kuanKu, idi ideh pangeh nemaya' balaMu.

YAHYA 17:9

“Ui ini mutuh kuandeh, Na Ui mutuh kuan uang tana' ini, iamo' kuan lemulun luk biréMu Negku, ngaceku ideh kuanMu.

YAHYA 3:35

Taman mawa inan Anak ineh, idi luk amung-amung pangeh biréNeh bang paladNeh.

YAHYA 4:14

iamo' idé-idé luk ngirup abpa' luk barénKu neneh, na ieh miak meparing ruked-ruked, ngaceku abpa' luk barénKu ineh, miak mangun bang bururneh ku aceh bued abpa' luk manud macing inan ulun luk meruked.”

YAHYA 6:27

Aleg muyuh ngakem ngaceku akan luk melu, iamo' ngaceku akan luk meraben macing inan ulun luk meruked. Akan ineh miak barén Anak-Lemulun nemuyuh ngaceku Allah Taman pangeh nenganau' etuNeh luunNeh pad ngamo Neneh matu.”

YAHYA 6:37

Anid-anid lemulun luk barén Taman Negku miak amé' Negku, idi lemulun luk amé' Negku na tu-tu uenKu ngarung.

YAHYA 6:39

Iamo' ini pian Taman luk nengecuk Negku, pad Ui na ngetutu' idé-idé ratnan amung amungdeh luk biréNeh Negku, iamo' luk pianNeh, do' Ui nui nedeh kareb aco luk kekiped.

SURAT LUK BIRE PAULUS KUAN LUN RUM 6:23

Ngaceku tabpar sala' ineh maté, iamo' katu Allah ineh ulun luk meruked dengan Keristus Yésus Tuhan tau.

1 KORINTUS 15:25

Ngaceku na miak na Keristus mangun ku raca', pad Allah ngebeneh amung-amung bunu'Neh pa liang kukudNeh.

EPESUS 1:20

luk pikai Neh, kareb Ieh nenui Keristus rat arang lun naté, idi nengetudo Neneh pa tinuehNeh déi' surga.

PILIPI 2:10

Idi dengan ngadan Yésus ineh miak tekeradung amung-amung aleb luk déi' surga idi luk bang tana', idi pa liang tana' pana',

1 TIMOTIUS 1:16

Iamo' ini punneh Allah méi' negku, pelé bang negku luk meluun rayeh sala' ineh, Keristus Yésus miak ngegala' ulai niatNeh, idi ui miak mangun ku ayu luk nudin kuan amung-amung lemulun luk miak manu Neneh teh, macing inan ulun luk meruked.

IBERANI 1:2

Iamo' kekipedneh Ieh nepebala kuan tau lemaba AnakNeh luk inau'Neh lutep pad miak ngalap luk amung-amung, idi rat Neneh teh pangeh inau' amung-amung luk pinudut.

1 PETRUS 3:22

luk pangeh numak iné' surga, idi tudo pa tinueh Allah, idi amung-amung melaikat idi lalud idi luk ngimet pana' inau' mebeneh rat Neneh.

1 YAHYA 1:2

Kareb ulun ineh pangeh ginala', kai nenier neneh, idi maré kali' idi mada' kuan muyuh ulun luk meruked, luk idi pad-pad dengan Taman idi luk pangeh ginala' kuan kai.

1 YAHYA 2:25

Idi luk pijani' Keristus kuan tau, ieh ineh ulun luk meruked.

1 YAHYA 5:20

Tau kali' Anak Allah pangeh nacing idi pangeh nemaré ileh kuan tau pad tau miak ngiti Allah luk matu; idi tau ini idi bang Allah luk matu, ieh ineh bang AnakNeh, Yésus Keristus. Idi Ieh ineh Allah luk matu, idi ieh ineh ulun luk meruked.

YAHUDA 1:21

Do' matar burur muyuh bang awa Allah, idi nganét éi' Tuhan tau Yésus Keristus luk maré ulun luk meruked nemuyuh.