YAHYA 17:12 - BALA LUK DO'

¹² Laba' Ui tudo dengandeh, Ui ini nengimet nedeh bang ngadanMu luk biréMu Negku. Ui pangeh nematar nedeh, idi seburur pana' rat arangdeh na metutu', iamo' lemulun luk na miak na metutu', pad ngacing bala bang Surat Allah.

YAHYA 17:12 Iomraidhean Croise

NANI UBUR 41:9

Lun rurumku luk do', luk inanku merapet, luk pad-pad kuman denganku, pangeh mangun ku bunu'ku.

YAHYA 13:18

“Ui pebala baken ratnan amung-amung muyuh; ngaceku Ui kali' idé lemulun luk pinili'Ku; iamo' bala bang Surat Allah ineh na miak na uen ngacing, ieh ineh, ‘Lemulun luk kuman pad-pad denganKu ineh sikal metueh rat Negku.’

YAHYA 17:6

“Ui pangeh nengegala' ngadanMu kuan lemulun bang tana' ini luk biréMu kuanKu. Ideh kuanMu, idi Iko nemaré nedeh kuanKu, idi ideh pangeh nemaya' balaMu.

YAHYA 18:9

Ieh nemala kudeng ini pad ngacing bala luk bilaNeh ineh, “Ratnan amung-amung lemulun luk biréMu Negku ineh, seburur pana' na Ui ngetutu'.”)

YAHYA 6:37

Anid-anid lemulun luk barén Taman Negku miak amé' Negku, idi lemulun luk amé' Negku na tu-tu uenKu ngarung.

KEKAMEN RASUL-RASUL 1:25

ngalap babpat bang kekamen ini idi bang kekamen rasul luk tican Yudas, kareb ieh iné' su luk inanneh.”

PILIPI 2:9

Ngaceku ineh Allah nengedita' Neneh macing nan su luk meluun medita', idi nemaré Neneh sebuleng ngadan luk pa luun amung-amung ngadan.

2 TESALONIKA 2:3

Aleg muyuh saluken lemulun ratnan anun-anun, ngaceku Aco ineh na miak macing kareb nateh lemulun mula' lumi ratnan anu atun, idi Lemulun luk Dat luk kumin bang apui uen ngegala'.

IBERANI 2:13

Idi teh, kebalaNeh, “Ui ini miak merapet Neneh.” Idi teh, kebalaNeh, “Siruh, Ui ini dengan anak-anak luk biré Allah kuanKu.”

1 YAHYA 2:19

Lemulun ineh pangeh neremuat rat arang tau, ngaceku baken ideh rat netau; ngaceku kudeng ideh rat netau, kali' rungen ideh na miak na lutep pad-pad dengan tau. Iamo' ideh pangeh neremuat, pad megala' ratnan pundeh baken rat netau.

BALA LUK LINIO 19:12

MatehNeh ineh mepad kudeng budung apui, idi Ieh nengayung ku mula' pata; idi inan aceh ngadan luk inayud luunNeh luk na miak miti seburur lemulun pana', iamo' Ieh sebuleng.