YAHYA 16:8 - BALA LUK DO'

⁸ Idi kareb Ieh macing Ieh miak ngegala' kuan uang tana' ini ratnan ideh sala' terawé ratnan kekamen luk dat idi ratnan luk matu idi ratnan ukum.

YAHYA 16:8 Iomraidhean Croise

UKUM 13:12

Iamo' kudeng susud ineh maput luun bururneh, ratnan uluh macing ku kukudneh, su luk sinier imam,

SEKARIA 12:10

“Ui miak ngutang kuan inul Daud idi kuan lun Yerusalim Roh éi' idi Roh sembayang. Idi ideh miak nier Neneh luk pangeh tibpekdeh. Idi ideh temido Neneh, mepad kudeng lemulun luk temido anak buleng. Ideh miak temido dengan pelaba susa' niat, mepad kudeng lemulun temido anak deléideh luk atun.

YAHYA 16:7

Iamo' Ui mala luk matu kuan muyuh, do' kuan muyuh kudeng Ui ini amé', ngaceku kudeng Ui na amé', Lun Ngedenan ineh na miak macing nemuyuh; iamo' kudeng Ui amé'. Ui miak ngecuk Neneh amé' nemuyuh.

YAHYA 16:9

Ideh sala' terawé ratnan kekamen luk dat, ngaceku ideh na manu Negku.

YAHYA 8:46

Idéké rat arang muyuh miak ngesala' Negku? Kudeng Ui mala luk matu, ngudehké muyuh na manu Negku?

YAHYA 8:9

Kareb ideh neninger bala ineh, ideh neremuat sebuleng-sebuleng, ngimun rat nelun merar. Yésus sebuleng neketecan. Idi decur ineh pana' tuped su ineh.

KEKAMEN RASUL-RASUL 2:37

Kareb lun mula' neninger bala ineh, idi niatdeh nesigio idi mesusa', idi kebaladeh ni Pétrus idi rasul-rasul luk baken ineh, “O kinanak-kinanak, anunké luk miak ruen kai?”

1 KORINTUS 14:24

Iamo' kudeng amung muyuh uned mada' luk biré Allah, idi lun luk na manu idi lun baken semuet, idi lemulun ineh miak ninger bada'deh, idi ngerawe sala'neh. Idi ieh miak kumin maya' luk pindengerneh ineh.

YAHUDA 1:15

pad ngacing ukumNeh kuan amung-amung lemulun idi ngukum lemulun luk dat ngaceku amung-amung kekamendeh luk dat ineh luk pangeh inau'deh, idi ngaceku amung-amung kuyo lun luk dat ineh inan Allah!”