YAHYA 16:11 - BALA LUK DO'

¹¹ Ideh sala' terawé ratnan ukum, ngaceku raca' tana' ini pangeh inukum.

YAHYA 16:11 Iomraidhean Croise

PUDUT 3:15

Idi Ui nganau' aceh bunu' arangmu dengan decur ineh, idi arang inulmu dengan inulneh. Idi Ieh miak ngeradu' uluhmu, idi iko miak nicuk tumidNeh.”

NANI UBUR 68:18

Ieh mudik amé' su luk medita', idi nguit lun luk tibanNeh; Ieh ngalap baré ratnan lemulun luk do', idi ratnan lemulun luk metueh niat pana'. Tuhan Allah miak mudeng su ineh.

MATIUS 12:18

“Ini demulun luk pangeh pinili'Ku, Ieh luk inanKu mawa, idi Ui mawang niat Neneh. Ui sikal maré RohKu tudo luunNeh, idi Ieh sikal mada' ukum kuan amung-amung lun pupu baken.

MATIUS 12:36

“Ui pebala nemuyuh, kareb Aco Ngukum, lemulun miak mabeh anid-anid bala luk mo'-mo' luk remuat rat bang tangdeh.

LUKAS 10:18

Idi keburi' Yésus nedeh, “Ui nenier Sétan nebpeh mepad kudeng kilep rat bang langit.

YAHYA 12:31

Nekini karebneh tana' ini miak kumin; nekini raca' tana' ini miak talan.

YAHYA 14:30

Na Ui miak mala mio kuan muyuh teh, ngaceku raca' tana' ini macing, iamo' na ieh melalud rat Negku.

YAHYA 16:12

“Inan teh mula' bala luk Ui sikal mala kuan muyuh, iamo' nekini muyuh na miak tuman ratnan ineh.

KEKAMEN RASUL-RASUL 10:42

Idi Ieh nengecuk nekai mada' Bala luk Do' ineh kuan amung pupu, idi mangun ku lun nekali' ratnan Ieh luk inau' Allah mangun ku Lun luk Mutut Besara' amung-amung lemulun luk mulun idi lun pangeh naté pana'.

KEKAMEN RASUL-RASUL 24:25

Iamo' kareb Paulus nemada' ratnan luk matu, idi ratnan ngimet burur sebuleng, idi ukum luk macing muci, idi Pilik matot idi nepebala, “Nekini do' iko buro, kudeng inan kareb muci, ui nawar namu teh.”

KEKAMEN RASUL-RASUL 26:18

Iko miak ngukab matehdeh, pad ideh teketed ratnan dacem idi lumi inan acang, idi ratnan lalud Sétan amé' inan Allah. Idi ngaceku ideh manu Negku, ideh ngalap do' ratnan sala' idi ngalap babpat dengan lun luk pinili' Allah.

SURAT LUK BIRE PAULUS KUAN LUN RUM 16:20

Idi Allah, luk lawa awang ineh, sikal ngeradu' Sétan ineh dengan mesaget pa liang lengayan kukud muyuh. Idi do' katu Tuhan tau Yésus Keristus ngedengan nemuyuh.

SURAT LUK BIRE PAULUS KUAN LUN RUM 2:16

Kudeng ineh teh luk mangun kareb Aco luk inan Allah dengan Yésus Keristus ngukum amung-amung kekamen lemulun luk lulem, petulu dengan Bala luk Do' luk badénku.

1 KORINTUS 4:5

Ngaceku ineh aleg muyuh ngukum idé-idé pana' kareb nateh karebneh, ieh ineh kareb nateh Tuhan macing. Ieh miak ngegala' anun-anun luk inapung bang dacem, idi Ieh ngelio amung-amung pinian niat lemulun. Anid-anid burur miak ngalap ubur ratnan Allah.

2 KORINTUS 4:4

Idi raca' tana' ini pangeh nengebuser mateh niat lemulun luk na manu ineh, pad ideh na miak macang ku acang Bala luk Do' ratnan rasat Keristus, ieh ineh ayun Allah.

EPESUS 2:2

Kareb ineh muyuh nemaya' ulun tana' ini luk dat; muyuh nemaya' raca' amung-amung lalud luk arang gawa', ieh ineh roh luk ngakem nekini bang niat lemulun luk ngelaba bala Allah.

KOLOSE 2:15

Idi luun salib ineh Keristus nenala' amung-amung luk ngimet idi amung-amung lalud luk na melagan, idi Ieh metueh pad Ieh nengegala' laya' deh kareb Ieh nenguit nedeh pekarur mepad kudeng lun luk tiban.

IBERANI 2:14

Ngaceku anak-anak ineh lemulun luk inan uang idi dara', Yésus pana' nengalap burur luk kudeng ineh, pad ratnan atéNeh Ieh miak nala' neneh luk ngimet lalud até, ieh ineh Iblis,

IBERANI 6:2

bada' ratnan rereb, bada' ratnan ngerareng ticu' luun lemulun, bada' ratnan tui lun naté teh, idi ukum luk meruked.

IBERANI 9:27

Anid-anid burur lemulun maté sekua' mo', idi pangeh ineh ieh miak kumin Allah.

2 PETRUS 3:7

Iamo' langit idi tana' luk idi nekini uen ngasa' ratnan bala Allah ineh, pad uen ngusag ku apui, ieh ineh pad macing aco luk inan lemulun luk na manu kumin idi pitayen.

1 YAHYA 3:8

Lemulun luk megéi' nganau' sala', ieh nacing ratnan Iblis, ngaceku Iblis ineh nganau' sala' rat pun-pun. Ini punneh Anak Allah pangeh ginala', pad Ieh miak ngusag amung-amung kekamen Iblis ineh.

BALA LUK LINIO 1:7

Siruh, Ieh macing dengan laput! Ieh miak siren amung lemulun, meluun teh lemulun luk nenebpek Neneh; idi amung-amung pupu bang tana' ini miak temido Neneh. Kali' rungen ineh mangun. Amin!