YAHYA 16:10 - BALA LUK DO'

¹⁰ Ideh sala' terawé ratnan luk matu, ngaceku Ui amé' inan Taman idi muyuh na miak nier Negku teh.

YAHYA 16:10 Iomraidhean Croise

YESAYA 42:21

Tuhan ineh Allah luk geregan ngulun, ineh punneh Ieh pian ku bada'Neh buren.

DANIEL 9:24

“Allah pangeh nengeletep tudu' kua' tudu' ngepulu' lak, pad pupumu idi bawangmu luk meligan miak mangeh amung-amung dat idi sala-deh. Pangeh ineh ideh miak ngalap do' ratnan sala'deh, idi luk matu luk meruked miak uen ngeletep, pad luk sinier ineh idi bada' luk biré ineh miak mangun, idi Ruma' Allah luk meligan miak uen ngeligan.

YAHYA 16:28

Ui nacing ratnan Taman, idi nesemuet bang tana' ini; iamo' nekini Ui sikal necan tana' ini teh idi amé' inan Taman.”

YAHYA 16:5

Iamo' nekini Ui amé' inan Allah luk nengecuk Negku, sagan pana' seburur rat arang muyuh na ngitun Negku, ‘Su apehké ulekMu?’

YAHYA 3:14

Mepad kudeng Musa nengiding menipeh ineh déi' su luk ali-ali, kudeng ineh teh Anak-Lemulun kali' rungen uen ngikit,

YAHYA 5:32

Inan luk bakén luk maré kali' ratnan Ui, idi Ui kali' bala luk bilaNeh ineh matu.

YAHYA 7:33

Idi kebala Yésus, “Segageh mo' kinioneh Ui tudo dengan muyuh, idi Ui amé' Neneh luk nengecuk Negku.

KEKAMEN RASUL-RASUL 17:31

Ngaceku Ieh pangeh nengeletep seaco luk inanNeh maré ukum luk matu kuan amung tana' ini ratnan Selemulun luk pinili'Neh. Idi bala ini pangeh ginala' Allah kuan amung-amung lemulun, kareb Ieh nenui Lemulun ineh rat arang lun naté.”

KEKAMEN RASUL-RASUL 2:32

Idi Yésus ini luk tinui Allah ratnan até, idi amung tau mangun ku lun nekali' Neneh.

KEKAMEN RASUL-RASUL 3:14

Yésus ineh meligan idi matu. Iamo' muyuh nenala' Neneh idi nemutuh selemulun luk munu' puatin ku libalNeh.

KEKAMEN RASUL-RASUL 7:52

Idéké nabi luk na pidereh tepun muyuh ineh? Ideh nengaté amung-amung lemulun luk nemada' atun ratnan acing Lun luk Matu ineh, ieh ineh luk pangeh biré muyuh nekini idi luk pinaté muyuh teh.

SURAT LUK BIRE PAULUS KUAN LUN RUM 1:17

Ngaceku bang Bala luk Do' ineh, Allah ngelio ratnan lemulun ruen matu ngaceku anu rat punneh macing kekipedneh; maya' kudeng luk pangeh inayud, “Idi lemulun luk matu ineh miak mulun ngaceku anu.”

1 KORINTUS 1:30

Iamo' dengan peruan ratnan Allah, muyuh ini perurum dengan Keristus Yésus, luk pangeh mangun ku ileh kuan tau ratnan Allah. Ieh nganau' netau matu, idi ngeligan idi nguli' netau.

2 KORINTUS 5:21

Keristus na mesala', iamo' Allah nenganau' Neneh mangun ku sala' ngaceku tau, pad tau ini ruen Allah matu bang Keristus ineh.

GALATIA 5:5

Kai ini merapet ku Allah nganau' nekai matu. Idi kai nganét ineh dengan lalud RohNeh luk ngakem maya' anu kai.

1 TIMOTIUS 3:16

Idi rayehneh luk inalum ineh ratnan baya' tau na miak belén. Ieh pangeh linigan bang burur lemulun, idi inau' matu ratnan Roh, idi ginala' kuan melaikat-melaikat. Ieh bida' arang amung-amung pupu, idi inan merapet bang tana', idi inuit umak dengan rayeh.

1 PETRUS 3:18

Ngaceku Keristus pana' pangeh nengalap dereh maté ngaceku sala' lemulun, ieh ineh Lemulun luk Matu ngaceku lemulun luk na matu, pad Ieh nguit netau amé' matun Allah; sagan pana' bururNeh pinaté, iamo' mulun bang roh;