YAHYA 15:8 - BALA LUK DO'

⁸ Bang amung ini rayeh TamanKu uen ngegala', ieh ineh kudeng muyuh kebua' mula', idi muyuh miak mangun ku anak-anak sekola'Ku.

YAHYA 15:8 Iomraidhean Croise

YESAYA 60:21

Pupumu miak nganau' luk matu, idi ngimet bawang ineh ruked-ruked. Ui nenibu nedeh, Ui nemudut nedeh, pad ngegala' rayehKu kuan luk amung-amung.

YESAYA 61:3

Idi maré kuan lemulun luk mesusa' niat déi' Sion, awang idi do' ria' ku libal susa' niat, idi nani ubur ku libal tangi'. Tuhan sebuleng miak ngasa' nedeh; ideh do' ulun mepad kudeng kayuh. Amung lemulun nganau' luk matu. Idi Allah miak buren ngaceku luk inau'Neh.

HAGAI 1:8

Do' muyuh amé' luun surud déi' idi ngalap kayuh. Mudut Ruma' Allah baruh, pad Ui mawang niat idi miak uen ngerayeh maya' dalan luk petulu.

MATIUS 5:16

Kudeng ineh teh do' muyuh maré acang muyuh nelun, pad ideh miak nier kekamen muyuh luk do', idi ngerayeh Taman muyuh luk bang surga.

MATIUS 5:44

Iamo' nekini Ui pebala nemuyuh: do' mawa inan bunu' muyuh, idi sembayang kuan lemulun luk ngedereh nemuyuh,

MATIUS 9:8

Kareb lun mula' nekali' ratnan luk kudeng ineh, idi ideh matot idi nengerayeh Allah luk nemaré lalud luk kudeng ineh kuan lemulun.

LUKAS 6:35

Na! Do' muyuh mawa inan bunu' muyuh idi nganau' luk do' kuandeh, idi maré luk kebiten dengan na merapet miak ngalap lemubed. Idi muyuh miak ngalap tabpar luk rayeh, pad muyuh mangun ku anak-anak Allah luk Meluun Dita'. Ngaceku Ieh mawa kuan lemulun na maré ubur idi luk dat pana'.

YAHYA 13:35

Kudeng muyuh mawa seburur inan seburur, idi amung-amung lemulun miak kali' muyuh ineh anak-anak sekola'Ku.”

YAHYA 15:5

“Ui ini Lawa Anggur, idi muyuh angat-angatneh. Kudeng idé-idé luk lutep bang Negku, idi Ui pana' bang neneh, ieh miak kebua' mula'; ngaceku kudeng Ui na ngedengan nemuyuh, muyuh na miak nganau' anun-anun.

YAHYA 8:31

Idi kebala Yésus nelun Yahudi luk manu Neneh, “Kudeng muyuh maya' balaKu, idi dengan matu muyuh mangun ku anak-anak sekola'ku,

1 KORINTUS 10:31

Anun-anun luk ruen muyuh, do' kuman idi ngirup pana', do' muyuh nganau' amung ineh pad ngerayeh Allah.

1 KORINTUS 6:20

Muyuh pangeh bilih dengan raga luk mikat. Ngaceku ineh do' muyuh ngerayeh Allah dengan burur muyuh.

PILIPI 1:11

Ulun muyuh miak uen manu' ku bua'-bua' luk matu ratnan Yésus Keristus, pad ngacing rayeh idi ubur kuan Allah.

TITUS 2:10

idi dengan na mano. Iamo' do' ideh megéi' lutep idi do' niat bang luk amung-amung pad ideh ngerayeh bada' Allah, Lun Nengulun netau.

TITUS 2:5

pad ideh lutep terawé, meligan, idi mileh ngasa' uang tetek ruma', do' niat, idi maya' bala awandeh, pad bala Allah na uen nguyo.

1 PETRUS 2:12

Do' kekamen muyuh arang lun pupu baken mesiri sirendeh, pad kareb ideh ngadu' nemuyuh, idi neten nemuyuh lemulun luk dat, na miak na ideh ngiti kekamen muyuh luk do', idi ngerayeh Allah kareb Aco Tuhan macing.

1 PETRUS 4:11

Kudeng seburur mada', do' ieh mada' bala Allah; kudeng seburur ngasa' nelun baken, do' ieh ngasa' dengan tueh luk biré Allah, pad Allah miak uen ngerayeh bang luk amung-amung ngaceku ratnan Yésus Keristus. Idi rayeh kuanNeh, idi lalud macing ruked-ruked! Amin.